عنوان الموضوع : لهدرررجة صرنا مثل الغررب مجابة
مقدم من طرف منتديات نساء الجزائر

لهدرررجة صرنا مثل الغررب



--------------------------------------------------------------------------------



شلووونكم مباارك عليكم الشهررر


حبيت اطرح موضوع للمناقشة ويمكن هالموضوع قهرني اشوي


الموقف هذا يمكن ما صار له يومين الله يسلمكم قبل يومين

شبت حريجة في بيت جيرااناا طبعا ساعه 2 الفيرر طبعا المطافي يووو والاسعاف

وبيت جيرانا يكسررون الخاطر اللي طلعت ابجامتها وبدون حجاب

تنادي وتدور خواتها وعيال اختها اتشوفهم طلعوا ولا لاء واللي تنادي ابوها وامها واللي واللي

طبعا انا نبهت اهلي ان في دخان دش علينا والمطافي نبهوا الجيران من نفس السطرة ان راح نخلي البيوت اذا وصلكم الدخان او الحريجة

والموقف البايخ واللي قهرني بيت جوارينا كلهم طلعوا واقفين يتطمشون ويخزخزون بالحريم

واهمة مو لابسين عدل واللي صفط سيارته وسكر على باجي

سيارات المطافي عشان بس يتطمش اهو وعياله طبعا من بيت جيرانا

واللي مو راضي يطلع ويوخر سيارته عشان بس تقدر سيارة

المطافي تدش عشان بس يبي يطالع الاخ واللي واللي ...يعني يووم صراحة

والله انا وامي واخوي الصغير بسرعه لبسنا اي عباية وبسرعه دخلنا اليهال الاصغار بيتنا

يكسرون الخاطر قاعدين يبجون ولموني حييل ويبت لهم ماي بارد

واللي تفاجأنا منه ما كنا ندري ان بنت جيرانا في نفاس وفيه ياهل رضيع

بسرعه المطافي الحمدلله طلعوا البيبي وامي خذته وعطتني ياه

يعني امي كانت تاخذ اليهال وانا ادخلهم بيتنا واشربهم ماي واداريهم

وباجي الجيران مثل ما اهمة طالعين بالسكه يخزخزون بالحريم واللي يطل من الدريشة

ولا ريال فيه نخوة يساعد او يي ويقول تامرون على شي !!!!! بس فالحين يتطمشون بالحريم

ولا وحدة من الحريم قالت اييب عبايه حق جارتنا وعيالها وتستر عليهم


واحنا قاعدين نراكض ونييب لهم عبايه وحجابات مساكين منحرجين

والقهررر يوم الثاني وحدة من الجيران دقت على امي تقولها يا

ام فلانه اشعندج امس امسوية استقبال عندج الفيرررر ؟؟!!!!!! اي استقبال حرام عليها عاد احنا ما عندنا هالسوالف

صج ما تستحي !!!! وبعدين امي قالت اي استقبال انتي ما شفتي الوضع امس

وترد يا ام فلانه تدرين عندي صلاة وقرآن وقيام الليل وما يصير نطلع ؟؟؟!!!!

يا سلاااااام

الحين رمضاااان مو اهوة شهر الخيررر ومساعدة الجار اناااا استغرررب من الناس عبالهم

رمضان بس زوارة وقراءة القران حبايبي رمضان مو بس جذي شل فايدة تقرين قران وجارتج

محتاجتج وفي وضع الله يعلم فيه وانتي واقفه وتتطمشين

وامشغله التي في وتقولين قران

شل فايدة تقرين قران وتتعبدين وانتي اعمالج مااااكوو والله

بالخير وربج بيحاسبج على اعمالج مو بس انج قريتي قران بهل الشهر ولا لاء


لهدرررجة صرنا مثل الغررب ما انساعد بعض وعادي لو ينذبح شخص جدامنا كل واحد يوقف

ويتطمش ويقول انا مالي شغل لهدرررجة صرنااا ؟؟؟

انا بس اقول الحمدلله انها جت سليمة وما صار حق احد فيهم شي وبالذات البيبي الرضيع

انتوووو اشررايكم وابي آرااائكم ومواااقفكم
منقول

>>>>> ردود الأعضـــــــــــــــــــاء على الموضوع <<<<<
==================================


لا حول لا قوه الابالله حمدلله على سلامتهم حبيبتي وجزاكم الله خيرا


__________________________________________________ __________

بجد كلامك صح انا كمان بلاحظ هالشي كل يوم انتي شفتي هالشي من مجرد موقف نحنا بس يصير عنا قصف من الطيران زمان كانو يجتمعو كل اهالي الحي اولها وبعدين هلا الوضه صار زي سلام عليكم بشوفو الصاروخ وعاااادي لا تساعدني ولا اساعدك من من قله في غضب بينزل علينا
لا حول ولا قوة الا بالله العلي العظيم يارب الطف فينا يارب


__________________________________________________ __________

الحمدلله على سلامتهم وبصراااحه انتو ماقصرتو اجركم عند الله ان شاء الله


__________________________________________________ __________

الحمد لله على السلامه و الله يجزيكم الخير يا رب


__________________________________________________ __________