عنوان الموضوع : تغيرت حياتي منذو ولادتي -تم الرد
مقدم من طرف منتديات نساء الجزائر

تغيرت حياتي منذو ولادتي



اخواتي الغاليات اتمنى تفهموني انا ام لاربعة اطفال ولدت 2طبيعي و2قيصري ولادتي الرابعه كانت قيصريه يعني خلاص ماراح اولد ال قيصري المشكله اني نفسيتي تعبانه احس اني مو مثل باقي الحريم احمل متى ماابغى ومااحد يحددلي عدد الاولاد انا عارفه ومؤمنه ان كل شي بيد الله بس والله العمليات صعبه وكل عمليه اخطر من اللي قبلها مضاعفات وخوف انفتاح الجرح والتصاقات والتخدير
المهم انا من ولدت قبل ثلاث شهور وانا كل يوم اجلس بالساعات اقرا عن العمليات والله ماهتميت بنفسي اقول وشوله ازين عمري وانا الجرح كل ماتحركت يعورني ماقدر اسوي رياضه مااقدر اشيل ثقيل
تخيلو قبل شهرين حضرت زواج وحده تقولي يوووووووووه كيف جرحك حرام تحزنيين ووحده لما كنت لي 20 يوم والده تقولي هاه عساك بديتي تمشين يعني بالله كيف بعد3و4 عمليات ماابطلع من بيتي
اقسم بعزة الله اللي حولي قليل قيصري ومهولينها علي عمتي كبيره بالسن تقولي ياحرام شقوك ووحده تسالني وين مكان الجرح الثاني وش طوله
والله نفسيتي زي الزفت كل ماقريت قصة وحده والده طبيعي اقول ياحظها القيصريه صعبه واللي جربتها تعرف كلامي الالآم تجلس معك شهور نفسي اجيب اطفال كثير عمري صغير الدكتور يقول باقي لك عمليتين وبعدها الحمل على مسوليتك عندنا اللي عمرها 30تلقين اقل شي عندها 6 اطفال واخاف زوجي يتزوج علي بيلاقي حجه
نفسي انسى ابعيش حياتي بدون ماافكر بس ماقدرت خايفه ربي يعاقبني بس والله والله والله ماهوبيدي مافي احد يبي الكدر حق نفسه انزل اتسوق واخرج اتمشى و احس العمليه قدام عيوني اذا جيت انام اتخيل لواني ولدت طبيعي كان مااحس بالام الي احسه الحين واقول ياليتني رحت لحكومي كان ماستعجلو علي وياليت وياليت احس النفسيه تزيد علي باليل اكثر

ارشدوني بارائكم ونصايحكم ولاتبخلون علي

>>>>> ردود الأعضـــــــــــــــــــاء على الموضوع <<<<<
==================================


اختي اولا الحمد لله ثانيا مايعلم الغيب غير الله الدكتور مايعلم الغيب ثالثا لم التفكير والله ولي التدبير اهتمي بصحتك وتركي التفكير والناس اللى يسلونك احسني الظن بهم يمكن يبون يتطمنون لا اكثر عليك انا اعرف كثير حريم يولدون قصري كثير وبعدها يردون طبيعي انتي نظمي حملك وتوكلي على الله موووووووفقه


__________________________________________________ __________

تش تش تش تش تش وش هاالافكار اللي داخله عليك تدرين للمعلوميه ان امي امي امي يعني موقصه جابت طبيعي 2 وو5 عمليات ومرت اخوي كذا وكللللل اللي حولي عمليات من يقول انه خطر متى مابغو يحملون وبعدين لا تحسبين الطبيعي سهل انا شفت المووووت بعيونه اربع ايام طلق طلق احررر من الجمر بس ماينفتح ارحم ولا يقدرون يولدونن عمليه عشان صدري تعبان والبنج لازم يصير مع الظهر فاقالو اخرر شي نفكر فيه العمليه تخيلي لدرجت نوومون عشان مااحس بألم الطلق هذا اول طفل لي وعمره الان خمس سنوات ولا افكر احمل إلا لادخل المدرسه لاني مانسيت اللي شفته ,,, العمليه نعععمه تقدرين تحملين متى ماتبين واي وقت وكم واحد وش الخرابيط ذي وبعدين اذا تميت تسع شهور خلاص الجرح بيشوي وتسوين رياضه على كيفك ويرجع كلللش طبيعي .


__________________________________________________ __________

حبيبتي امر طبيعي انا عمليتين يعني كل ولادة عمليات والحمد لله الي كاتبه ربي يصير

لاتشيلي هم ولاعليك وبنت عمي عندها 6اولاد كلها عمليات


__________________________________________________ __________

يااختي تحمدي الله على نعمه ولاتنتبهي لكلام الناس
والله اذا الله كاتبلك تجيبي اولاد اكثر كلام الناس مابيفيد
وان شاء الله الله يرزقك من فضله


__________________________________________________ __________

الله يجزاكم خير لى ردودكم
نفسى ارجع زي اول بدون هموم بس والله ماهو بيدي