يبقى انت اكيد فى مصر
عنوان الموضوع : يبقى انت اكيد فى مصر
مقدم من طرف منتديات نساء الجزائر
يبقى انت اكيد فى مصر
لو سألت سواق تاكس على عنوان وبدل ما يدلك قالك امشي ورايا.. يبقى مصري..
(وعلى فكرة ساعات بيغير اتجاهه عشان عنده رغبة صادقة يوصلك وخايف تتوه)
لو صليت في مكان وبعد الصلاة اللي جنبك مد ايده وقالك تقبل الله.. يبقى مصري
إذا سمعته بعد أن يضحك كثيرا يقول " خير اللهم إجعله خير " .. فتأكد أنه مصري ...
لو إتصلت بيه في التليفون , وقال لك من غير مناسبة " كل سنة وإنت طيب " .. فتأكد أنه مصري
لما تقابل واحد وتسأله وعمره مايقول "ما أعرفش!" جينيوس مصري
لما تنزل تلاقي واحد ساند على عربيتك واول ما يشوفك يضحك ويقولك لا موأخذه يا باشا
لو دخلت عليه وكان بياكل ولو حتى عيش وبصل لازم يقولك اتفضل الأكل ويعيدها عليك ثلاث أربع مرات
و لما عربية تعمل حادثة فى الطريق الصحراوى أو الزراعى , و فى ثوانى تقف
لها خمسين عربية ينقذوا المصابين و يعدلوا العربيات و لو اضطروا يشيلوهم من
على الأرض .. هم دول المصريين
لما تلاقي ناس بتقضي العيد فى المقابر مع حبايبهم اللي ماتوا يبقي أكيد في مصر
لما تلاقي خناقة فى الميكروباص والأصوات عليت كل واحد فيهم بيحلف إنه يدفع للتاني ثمن التذكرة
لما تلاقي ست البيت بتحوش برطمانات المربي الفاضية سنين طوال بدون استخدام يبقي أكيد دي مصرية اصيلة
لما يكون عندنا ضيوف ويسلموا عشان هيمشوا ويقفوا على الباب يتكلموا ساعه يبقوا مصريين صميمين
لما تلاقى اننا شايلين اكياس اللبس والجزم من جميع الاشكال والالوان تحت المرتبه نبقى مصريين من الجذر
لما تلاقيه بيحط الريموت كونترول في كيس بلاستيك كعادة فرعونية
- ييجي بعد معاده بساعتين ويفتكر إن ده عادي
لسه عنده إصرار إنه يتكلم بصوت عالي في التليفون لما تكون المكالمة دولية عشان التاني يسمعه
- بيكون عنده شواية لزوم الرحلات أقصى استخدام لها كان مرة واحدة في العيد
ولما تلاقى شعب فى اكبر ازمه بيمر بيها ... مابينساش يضحك ويطلع افيهات
ويضحك اللى حواليه
وكل العالم يتكلم عليه ....
وعلى خفته
يبقى انت اكيد تقصد اعظم شعب موجود على الكرة الارضيه... شعب مصر
تحيةلشعب مصر العظيييييييييييييييييييييييم
للامانة منقوووووووووووووووووووووووووووووووووووووووووووول
>>>>> ردود الأعضـــــــــــــــــــاء على الموضوع <<<<<
==================================
والف شكر لك وعاشت مصر
__________________________________________________ __________
هههههههههههههههه صح والله المصريين دمهم خفيف وكل الأمه العربيه فيها خير .....
__________________________________________________ __________
حلوه و الله 
__________________________________________________ __________
لو صليت في مكان وبعد الصلاة اللي جنبك مد ايده وقالك تقبل الله.. يبقى مصري
فعلا عمرى مالقيت كدة فى اى بلد تانى غير مصر بلدى ربنا يحفظها من كل سوء .......والله وحشتنى اوى
__________________________________________________ __________
رد مع اقتباس
