عنوان الموضوع : تكفون طالبه مشورتكم بس...........لاتردوني
مقدم من طرف منتديات نساء الجزائر

تكفون طالبه مشورتكم بس...........لاتردوني



السلام عليكم ورحمه الله وبركاته...

انا ودي ادرس يعني استاذه ولي فرصه كبيره بس المشكله ان زوجي بديره وانا بديره وكل ما اكلم وحده من صديقاتي تقولي انه اترسمت يعني اتوظفت رسمي
وانها تستلم راتب ماحد يمن عليه لاوبعد ما توظفت واستانست بدنياه تبي تتزوج الله يهنيه مو حاقده عليه بس حاسه بخيبه امل رااااااااااح مستقبلي قدام عيوني وش اللي يضمن لي زوجي صحيح يحبني ومو مقصر علي بس مدري متضايقه بس جالسه بالبيت وشغل ورعايه للرجل وللولد معقوله بقعد طول عمري كذا جيب من الاولاد واربى بس ما لي هدف غير التربيه
انا فاهمه انكم بتقولون دام ان زوجك مو مقصر معك وكل شي تبينه موفرلك بس مهما كان لو اني متوظفه ما كان قال وش تبين من السوق وما اروح لسوق دايم وخاااااااايفه من انه بعدين يتزوج علي بكذا اكون جنيت على عمري بتقولون ليش يتزوج انت اذا ما قصرت معه ما راح يتزوج بس بقولكم انهم ياكثرهم الي تزوجوا عن حب وكل شي تمام بس فجــــــــــــــــــــــأه انه جايب له زوجه يقول بدلع روحي
بكذا انا اقول ما قدر اتحمل والله اني اكتب لكم وانا متضايقه وحيرانه ابيكم تنصحوني لا وبعد صديقتي قبل شوي يوم تكلمني تقول الطيور طارت بارزاقه وانت جالسه عند ولدك ورجلك وما راح ينفعونك كلامه صحيح والله اني ما ادري وش اسوي اقدم السنه الجايه على ديره اهلي لانه عند زوجي ما فيه امل الا اذاااااااافيه واسطه وانا ماعندي
الله يوفق كل من تدخل وتقرا حالتي ابي دعوه من قلب ان الله يسهل لي امري ويكتب اللي به الخير لي ياااااااااااااااااااااارب
عاجلا غير اجلا,,,,,,,,,,,,,,,,,,و قولوا آمين

>>>>> ردود الأعضـــــــــــــــــــاء على الموضوع <<<<<
==================================


مرحبا قلبي
بقولك شي
انا اختي صار لها متزوجه 3 سنين
وهي مدرسه وزجها بديره وهي بديره
والحين تقول يا خساره عمري اللي راح وانا عند اهلي
ما حسيت اني متزوجه (الحين اختي عندها ولد)
وتقول يوم يمرض الولد انا اوديه المستشفى كأني رجل
واشتري لولدي من حسابي والمفروض ابوه يصرف عليه
وطبعا الحين بتستقيل
مو بس عشان الاسباب اللي فوق
بتستقيل لان الواحد ما يدري كم يعيش
وتخاف بعدين لو راح زوجه تتحسف انها ما عاشت معه
قلبي
الوظيفه مهمه لان الوحده ما تدري الزمن وش مخبي لها
والزوج بعد مهم
عشان كذا
قدمي عند اهلك
وبعد سنه يحق لك تطلبين نقل خارجي
او يمكن ينفتح لك باب خير وبعد كم سنه تستقيلين وتروحين لزوجك
بس اهم شي
لا تفكرين انك تعيشين بديره وزوجك بديره لنهايه العمر
وسلامتك
والله يفتح علينا وعليك يارب ابواب الخير والرزق


__________________________________________________ __________

الله يقدم لك اللي فيه الخير بس اختي كوني واقعيه معقوله اذا كلمتك وحده وقالت ليش ماتوظفتي مالك داعي تنكدين على عمرك هذي ارزاق وانا اختك هوني على نفسك وكل شيئ بيد الله ومو شرط انه زوجك بتزوج عليك هذي اوهام بالعكس تفائلي ياقلبي واستشيري زوجك وادرسي الموضوع زين بدون تسرع وكل شيئ بيد الله والله يوفقك وييسر امركبس لاتحاولين تبعدين عن زوجك ثم يتعود على غيابك وتدمين من جد وبس


__________________________________________________ __________

حبيبتي من رايي انج تعيشين مع زوجج دامه مريحنج ومستانسه معاه وبعدين حاولي تشوفين شغله مب شرط انج تكونين استاذه شوفي شهادتج شو تعطيج من مجالات الشغل وشتغلي بنفس ديرة زوجج
واذا ماحصلتي شغله لا قدر الله لا تقولين والله شو هالعيشه بعيش بس عشان اربي عيالي ترا الحياه ماتتوقف عند الشغل وماقلت لج عيشي بس عشان تربين عيالج
روحي طلعي ويا اهلج اتمشي خلي زوجج يوديج كل اسبوع مكان حلو تريحين فيه نفسج الحياه فيها نشاطات كثيره موب بس الحياه الزوجيه والدراسه والشغل والعيال في اكثر واكثر
روحي زوري الايتام في واايد اشيا تقدرين ترفهين فيها على نفسج
بس ما انصحج تخلين زوجج ابدا لو مثلا لفتره بسيطه ماتزيد عن سنه او 2 وبعدين تنتقلين لديرة زوجج بقولج اوكي بس العمر كله لا ما انصحج اصلا شو فايدة الحياه الزوجيه دامج فمكان وهو بمكان انا انصحج لا تسوينها اصلا العائله كذيه بتتفتت هاي نصيحتي
وعندي حل ثاني ليش ماتصلين استخاره؟ صلي وشوفي
والخيره في الله يختاره
الله يوفقج حبيبتي ويدلج عالخير تقبلي مروري


__________________________________________________ __________

مشكورات خواتي والله انكن ريحتني بردودكن الي تبرد القلب ما انحرم نمكن ان شالله
والله يكتب الخير لي ولكن وربي يسعدكن


__________________________________________________ __________

الله يوفقك ويعطيكي الي فيه خير