عنوان الموضوع : كيــف اتعآآمـل مع اخــــتيً ..
مقدم من طرف منتديات نساء الجزائر

كيــف اتعآآمـل مع اخــــتيً ..



الســــلامـ عليكـــم ورحمــه الله وبركـــآآته ..


خوآآتي راح اعرض عــليكمـ مشكـــلتي وانشاءالله تسآآعدونــــي,,

انـــآآ عمري 19 وعنــدي اخت عمرها 14 سنــــه,,
قبل فترهـ نقلنا بيت جديد وكان مضطر ابووي ينقل اختي الصغيرهـ مدرسه ثآآنيه قريبه من البيت,,
ونقلناها والحمدالله تقول ان المدرسه كويسه وتعرفت على بنات ومره مبسووطـــه

بسس هي عندها صديقات تعرفت عليهم من المدرسه دايما يجونا مارتاح لهم ابد ابد اصدقاء سووء هم الى مخربينااا مدرري اقول حق ابوي ينقلها مدرسه ثاانيه ولا مدرري شسوي


وبعــد فترهـ حسيت اختي متغيرهـ وصآآرت بس تجلس ع نت وكل ماقرب من عندها وهي ماسكه الابتوب تبعده تقوول وشش تبين
عاد من يوم قالت كذا حسيت ان الساالفه فيها شي ليه اختي ماتبيني اشوف اكيد في شي غلط تسوويه عاد قلت لازم اعرف,,
اختي هذي ابوي مره يحبها يعني اكثرر وحده فينا يحبها مايرفض لها طلب حتى الابتوب جاب لها لوحدها من يوم عمره 13
المهـــم..
في مره مسكت الابتوب وهي نايمه وفتحته وقلت ابشوف شسالفه دخلت ع لمحادثات شفت محادثتها مع شااااب ومبين من المحادثه ان اختي تحب انا ماااستووعبت توها اختي صغيره وطلعت بلاوي من تحتها وصرت كل ماشوفها اهاوشها واوقات اسحب الاب ولا اطفي النت عليها ولا اقول لها بلا حركات من تحت لتحت بس هي ماتدرري اني اعررف وقبل فتره قالت هي حق ابوي تبي جوال وان صديقاتها كلهم عندهم ابووي حن عليها قال انشاءالله وجاب لها جواآآل عآآد هناا تبدأ الفضيحـــــه..

ومن يوم صار عندها جوآآل صآآرت تجلس بالغرفه ولا اى مكان كم مره اصيدها تكلم فيه ومن جد خاايفه عليها وماني عاارفه اتصررررف مره

قلت لازم اقول حق اختي الكبيرهـ,,
عاد اختي الكبيره ماقصرت رااحت سحبت الجوال بكبرره وهددت اختي قالت اذا قلتي حق ابوي اني سحبت جوالك راح افضحك عاد سكتت وماقالت حق ابووي..
والحين قضينا من الجوال والحمدالله
**بس شوفو بقى الابتوب ولسى على هذا الموال تجلس عليه وسواالف مع هذا الشاب وموعارفين شنسووي كم مره هواش معها لا وصارت دايما تروح بيت خالتي وبنت خالتي كبرها يسلااام اختربو ثنينهم بنت خالتي بعد تعطيها جوالها ويجلسوون عليه يعني مو خايفه اختي ومو راضيه تفك عن هذي السالفه كم مره نصيدها خلاص من جد تعبت منها امي تعبانه ولو عرفت بزيد تعبها وابووي بيذبحها لو قلنا له وكل مره نشووف تطورات مع اختي كل شوي تطلع لنا بساالفه وش الحل وش نقوول لها عشان تترك هذي الخرابيط المراااااهقه خايفه يجي يووم وتفضحنااا امانه الى عندها طريقه تتعامل فيها مع المراهقاات الى مثل اختي تقوووولي


>>>>> ردود الأعضـــــــــــــــــــاء على الموضوع <<<<<
==================================


حبيبتي الله يهديك انتي ليه لسى ساكته قولي لامك اقرب لك وجيبي اختك تقول معاك والاب توب خذوه ولاتروح مع بنت خالتها افضل ولاتقولوا لابوك حاليا بس متى مااضطريتوا لاتترددوا تقولوا له وانتي نامي معاها اذا هي لوحدها ولاتخلوها لوحدها كثير وراقبيها من بعيد لا بعيد بس لاتنتبه لك بعد كيذا تحقد عليك وتعاند لان البنات ذي الايام يعطوا بعض جوالات انتبهوا لها ولاتخلوها تحس انك سوتي كيذا من كرهك لها .......
والله يصلحها كل بنات ذي الايام كيذا ......


__________________________________________________ __________

الله يهديها والله مالك الا انك تسحبين منها الاب توب واذا رفضت هدديها انك بتقولين لاابوك عن علاقتها المراهقه لازم لها شده شويه لانك لو سكتي قالت ماتقدر تسوي شي وتتمادى اكثر لازم شخص تخاف منه هي لسى صغيره حرام يضحك عليه ولد سوء وياخذمنها الي يبغى لاقدر الله لان هذا السن تضحي بكل شي ولا تدري ان الي سوته غلط الا بعد فوات الاوان الله يهديها ويهدي بنات المسلمين


__________________________________________________ __________

وعليكم السلام ورحمة الله وبركاته
اختك لازم تغيرون لها هذي المدرسه هذا اولا
صارحيها انك عارفه انها تكلم وقوليلها عن العواقب الي ممكن تحصل
قوليلها عن نهاية البنات الي كانوا يكلمون الشباب
اوعديها بشئ تحبه اذا تركت هذي السوالف
قوليلها انا نصحتك وانتي براحتك بتقولين بعدين اختي قالت
بالنسبه للآبتوب ما ادري وش اقولك ماجاتني فكره عنه
الله يصلحها ويهديها


__________________________________________________ __________

المسألة وبما فيها هي الحين في فترة المراهقة وهذي المرحلة جداً صعبة وخطيرة اللي عليكم تسوونه انكم تقعدون معاها و تصارحونها وتفهمونها ترى اسلوب خذينا منها التلفون و خذينا منها الاب توب ما ييب نتيجة مع هالجيل كلش كلش اهم شي توقفون معاها في هالمرحلة وتحاولون تثقفونها عشان تعرف تميز بين الصح والغلط وقولو لها ما راح تنفعك غير دراستك وهالخرابيط هذي ما راح تفيدك فكري في مستقبلك وفي طموحاتك وجيبو لها قصص مراهقات انقص عليهم و اندمرو وصدقوني راح ينضج فكرها وراح تتجنب هالشي ..والله يهديها يارب


__________________________________________________ __________

اولا- انت واختك الكبيرة يبغالكم طققققققق؟؟
وحدة زي هذي ورعة لاااازم تهاوشونها وتفهمونها انكم عرفتوا حركاتها وتمنعونها من اللاب نهائي
زي الجوال ؟ كمان تراقبونها
هذي صغييييييييرة