عنوان الموضوع : تعبت وربي تعبت ارييد حل
مقدم من طرف منتديات نساء الجزائر

تعبت وربي تعبت ارييد حل



السلام عليكم

أخواتي الغاليات أول مره اكتب مشكلتي لأني تعبت من التفكير اريد حل

انا ابلغ من العمر 33سنه تزوجت وعمري 14سنه ابوي زوجني

عندي اربعة اطفال

عانيت كثير من بيت أهل الزوج ومن الزوج

زوجي كله عقد وتفكيره بدائي تعبت كثير منه

زوجي بخيل في المال وفي العاطفه
صبرت سنواات طويله عليه كانت حالته الماديه ضعيفه وماهمني هاذا

كان كل همي زوج يحس فيني عمري ماسمعت منه كلمه حلوه

الحين اهو حالته الماديه جدا ممتازه

لاكنه مايعطيني الا بالقطاره ويحاسبني على كل ريال اصرفه

ماعمره جلس معنا دايما مشغول من الصباح الى المساء

نشوفه وقت الاكل اقل من نصف ساعه ووقت النوم بس

مع الناس طيب وحبوب وكرييييم واجتماعي درجه اولى وراعي عزايم

يعني مايمر اسبوع الا عزيمه

ومعنا مستحيل يضحك او يتكلم كلامه اوامر بس

ممنوع اطلع او اكلم احد بيت اهلي اذا بروح لازم تحقيق معي

اذا بروح سوق لازم معاه وبسرعه هو يركض وانا طايره وراه

زواجات ممنوع اروح بس اروح حق القريبين كثيير

وممنوع اروح كوافير وممنوع اشتري فستان او اشتري اي شي عشان الزواج
اوقات بالزواج البس عباتي واجلس

الكل يقول عني بخيله مايدرون اني امووت قهر من داخلي

مستحيل اجلس كثير بالعرس اوقات قبل تجي العروس اطلع

واشوي ويتصل يخاف اطلع اروح هنا ولا هنا >>>> يشك

اذا عطاني مصروف مااطلب غرض للبيت الا قال عندك فلوس عطي عيالك ويشترون

ضليت فتره طويله اجلس شهر وشهرين ماأطلع من البيت
وياويلي اذا قلت طفشانه تقوم الدنيا علينا

ممنوع احد يجي عندي او اروح عند احد غير عند امي

وانا حتى اخوات ماعندي

كانت علاقتي مع سفاتي حلوه لاكنه معني عنهم يزعل اذا جاو عندي

يضل زعلان يومين او اكثر واذا مااعتذرت ينجن

يكره اهلي امي يناديها بأسم ولدها يعني مايقول لها مثلا عمتي

صديقات ماعندي مثل الناس لأنه يرفض احد يجي على البيت

تعبت اكثير من الوحده مليييييييت

احس خلااص كرهته وكرهت نفسي

وكل هاذا وذالني انا اعطيك وانا اسوي لك وانا عزيتك وانا رزيتك وانا جبتك من بيت فقر مافي احد مثلك

حتى عيالي اذا اشترينا لهم ملابس يصارخ عليهم ويذلهم

بعض الاوقات يرفضون يلبسون الملابس يقولون لي يمه رجعيهم السوق ماراح نلبسهم
يشك فيني شك موطبيعي كل يوم يفتح الجوال يشوف السجل يفتح جهاز الاب توب اذا شاف ارقام غريبه بالجوال يقول اتصلي اشوف المتصل
وربي تعبت

اذا قلت بروح مكان يقول اخاف تروحين هنا ولا هنا
لاتقولون اهتمي فيه كل شي سويته له

اذا سويت ليالي رومنسيه قال ليش الاسراف

اذا اشتريت له هديه مستحيل تعجبه لالازم ينتغدها
تعبت وربي كثير
نفسيتي صارت زفت منه من سنين وانا نفسيتي زفت والقولون العصبي

وخفقان بالقلب كل من التفكير والقهر والبكي

تقريبا كل يوم ابكي

وأفكر كثير بالطلاق بس خايف على عيالي

باالله عطوني حل تعبت مو قادره اقرر

واعذروني على بعض الاخطاء كلامي مو مرتب

>>>>> ردود الأعضـــــــــــــــــــاء على الموضوع <<<<<
==================================


اوصيك حبيبتي بالصبر

ثم اكثري من الاستغفار ومن قيام الليل

واللجوء الى الله وكثرة الدعاء

والدعاء في الاوقات الفضيلة المستجابة

واجعلي والدتك تدعو لك بصلاح الحال

وخلاص اصبري عليه من اجل اولادك

ما لك حل الا في الدعاء والصلاة وكثرة الاستغفار

والله يرفع عنك ويغيرلك زوجك الى الافضل آمين يارب العالمين


__________________________________________________ __________

بسم الله الرحمن الرحيم

كل يوم يفتح الجوال يشوف السجل يفتح جهاز الاب توب اذا شاف ارقام غريبه بالجوال يقول اتصلي كيف تقولي زوجك بخيل وانتي عندك جوال ولاب توب معقول مايشتري لك فستان وهو شاري لك لاب توب ومسوي لك اشتراك باالنت وشاري لك جوال اختي وين اغلى الفستان اواللا بتوب اختي احمدي ربك على ان عندك زوج والله الي غير تمني زوج ولو معاق بس يصير عندها سند في ها الدنيا والله العظيم لو يجيني زوج مثل زوجك لحمد ربي على هاالنعمة يكفي انة غيورررررررررررررررر يعني محترم يقدر هاالجوهرة الي بيدة ومايبغى احد يشوفها زوجك يحبك عشان كذا يفتش جوالك من الغيرة مش من الشك لالالالالالالالالا ابدا والا وش يجبرة يجيبلك جوال ولابتوب كان اخذهم وريح راسة ثم بعد كل هاالسنين سكتي وبعد ماكثروا عيالك بديتي تذمرين وبديتي تفكرين باالطلاق لالالالالالالالالالالا مااحد يقولك اطلقي وشتتي اولدك بصراحة هذي اسمها انانية انك تفكري بنفسك وتنسي اولادك تقدرين تعيشى بدونهم وهل تتوقعين ان اهلك راح يمبسطوا من رجعتك لهم ومعك اولادك باالعكس المطلقة في نظر بعض الناس مصدر شك اكثر من شك زوجك راح يقولوا ليش تطلقت بعد كل هاالسنين لا بعد ماخلفت اختي اقري قصص المطلقات وانتي تاخذي عظة وعبرة من حياتهن يتمنن يرجعن لازواجهن ولايعيشن الجحيم الي شافنة عند اهلهن حتي لوا هن اطلقن عصبن عنهن للاسف الرجل يقدر يتزوج ويجيب زوجت اب لاولدة والمرة تخاف انها تجيب زوج ام لاولادها يعني راح تقعدي بلا زواج عشان اولادك اذاكانوا عندك وهو راح يجيب زوجت اب توريهم نجوم الظهر واتوقع هالشئ مايرضيك ..........سفة على طول ردي


__________________________________________________ __________

انا بقوالك شي اختي بس هاذا راي الشخصي علي الي انتي كتبتيه باقولها لك بلا عاميه انتي معطيته وجه زوجك ذا مايمشي معه الا الحرمه الي شخصيتها قويه وتعرف تقول لا ويسويله كل شي غصب وطيب لازم تقوين شخصيتك شوي وتحطيله حد صحيح هو زوجك ولازم تحترمينه وهو لازم يحترمك اما انا ميبيك تروحين عند اهلك وميحبهم وانتي قلتيلا طيب عشان ترضينه اسمحيلي انتي غلطانه الواحده مالها غنا عن اهلها ولا امها هم عزوتك وثانين سمحتيلا انا يشك فيك من البدايه ويحرمك كل شي ويفتش جوالك ولاب توبك ليش متكلمتي من اول كل شي يهون الا ان ارجال يشك في زوجته اسمحيلي انتي الي عوادتيه علي كذا والحين تشتكين مالك الا حالين ياما انك تقوين شخصيتك معاها وتحطين حد لوظعك وتعرفين متي تقولين لا ياما انك تكملين حياتك زي معودتيه وتسكتين اما انك تقولين افكر في الطلاق حرام عليك عيالك تضلمينهم (اسمحيلي اختي اذا كلامي كان قاسي بس صراحه انقهرت)وسامحيني اذا غلط


__________________________________________________ __________

{هنتــر}
تسلمين اخيتي على مرورك

والاستغفار لي سنوات لم أتركه يوما الحمدالله

وصلواتي أقوم بها وصلاة الليل دائما ااديها

[font="courier new"]{بنت النور1}

تسلمين يالغلا على تواجدك

أمي لاتقصر معي بالمال لاب توبي يعلم الله اني اشتريت من أمي

ودائما يهددني بكسره

زوجي يحبني لاكن غيرته وشكه كبيير تدمرت بيوت كثيره بسبب الشك

وانا لو اني انانيه وافكر بروحي كان من زمان تركته

تتمنين مثل زوجي الله يعطيك زوج مثله

كأني بسجن شهر وشهرين مااطلع لاصديقات ولا اخوات ممنوع اروح حق أحد او أحد يجيني

لاطلعات ولاروحه ولاجيه

لفلوس بالموت تطلع وأنتغادات بكل شي كل شي ينتغده مايعجبه شي

معنني الحمدالله جميله بشهادة الجميع وموناقصني شي [/font

{روعة العشق }

تسلمين غاليتي على تواجدك بمتصفحي

أخيتي صحيح كنت ضعيفة الشخصيه كنت اتنازل كثيرا عن حقوقي

لاكنني منذ فتره تقريبا سنتين تغيرت كثيرا بدئت احب نفسي واهتم بنفسي

حاولت ان اكون غامضه لأني كنت كتاب مفتوح له لاأخبئ عنه شيئ

لاكن غموضي واهتمامي بنفسي زاد شكه بي

لدرجة كبيره لدرجة يطلب مني ان احلف اني لم اذهب مع احد غيره او اعرف احد غيره

أتعبني كثيرا بشكه ومراقبته لي


__________________________________________________ __________

لااله الا الله ... الله يسخر لك زوجك

مالك الا الالحاح في الدعاء و الاستغفار