عنوان الموضوع : مين عندها دفتر يوميات...؟ -تم الرد
مقدم من طرف منتديات نساء الجزائر

مين عندها دفتر يوميات...؟




كيفكم انشالله تمام
قبل لا ابداء ابا اقولكم حالتي من ربع ساعة ...
حالتي كانت
<<<دقيقة لاتبكو عشاني انا مقدرة شعور الاخوة لكن الحقيقة هي انه كل انثى طبيعية تجيها هالحالة من فترة لاخرى لانو احنا بطبيعتنا حساسين بس للاسف تحسي الوقت اللي نفسك تفضفضي فيه او تتكلمي كل الناس القريبة منك تنشغل بقدرة قادر
او يمكن الكلام اللي بتقوليه كلمات متقاطعة يعني محد حيفهمه زيك ...

نرجع لحالتي وهيا انه انا كنت مارة فهالمرحلة من يومين ومرة مكبوتة منجد دورت علا احد يفهمني مالقيت وزوجي سمعته كم كلمة متقاطعة ماقدر يحلها ونام

اييييييييييييش سويت ؟؟؟

جبت دفتر يومياتي حبيبي طبعا هوا مو لكل يوم اترسه الاحداث لا
بس لايام الزنقة الي كدا وطبعا لي فترة ما كتبت فيه قعدت اكتب اللي فنفسي واخربط الى ثلاث صفحات وفي النهاية ارتحت نفسياً والله

عشان كدا قلت خليني...
مو اعلمكم اكيد عارفينها بس قلت انبهكم منجد تحسي براحة نفسية جربوها وما حتندمو...

ملاحظات:
* طبعا الراحة النفسية اولا واخيرا في كتاب الله لكن احنا كوكب الزهرة تجينا اوقات نبغة نتكلم وما نلاقي احد يسمع

* اذا في كلام خطير في نفسك عادي اكتبيه بس انتبهي تخلصي منه علا طول قبل لاتتسرب المعلومات وتصير بدل الراحة ورطة

تحيييييييييييييييياتي

>>>>> ردود الأعضـــــــــــــــــــاء على الموضوع <<<<<
==================================


هههههههههههههههههه اللهع يسعدك فكره طيبه بجربها مع اني قد جربتها بس مو دفتر اخذ ورقه واكتب فيها ...


ادعي لي ربي يسخر لي زوجي ويرده لي واحسن من اول قدر الله وفرقو بينا عيال الحرام تكفين تدعين لي ولكل من يقرا


__________________________________________________ __________

المشاركة الأصلية كتبت بواسطة سوسو20*
هههههههههههههههههه اللهع يسعدك فكره طيبه بجربها مع اني قد جربتها بس مو دفتر اخذ ورقه واكتب فيها ...


ادعي لي ربي يسخر لي زوجي ويرده لي واحسن من اول قدر الله وفرقو بينا عيال الحرام تكفين تدعين لي ولكل من يقرا

تسلمي حبيبتي نورتيني والله
يارب يرجعلك زوجك بالخير والسعادة ويبعد عنكم الشر اميييين يارب


__________________________________________________ __________

اعندي دفاتر واحيانا اكتب
بس عندما ابغى انسى موضوع مستحيل اسجله واكتبه حتى لو كنت مقهورة وابغى افضفض
بس النسيان احلى


__________________________________________________ __________

المشاركة الأصلية كتبت بواسطة روزالـيندا
اعندي دفاتر واحيانا اكتب
بس عندما ابغى انسى موضوع مستحيل اسجله واكتبه حتى لو كنت مقهورة وابغى افضفض
بس النسيان احلى

معاكي حق في اشياء ما تحبي تفتكريها
نورتيني


__________________________________________________ __________