عنوان الموضوع : خاطري مكسور
مقدم من طرف منتديات نساء الجزائر

خاطري مكسور



:ANSmile05:بنات حاسة دموعي تنزل لحالها
تخيلوا انا متزوجة واوضاع زوجي المادية صعبة مرة ومتزوج وعنده اولاد تقريبا بعضهم من جيلي المهم من اول ماتزوجته واهلي مقدرين وضعي المادي وكان وقتها اخوي مو متزوج ويرسلي كل شهر احيانا الف ريال واحيانا خمس مية ويزيد عليها لما اطلبه وكنت دايما ارحم اولا زوجي واعطيهم من مصروفي وكم مرة اتقضى لهم برمضان لان ماعندهم ومرتين بعت ذهب عندي لانهم ماعندهم ملابس للعيد ومنها مرة بعت اساور بنتي وقلت بقلبي ماتعيد بنتي وتفرح بملابس جديدة وخواتها لا وبعتها واقسم بالله اني شريت لهم اول وبعدين لبنتي واخر شي انا لاني خفت الفلوس ماتكفي ولحد اليوم ماتجيني خرجية لو هي ميتين ريال الا يجوني اولادها ويكسرون خاطري يبون طلبات مدرسة ولا عندهم والله اني اعطيهم احيانا مايكون معي الا عشرين ريال عمري ماعرفت اكذب واقول لهم ماعندي واقول الرزق على الله الحين اخوي تزوج له سنتين واستاجر بيت وعنده طفل ولا عاد يقدر يرسل لي الا ميتين ريال والاسبوع هذا عرس ولد عمي تخيلو بنات رد الجميل منهم كان ايش امهم جاها فلوس من اخوها وشرت لبناتها كل وحدة ثلاث فساتين سهرة وهي بعد وحجزوا عند الكوافيرة وشروا كل الي يبون ولا تذكروا بنتي وولدي مع انهم يدرون ان ماعندي الا ميتين ريال وزوجي ماعنده بعد ولا عندي لاحق ثوب سهرة ولا حجز كوافيرة ولا غيرها والي كسر خاطري اكثر اني قبل كم يوم ماكانت جت الميتين من اخوي وهي كانت معاها فلوس وارسلت عليها ابي ريال سلف اشتري فيه خبز صامولي لعيالي لان ماعندي خضرة والله انصدمت من ردها تخيلو تقول ماعندي وعيالها رايحين جايين للبقالة ونست السلفيات الي اخذتها مني بالميات هي وولدها الكبير ونسو اني عمري ماطلبتهم فيها نفسي اعرف ليش سوت كذا ليش نست اني لما اخوي يقضي لي خضرة وهي ثلاجتها فاضية كنت اقسمها بيني وبينها
الحين انا مو اول مرة تسويها بي وتجحدني لكن المشكلة اني كل مرة احلف اني ماعاد اسلفهم ولا اعطيهم من خرجيتي لكن سبحان الله يوم يجوني اولادها مقدر اكسر خاطرهم واقول لهم لا احس انهم مالهم ذنب بالذات انهم الصغار كويسين معاي مرة
لكن والله حاسة حالي الحين مخنوقة من العبرة ودموعي تنزل لحالها وانا اكتب لانهم مافيهم واحد فكر بي وهم يدرون اني حتى ثلاجتي فاضية
بالله ايش رايكم فيهم هل كذا يكون جزاي ورد جميلي كانت امهم تسافر اقسم بالله اني اعاملهم احسن من اولادي ودايم لما تجي ابوهم فلوس اخلية يشتري لهم العاب وهم يعرفون الشي هذا لانهم لما يرفض يجون يقولون لي واقوله واقنعة
الي كاسر خاطري ليش انا صعب علي اني اجرح احد حتى الصغير وهم كيف سهل عليهم انهم يكسرون بخاطري انا وبنوتتي

>>>>> ردود الأعضـــــــــــــــــــاء على الموضوع <<<<<
==================================



الله يصبرك ويجعلها في ميزان حسناتك.........اصبري فلك الجنة ان شاء الله


__________________________________________________ __________

معليش يا حبيبتي اصبري على ظروف زوجك واحتسبي الاجر عند الله سبحانه ولا تضيعين صدقاتك على هالصغار بالمن والاذى 00وانتي ما شاءالله عليك اللي دائما نصائحك مثل الذهب لاخواتنا في المنتدى في ردودك ومشاركاتك00الله يعين هذي الحياه ما فيها رخاء دائم ولا حزن دائم 00وانتي كمان ما تقدرين تجبرينها على ان تعاملك بالمثل 00كل انسان وشيمته 00خليك الافضل والاحسن عند الله 00ولابد من يأتي الله بالفرج لك مع الصبر وكثرة الاستغفار واعتقد انتي لستي في حاجه الى من يذكرك بهذا الشيئ ماشاءالله عليك 00الله يتمم عليك دينك ويثبتنا وانتي على طاعة الرحمن وعلى ذكره وشكره وحسن عبادته

اسأل الله العلي القدير ان يبارك لك في اطفالك ويرزقك برزقهم من حيث لا تحتسبين 00وان يوسع لزوجك في رزقه وقوت عياله 00وان يكتب لك الاجر العظيم على عطفك وحسن تعاملك مع الاطفال الذين لا ذنب لهم ولا حول ولاقوه 000وربي يعينا وانتي على امور الحياه


__________________________________________________ __________

يا اختى احتسبى لله
والله ان اجررررررررررررررك كبير عند الله
وبعدين انتى يوم ساعدتيهم ومديت يد العون لهم ما كنتى تنتظرين الجزااااء لانك طيبة القلب وهذااااا واضح من افعالك مو افعاااال ضرة ولا زوجة اب ؟؟!
يعنى انتى كنتى متوقعة انها راح تسااااعدك ؟؟؟
يااااعمرى تظلى انتى الافضل والاحسن ....
والله ما يستاااااهل تبكين بعبرررررة وانك تكسرى خاااااطرك على أاشيااااء متوقعة صااااااادرة من شخص متوقع ؟!
اماعن الفساتين والكوافيررر والشئ هذاااااا ما يهم يكفى انك متزينة بالعقل الكبير وطيبة القلب وكل ما تفعلينه فى ميزان حسناتك
اهم شئ ما تكدرى على نفسك واتشيلى بخااااااطرك
الله يسعدك يااااارب


__________________________________________________ __________

ياحبيبة قلبي لاتزعلين ولاتكدرين خاطرك .. هذا هو طبع البشر في هالدنيا .. صعب تغيرينهم ..
تسوين معروف وإلا ماتسوين مافي أحد يبين بعينه شيء..!

خليك أنتي على طبعك هذا.. خليك أنتي الأحسن وإذا كنتي ماتدرين ترا كل اللي تسوينه مسجل
عند ربي العالمين وأعرفي أن مستحيل يضيع لك شيء عنده.. ولاتغيرين أسلوبك معاها ولا مع عيالها
لأنك كذا تفتحين لنفسك أبواب الرزق والفرج .. لأنك جالسة تتصدقين وتفرجين على أطفال مساكين
وأعتبريها صدقة ومساعدة منك لأطفال بغض النظر عن أمهم من هي أو كيف أسلوبها معك..
وصدقيني وراح تلقين هالشيء عند الأطفال إذا كبروا ماراح ينسون معاريفك وطيبتك معاهم ..
بصراحة طبعك نادر في هالايام ماشاء الله تبارك الله واضح أنك أصيلة وقلبك طيب وعلى نياتك..
والله ماراح يفتح لك أبواب الخير إلا طيبتك ونيتك .. ماأقول إلا الله لايغير عليك إن شاء الله..

وأنتي ألزم ماعليك الحين الدعاء أدعي الله أنه يفرج عليكم ويوسع عليكم ويرزكم رزقا حلال طيب
وكثري من الأستغفار قد ماتقدرين والله ماراح تخسرين شيء بالعكس أنتي الكسبانة في جميع الحالات..


والله يكون بعونك ويفرج همك وييسر أمورك ويرزقك رزقا حلال طيب ويفتحها بوجهك من وين مارحتي
آمين يارب العالمين..

تحياتي,,


__________________________________________________ __________

اشكركم جميعا على على ردودكم الي خففت من حزني الله لا يحرمني منكم والله ان كلامكم بلسم للمجروح
وانا والله مابكيت على دنيا تافهة ولاني متحسفة على معاملتي لهم لاني كل الي اسويه طاعة لربي
ورحمة وعطف عليهم بس بكيت لاني تخيلت نفسي لو انا لاسمح الله مت كيف تكون معاملتهم لهم وبالنسبة للدنيا ترى الحمد لله انا عندي ارض قيمتها فوق ثمانين الف واخواني مقبلين على مشاريع بتغنيهم ان شاء الله ولا فيه احد غني ولا فقير الا يمر بظروف بعض الايام والحمد لله اخواني كلهم على قلب واحد ولو طلبتهم عيونهم عطونياها الله لا يغير عليهم يعني الدنيا ترى ماهمتني قد ماهمني اني ماني قادره احسسهم مع طيبتي معهم ان عيالي اخوانهم هذا الي ابيه انهم يكونون اخوان صحيح مو يعتبرونهم عيال ضرة
لدرجة ان بنتي دايم تاخذ من الهدايا الي يرسلونها خوالها وتعطي اختها ولا عمري قلت لها لا حتى مااحسسها انهم غير عن اخوها بالعكس دايم اعطيها كيس حلويات واخليها توزع عليهم واخليها تختار لهم هدايا بس حتى يحبونها بس والله انهم يعاملونها كأنها مي اختهم دلوني على طريقة تخليهم يحسون انها اختهم مع ان اخوانها الكبار الفاهمين يميزون بين اخوانهم من امهم وبينها يعني يروح واحد منهم يشتري لعبه لكل واحد من اخوانه ويوزع عليهم واخته قاعده كانها مي منهم ولا يعرفها وهي عمرها اربع سنوات ونص ودايم تسألني مامي ليش تقولين هذول اخواني ليش ماينامون عندنا فوق وليش يحبون عبودي اكثر مني وليش مايحبوني ولما اسالها من قالك تقول الا هم يشترون لبعض ولا يعطوني زي فلانه وفلانه انا مو اختهم ولما اقول لها انا اعطيك تزعل تقول لا ابيهم هم يحبوني زي عبودي ويشترون لي
صرت بعض مرات اعطي اخوها واقول له اشتري لها وقول هذا مني