عنوان الموضوع : مخنوقه و اسمعوني
مقدم من طرف منتديات نساء الجزائر

مخنوقه و اسمعوني



بسم الله الرحم الرحيم
بدي احكي اللي في و بدي رايكم اذا حبيتو اولا انا صادقه بكل ما اقوله:
انا امراه متزوجه من شهر 8 السنه الماضيه بعد سنتان من الخطبه.
يعني تقريبا صار الي سبع شهور متزوجه.
بعد الحمدلله و الشكر اله , انا بنت عائله, على قدر من الجمال و ذات خلق و دين, احمل شهاده جامعيه بالغات , كنت موظفه حكوميه قبل زوجي, ووضعي المادي ممتاز ولله الحمد.
تزوجت شاب احبني جدا يتابع دراسته الجامعيه في بلد اوروبي, و قد قبلت به بالرغم من ان الذين من حولي اعترضو لحالته الماديه الضعيفه و لكنني لسببين قبلت به لانه متدين و يخاف الله و رضي والدين, و لانه يحبني. و بالنسبه لموضوع المال(خذوهم فقراء يرزقهم الله و اياكم). و مضت الخطبه بدون اي نكهه لانه كان ببلد اخر يعني خطبه عبر الهاتف. تزوجنا و بعد عشرين يوم عاد الي المانيا بقيت عندي اهلي حوالي شهر ثم تبعته.
و جئت الى هنا و بدات افقد حياتي :
كنت قد اتيت و فرحه لعروس تملئني , و قد احضرت معي فساتيني وقمصان نومي و ...و..
كان يخرج كل يوم الساعه العاشره صباحا لغايه منتصف اليل و انا لوحدي. غربه مرررررررررره ما بعرف عرب احكي معاهم حتى الجيران بيحكو بلغه ما عمري تعلمتها لا هم بيعرفو يحكو انجليزي و لا انا بعرف احكي الماني.
المهم صبرت لانه اصبحت دنيتي بزوجي كنت اقضي يومي بالطبخ و بالتنظيف وبتجهيز نفسي لحين عودته.

لمده شهر و انا كل ليله اجهز نفسي و اتخيل انه لما يجي و يلاقيني قدامه عروس نفسه تنفتح بس الله و كيلكو و لا اشي بيتعشا بحط راسه و بنام .
كنت استغرب شو ماله؟ يعني انا البس له ملابس مغريه و اتمكيج و اتعطر و هو مش حاس .وين شهوته؟؟ وين بفرغها ؟؟؟
الشهر الثاني بدات بالعلاج ,كان من المستحيلات ان يحكي اي كلام رومانسي يعني مثلا يحكي انا بحبك لحاله ؟؟؟ لا ابدا.
يعني بحكيله احكيلي بحبك برد علي بحبك.
صرت اكتب على الورق بحبك و الزقها بكل مكان, صرت اعمل سجل يومي و حطيته عالطاوله انه كل يوم لازم نكتب لبعض بحبك , استمرينا 3 اسابيع يكتب بعدين طنش يمكن زهق. هاي لعبه بنات صغار, الرجال تفكيرهم اكبر منا.
بالليل بركض جنبه عالتخت ووالله بحكيله احكي كلام رومانسي بيحكلي زي ايش ببلش انقله و فجأه بصير الموضوع اشي ثاني عن اهله عن صحابه.

كنت استغرب يتركني طول النهار لوحدي ما فكر مره يرفع السماعه بطمن علي.
و مرت الايام هيك جد وحيده بمعني الكلمه جانبي على هالبلد حطني بغرفه و مطبخ و صالون حبسني فيهمو وحرمني من حقوقي كزوجه.

هاد الشهر ما عاشرني بالمره, و اتاخرت دورتي الشهريه و بيسالني حامل ؟؟؟
كيف ؟؟؟؟ كيف احمل يا زوجي العزيز.
اليوم ضاقت صدري جد من الوحده و صار الي اسبوع بحلم بالموت و قلتله بدي اروح عالطوارئ عصب و زعل انه ليش ما حكيت بدري لانه عنده اجتماع كان المفروض احكي لضيقه صدري و ارتفاع ضغطي زبطو وقتكم قبل الاجتماع, انفحصت و الحمدلله ارتفاع بالضغط بسيط. و رجعني عالبيت طبعا من الساعه العاشره صباحا و هلا الساعه السابعه و نص
ما فكر يرن تلفون يطمن.
تعبت من حياتي الزوجيه و تعبت من الحرمان مع اني مش طالبه شي والله.
والله اني ما بغير لبسي لما اطلع بره لاني ما جبت معي لبس للخروج و اهتميت بلبس العرايس مصدقه حالي ههه...بس ما بشتري لبس جديدمن ضيق الحال اللي احنا فيها و هوعارف اني قبل الزواج ما خليت لبس ما لبسته, اشتري من ارقى المحلات و البسه اتحاشى اكرر لبسها.
بس بحكي مش مهم, انا مشانه قدمت على عمل من ضعف الحال اللي احنا فيها و بتعرفو شو كانت الوظيفه.
انظف حمامات فندق انا عند زوجي انظف حمامات وعند ابوي عمري ما نظفت حمام لوجود الشغلات.
كل هدول مو مشكله...بس مرات بحس راح يحرمني من اني اصير ام .
تعبت كتييييييييييير و ما بقدر احكي لابوي و امي و اجرح قلبهم علي ابوي ساعدنا كثير بعث تقريبا 8000 دولار لزوجي ليسد ديونه.
شو احكي لابوي احكيله اني بدي اطلق .
جد مخنوقه والله لمين اشكي بس لله بشكي ليل و نهار
ما الي حد هون, و اختى الكبيره توفاها الله في شبابها قبل 5 سنوات
اشكي لامي اللي لسه ما هدي جرحها على اختي.. لمين
والله ما انا عارفه شو اعمل
مره قمت ارقص فكرته مثل بقيه الرجال ,جبرت تفسي ارقص والله لاني بدي احاول معه بشتى الطرق بتعرفو شو بيحكلي انا ما بحب رقصك و ما بحب الرقص كله.... يالله لو انه ضربني على وجهي يمكن ارحم.
يعني انا نازله برقص بذمه و ضمير و مغلبه حالي و ياريت بس خلصت حكاها لا و انا بنص الوصله هههه يعني ما عرفت اضل اهز و لا انط و لا اقعد يالللللللللللله شو انكسحت.
و بعدين لما يشوفني ببكي المفروض كبني ادم اله مشاعر يبدي نوع من الحنيه لا زوجي بوحد ربنا و بزعل و بعصب. ابام ابوي و اخواني كانو يبكو قبل لتنزل دمعتي . ااااااااااااه يا زمن انا بستاهل اللي فكرت الحب ممكن يكون اشي صح. بس هاد نصيب من الله والحمدلله
ما بعرف شو السبب ليش معاشرته قليله ؟؟؟ مرات بيجي عبالي اسأل و ما بعرف ازا حرام الرجل اول سنه من زواجه كم يعاشر مرته ؟؟؟ يوميا اسبوعيا؟؟ زوجي بالاول انا اذكره انه في اختراع عشان نخلف و كنا بالاول نعملها بس عشان نخلف مش عشان غريزه خلقها ربنا فينا.
هلا انا وصلت بتوقع لسن اليأس عيوني حزينه دايما ومليانه دموع و ما بنحكي مع بعض الا قليل لانه اصلا ما بشوفه بيجي و بحط راسه و بنام
لانه ما اله اهتمامات لا بحب السياسه و لا يحضر فيلم و لا اشي

شو اسوي احكوووو؟؟؟؟؟ لاني خايفه اموت غم و حزن
بعرف حكيت كتير بس بدي اضل احكي و احكي لانه الله شاهد ما الي الا هالصفحات احكي منها و انا بحاجتها.

>>>>> ردود الأعضـــــــــــــــــــاء على الموضوع <<<<<
==================================


عزيزتي دمعتي وسط عيني
تأثرت كثيراً مما قرأت عن حياتك الزوجية
في البداية ياعزيزتي حياة الأنسان عبارة عن ابواب
فلاتحصري حياتك في باب واحد
وأعلمي ان بذكر الله والأستغفار تطمئن القلوب
أختي دمعة؛

حاولي تتكلمين مع زوجك عن سبب تغيرة
بأسلوب غير مباشر
أو ضعي شريط او كتيب يتكلم عن علاقة الزوجين
بسيارتة او على مكتبة او في المكان الذي يكثر تواجدة
فيه.....

وأعلمي أن فترة اقامتكم في المانيا مؤقته
بل أن جميع البشر حياتهم مؤقته في هذة الدنيا
لأن الله لم يخلقنا الا من أجل عبادته
إذن فلماذا نحزن....

وختاماً
من شكا همه لله زااال
ومن شكا همه للناس زاااد

(وكلٌٍ ميسر لما خلق له)

أسأل الله أن يرزقك من بعد العسر يسراً

ولا تنسي أن تكثري من الأستغفار
وأن تلجأي دائماً لله بالدعاء

وطمنينا عليك........


__________________________________________________ __________

تعبت اشتاق شكرا للكلام الرائع ... ارى الدنيا بزوجي و دايما بحكيها اله انت دنيتي لا تظلمني... انا لغيت حياتي كامله من اجله بس الحمدلله على كل حال.
شكرا لكي على نصحك وفعلا ما الي الا ستغفار و سامحني بس والله ما الي غيركم


__________________________________________________ __________

ياحبيبتي الرجال هما كده لمن يكونو عندهم نعمه مايقدروها وعلى فكره هدي اول سنه دائما بتكون متعبه وفين حتى تتعودي على الجو وانتي تبغي منو الحنان والرومنسيه والدلع والاهتمام بالاتصالات والرسائل لسه مو متعود عليها وراح يتعود من خلالك عالعموم انتي حاوريه في ساعه صفا وبكل هدوء واحترام ايش الاسباب اللي مبعدك عني ليش البرود من ناحيتي وبعدين انتي لازم تتعلمي اللهجه
وتشتغلي لانو جلستك في البيت تجيبلك الملل وتتعب نفسيتك حاولي تقوليلو انك تشتغلي
وصدقيني بالدعاء ثم الحوار بتلاقي نتيجه والله يصلح الامور
موفقه حبيبتي
لاتاياسي


__________________________________________________ __________

عزيزتي اصبري
ان شاء الله ربنا يفرجها عليك
وادعي الله واكثري من الاستغفار
ولا تستعجلي يمكن السنة الاولى تكون صعبة ولسة مافهمتوا بعض
الله يفرجها عليك
ويسرها يارب
طمنينا عليك


__________________________________________________ __________

انا ما ادري ايش اقول الحقيقة هاي ظروف والواحد بديرته وعند هله ما يتحمل الوضع كيف وهم غربه بعد الله يعينك
يمكن يكون يتعب كتير بالعمل بالنهار يكون بالليل تعبان انت اكيد بدك حد تحكي معه
انا اقول مو تكتري كلام حلو معه يظل يتدلل وما تشيله الارض وما يرضيه شي جربي طنشيه شوي شوفي ردة فعله
مهما كان لابد اله حاجات يبغي يقضيها مومعقول هيك
طيب حاوريه اسأليه ليش هذا الجفاء الي عنده
الله يهدي سرك واكيد عليك بالدعاء والتضرع لله ليكشف عنك الهم ويصرف عنك البلاء
موفقة لكل خير