عنوان الموضوع : تعبت من نفسى انا صح ولا غلط ساعدونى مجابة
مقدم من طرف منتديات نساء الجزائر

تعبت من نفسى انا صح ولا غلط ساعدونى



مشكلتى مش عارفاها انا مصريه ومش متاكده لان امى قالت ليا لما كبرت ان انتى مش بنتى اتبدلتى فى المستشفى فى الرياض فى السعوديه كانت هناك واحده سعودية بتولد فى نفس الوقت وكمان انا ما رضعتش منها نهائى انا مش بحبها مش حاسه ناحيتها باى حنان ايام خطبتى خلتها عدت عليا اصعب الايام وكانت بتجهزنى غصبن عنها ومن ساعت ما اتجوزت دايما فى خصام باقل مشكله انا ولدت مرتين ما وقفتش جنبى مع العلم انى ورى بتها بشارع ما جتش شقتى غير 6 مرات ما وقفتش جنبى سيبانى لوحدى ما فيش اعياد بيعيدوا عليا ما فيش مواسم حتى انها جرأت اهل جوزى عليا انا حاسه بوحده قاتله ابويا ماشى وراها حاسه انى يتسمه مكسورة الخاطر اعمل ايه حتى اخواتى كله بيكره كله زرعت فى قلوبنا من زمان الكره بتحب الذكور عن الاناث حتى انى حاسه انى بقيت زيها نفسى ارجع السعودية نفسى ابعد عن المشاكل ساعدونى انا مدرسة انجليزى خبره 6 سنوات انا حاسه ان جنسيتى سعوديه نفسى ارجع واعمل ايه نفسى مش قادره اعيش فى مجتمع منافق اى حد بيزعلنى باخد على خاطرى بسرعه ما بقدرش انافقه واكلمه وانا فى قلبى اى حاجه عكس كل الناس اللى حوليا لحد ما بقى كمية الناس اللى بتكرهنى اكتر من اللى بيحبونى تعبي مس لقيه حد اكلمه وافضفض بلى فى قلبى لسه عندى كتير وماقف اكتر بس عايزه حل انا غلط انا صح اعمل ايه عايزه اشتغل عايزه ارجع السعوديى حد يرد عليا حاسه بالانفجار

>>>>> ردود الأعضـــــــــــــــــــاء على الموضوع <<<<<
==================================


ربنا يهدى لك نفسك
مفيش ام تتبدل بنتها وتعيش حياتها كدا طبيعى ولا تقلب الدنيا
حكاية انت مش بنتى احنا لقيناك على باب الجامع او انت اتبدلت فى المستشفى فلكلور مصرى صميم وكل بيت فيه حد اتقاله نفس الكلام
مش عارفة الحكمة ورا المقولة دى بس كتير من الامهات بتقول كدا لولادها يمكن نوع من تحنين القلب (يعنى بتقول بطريق غير مباشر لو انك بنتى ومن لحمى ودمى كنت خفت عليا ومزعلتنيش )
ثقى ان الاهل بيعرفوا ان البنت لما تتجوز بتكون بدات حياتها الخاصة ولازم لها الاستقلال وحكاية الجهاز انت متعرفيش ظروف اهلك وقتها كان ايه يمكن كان ليك اخوات ثانوية عامة او ديون
اما المواسم والاعياد والعيديات والحاجات دى لو زوجك هو اللى بيتكلم فيها يبقى عيب عليه واهله ما لهمش الحق اهنهم يدققوا فيها ولا يدوروا عليها لانهم لوو كانوا كويسين ما كانوا اتدخلوا فيها

وعلشان تطمنى روحى اعملى dna

هههههههههههه اوعى تزعلى بهزر معاكى الامور بسيطة وابسط من انك تزعلى نفسك بالشكل دا وكل واحدة حساسة ومرهخفة المشاعر بتمر بصعوبة الانفصال عن الاهل المتمثل فى نفس الشكوى بتاعتك دى
واوصيك بامك ومهما فعلت معك حاولى تتغاضى لانها اكيد عايزة مصلحتك وبتحبك بس للاسف مش كل الناس عندها القدرة انها عبر عن مشاعرها بطريقة صحيحة ومش كل الناس عندها القدرة او الاحتمال لفهم مشاعر الاخرين

تقبلى ودى واحترامى


__________________________________________________ __________

سوي ياقلبي تحليل الحمض النووي الدي ان اي اولا عشان تتاكدي انتي بنتهم ولا لا
بعدين حاولي تكسبي اهلك اللي ربوك حتى لو ماكانوا اهلك وحبيهم وتقربي منهم مهما شفتي من مضايقات
لا تنسين فضلهم عليك ربوك ما رموكي في ملجا
وبعدين قبل كل شئ تقربي من الله عزوجل واكثري من ذكره
ولاتنسين تحسنين من اسلوبك مع كل الناس حتى يحبوك
موفقة حبيبتي والله ييسر امرك


__________________________________________________ __________

اختى ولو انتى مش بنتها زى ماوالدتك بتقول لية مادورتش على بنتها الحقيقية مادامت عارفة كدة؟؟؟؟؟
اكيد هى بتقول لك كدة علشان تضايقك لما تضايقيها بشىء وفى الاول وفى الاخر هى امك ويمكن حبيبتى مش بتجيلك كمتير لانك دايما هناك الام عمرها ماتكرة بنتها حتى لو قست عليها بالكلام اكيد قلبها عمرة مايقسى ويمكن هى ماقدرت تقف معاك وانتى والدة لانها مريضة وماتقدر تخدمك ...
وتعلقك فى السعودية حبيبتى شىء طبيعى بما انك اتولدتى واتربيتى فيها فاكيد قلبك متعلق بها ويارب يحققلك ماتتمنين ابحثى عن فرصة عمل لك او لزوجك فى السعودية وحققى ماتتمنى مادمتى سترتاحين فيها وارضى والدتك حتى يرضى الله عنك واصبرى على قسوها وان شاء الله ربنا يعوضك خير على صبرك
بالتوفيق


__________________________________________________ __________

لا والله مش فلكلور مصرى بتتكلم بجد بتقول جابوكى ليا مكفية على وشك انا اول ما شفتك قلت دى مش بنتى وازاى تحنن قلبى وهى رفضانى مشكلتها انها شكه مش اكيده اصل الموقف ده اتكرر معاها وده خلاها تزيد فى كلامها مع اخويا اللى بعدى هى شافته وهوبيتولد بس لما الممرضه جابته غلطت وجابت واحد تانى فعملت مشكلة لانها المرة دى اكيده وفعلا طلعت الممرضه مغيراه وعلشان تعرفى ظروف اهلى كويسه جدا وليهم هنا ملك اراضى وشقق وبيوت وعربيات وفلوس فى البنك وجوزى عمره ما اتكلم معايا فى كده بس انا اللى حاسه بيه خصوصا انى ساكنه فى قريه كله بيبص على كله وانا تقريبا منسيه من اهلى بكلمهم مخصمنى ما حدش بيجى لان ده اللى اتربه عليه والله انا فعلا بحاول اعمل dna نفسى اخلص من قربهم ليا حاولت وصالحتها كتير بس ما فيش فايده شهرين ثلاته وترجع تانى هو فى اكتر من انى اكون والده ومتجيش او ابنى عامل عمليه ومتجيش انا لو حسيت بالحنان كنت رديته بس فاقد الشئ لا يعطيه عارفه لما يكون عيد ميلادها لازم دهب ااقل من كده ما تجبيش احسن المشكلة حضرتك ما تعرفيش احساسى او كنتى معايا فى تفاصيل حياتى انا اخو جوزى من الاب ها يتجوز تعالى شوفى ام العروسه عامله ايه فى شقت بنتها وكل يوم هنا وانا فى شقتى فوق وحيده حزينه على اهلى


__________________________________________________ __________

والله انا قريبه من ربنا حتى ولادى اتعلمه الصلاه منى رغم سنهم الصغير عوضت فيهم الحنان المفقود انا تعاملى مع الناس حلو بس فى نفوس حاقده عليا زى اهل جوزى خصوصا علشان مركز اهلى فى البلد وشكلى وكلامى الرقاى وتعليمى العالى وكمان الحمد لله جوزى مش مخلينى محتاجه لحاجه خصوصا ان امه مرات ابوه مش امه امه ماتت ودى خالته فانا اللى زعلان منى اهلى واهله بس مش الكل عفه انا قلبى طيب بسامح على طول واللى فى قلبى على لسانى اكتشفت ان الطريقه دى ما تنفعش لقيت الناس كرهين بعض بس يقابله بعض بضحكه صفرا كلها نفاق حاولت ما قدرتش