عنوان الموضوع : ام زوجي وبناتها وزياراتهم المفاجأه
مقدم من طرف منتديات نساء الجزائر

ام زوجي وبناتها وزياراتهم المفاجأه



السلام عليكم ورحمه الله وبركاته

انا صار لي متزوجه اكثر من سنه ونص وحآليآ حامل بالشهر الثامن وسآكنه مع اهلي زوجي بالبيت بشقه معزوله -) ينقال

مشكلتي ان شقتي بآبها الأساسي ماعليه قفل يعني لازم ينقفل بالمفتاح
ويقدر اي احد يدخل علي بأي وقت وكم مره كلمت زوجي بها الموضوع ولاكن لاحيآه لمن تنادي .
وام زوجي وخواته بكل الأوقات مطيحين عندي يعني ابد مافي حررريه لا في لبس ولا رآحه أبد
بأول زواجي كنت اصبر واقول عادي علشان زوجي ..يعني تخيلو تجي هي وبناتها وتسهر الين 4 الفجر
وانا اموت نوم بس اجاملها ... بس بالنهايه بديت اتعب مع الحمل

وهذاك الأسبوع جآيه لي اخت زوجي يوم الخميس الساعه 2 بالليل تقول لي امي بتجيك هي وخواتي بعد شوي
-) قلت يآبنت قوي عينك واعتذري هالمره قلت لها اني تعبانه وبنام خليها بوقت ثاني
تتوقعون انهم عدوها كذااا
ثاني يوم تجي اخته الكبيره وتصآرخ بوجهي تقول ليه مادقيتي ع امي .. وليه مارديتي ع تلفون الشقه ... الخ
ونرفزتني لأقصى حد
والمشكله اني اذا نزلت لهم مايستقبلوني عدل وحتى المويه مايجيبوها لي


وقتها وصلت ويآي وماكلمت زوجي بالموضوع الا بعد كم يوم وطيب خاطري وقال المفروض تردين عليها وماتسكتين
وامس الله العالم كنت تعبانه من معدتي وحالتي حاله طول وقتي الله يكرمكم بالحمام طول الصبااااح
وماتغديت انا وزوجي الا المغرب هو رآح يصلي وانا قلت بتروش توني مخلص من ترتيب الشقه ومبخرتها
الا وتجي اخته وتقول امي تقول لك بتطلعين قلت لها انا مشغوله بتروش -) يعني حسو يآنآس
قامت وقالت امي تقول لك ( زلي الشاهي والقهوه بنجي عندك )
قلت لها طيب
بس شنهو زلي شآآهي وقهوه شآيفتني مقصره بواجبها ولا مااعرف الأصول
هذا بدال ماتقول لي نزلي تقهوي ويآنآ .. ولا مرت ولدي تعبانه ومانبي نكلف عليها
والله اني عصبت حدي خلااااااااص وقلت والله لأطنشهم حتى لو جآو ماراح ارد عليهم وماني طالعه من غرفتي
وجآو وطنشتهم بس ماعدوها الا وهم قآيلين لزوجي اني ماطلعت لهم
والأخ جآي يتحقق مني يقول وينك عن التلفون

جد بديت اكرهه جلستهم الحين لأنهم شتطرين بس تحقيق ويآي طول الوقت .. وين رحتي ابش شريتي ...الخ
وهم ابد اسأليهم اي شي الا صرفو لك السالفه بكبرها .. وماخذين رآحتهم لأبعد حد بالشقه وغير الأوساخ الي بعدها تعالي نظفيها وانا مافيني حيييييل انظف بكل وقت

انا ماابيهم يقلبون زوجي علي ويظن اني مااحترم اهله او ماابيهم
بنفس الوقت ابي حريتي وراحتي ويآمآ كلمته كثير بس مافي فأيده ماادري ايش الحل ويآه ؟!
وايش اسوي مع ام زوجي وبناتها ؟!

>>>>> ردود الأعضـــــــــــــــــــاء على الموضوع <<<<<
==================================


الله يعينك
كلمي زوجك يكلمهم
او اعطيهم العين الحمراء _هههههههههههههه_ خليك قوية


__________________________________________________ __________

احكي مع زوجك بالهداوة و خلي يزبط الباب و يحكي معهم انهم شوي يخففول زياراتهم المتأخرة و ازا زوجك عندو امكانية انو يطلع من البيت اطلعوا ! الله يعينك


__________________________________________________ __________

مااقول الا الله يعينك بس حبيبتي قبل اهم يكلمونك حاولي تسبقينهم وتنزلين عندهم
وتعذري قولي انك حابه تغيري جو قولي انك راشه مبيد حشرات وانكتمتي منه اي عذر راح تلاقينه قدامك قولي لزوجك ايش رايك ننزل عند اهلك نتغدى او نتعشى الين يتعودون


__________________________________________________ __________

المشاركة الأصلية كتبت بواسطة اللألئ
الله يعينك
كلمي زوجك يكلمهم
او اعطيهم العين الحمراء _هههههههههههههه_ خليك قوية

هذي مشكلتي الحين لما عطيتهم العين الحمرآ قآمو علي


__________________________________________________ __________

المشاركة الأصلية كتبت بواسطة annouseh
احكي مع زوجك بالهداوة و خلي يزبط الباب و يحكي معهم انهم شوي يخففول زياراتهم المتأخرة و ازا زوجك عندو امكانية انو يطلع من البيت اطلعوا ! الله يعينك

كم مره حكيت معاه بالهداوه تخيلي سنه ونص من تزوجنا وانا بالهداوه
كم مره دخلو علي وانا بملابس قصيره واضطر اقوم اغيرها اول مااسمع صوتهم