عنوان الموضوع : انا مصممة ازياء ذوقي رفيع وراقي جدا لكن المشكله بالداااخل
مقدم من طرف منتديات نساء الجزائر

انا مصممة ازياء ذوقي رفيع وراقي جدا لكن المشكله بالداااخل



السلام عليكم ورحمة الله وبركاته

اخواتي الغاليات

انا الحمدالله ربي اعطاني موهبه وحس فني وذوق رفيع بتصاميم فساتين السهره خاصه , وفي مجال الازياء للكبار والصغار عامه

انا دائما ارسم تصاميم فساتيني الخاصه (( فساتيني تبعت السهره )) واروح عند اي مشغل نسائي عشان المقاسات تطلع مضبوطه بالملي ويفصلونه لي مثا مانا رسمته

حتى والله العظيم لما اوريهم التصميم عشان يشوفون كيف ياخذون المقاسات يقلون من المصمم الي سوالك التصميم اقلهم انا فيتفاجون !!

ووالله العظيم اكثر من وحده قالت حرام تدفني موهبتك هاذي استغليها

ودائما وربي كل ماحد يشوف علي فستان ينهبل ودايم يسالوني عند مين مصممته ووش اسم المصممه او المصمم يلي صمم لك هالفستان ولما اقلهم انا يتفاجأون فصار لي شهره بينهم بس بدون فايده استفيد منها انا

فصرت دائماً ارسم تصاميم لفساتين عرايس للي يحتاجون مني مثل اخواتي او صديقاتي و قريباتي و صديقات صديقاتي وجاراتنا و بنات عمي وزي كذا ويروحون يفصلونها وتطلع الفساتين شي خراااافي عالطبيعه ولما يعرفون العالم انه انا المصممه ينهبلون يفكرونه هالتصاميم يلي يشوفونها عليهم صمموها عند احد المصممين او المصممات

والله انا جد فنانه وشاطره بالتصميم

بس للأسف ماعندي سيوله استغل موهبتي وافتح لي مشغل خاص فيني


بجد انا محطمه ودي اصير مشهوره مثل هبه جمال وإيلي صعب وزهير مراد وهالمصممين والله العظيم ثم والله العظيم إن تصاميمي احسن من تصميمهم الف مليون مره وبجد انا واثقه من نفسي وعمري في حياتي ولله الحمد ماطلع لي تصميم بايخ دائم تصاميمي لها شكل غير

وربي عالم ماعندهم ذوق ولا حس ولا اي شي بالتصاميم ويصممون اي كلام ويبعيون بالشي الفلاني من 10 الاف وطالع

وانا الحمدالله عندي موهبه بالرسم يعني ارسم التصميم واخليك تتخيلي شكل الفستان كانه قدامك قبل مايتخيط يعني اصوره لك بذهنك بالتفصيل وذوقي الحمدالله ماشاءالله تبارك الله جدا جدا رفيع وبشهادة الكل

واختار للوحده اللون الي يناسب بشرتها واعرف اتنقى القماش المناسب لكل وحده ووش يناسب شكلها وجسمها ووجها ووش اللون يلي يتخن ووش اللون يلي ينحف وكيف لازم تكون القصه عشان تبرز جمال جسمك وزي كذا

يعني الوحده تستلم التصميم بالكااامل القماش مع البطانه مع الصدريه مع الحماله مع الاكسسوار ومع اكسسوار الشعر والجزمه وكل شي لانه هالشي موهبه فيني من وانا بالثانوي والحين انا تزوجت وعندي عيال ودايم ارسم تصاميمي وافصل تصميمي الي هو من تعبي وشقاي عند مصممات ياخذون علي مببلغ اجمعه طول السنه ويطير بغمضة عين والمشكله التصميم تصممي انا والله هم مايسوون شي بس ينبهرون من التصميم هذا اذا ماسرقوه لصالحهم

بجد تعبت ابي استغل موهبتي هاذي الي ربي عطاني هي

ساعدوني وش اسوي كيف ابتدي مشواري

والله الي تساعدني لها دعوه عند الكعبه الشريفه

الله يساعد من تساعدني ويفك همها ويزيح كربتها يارب

اتمنى فهمتو وش ابي اوصله

ابي يعني اصير مصممه ازياء واستغل موهبتي هاذي

يعني الواحد تجي تجلس معي وتفهمني وش هي مناسبتها ملكه زواج حفلة مدرسه حفلةتخرج عشا وزي كذا وانا اعرف وش هي تبي وابدا ارسم لها واشوف لها القماش المناسب وكل شي اضبطه لها وطبعا ماراح اطير باسعار الالوف مثل هالمصممات النصابات

بس ابي الوحده تدفع لي بالأخير حق تعبي لاني بجد تعبت نفسيتي ارسم واتعب لعالم حتى شكر والله مايشكروني

وفيه عالم يجيبون لي اقمشتهم وانا ارسم التصميم لهم وبعدها من قماش يارب لك الحمد الى فستان ولا تصميم احسن مصممه

والحمدالله انا ماقوله اتكبر عليكم اني فنانه واعرف اصمم بس انا بجد موهوبه وحرااام دفنت موهبتي كم سنه وابي الحين اطلعها

يارب تساعدوني الله يوفقكم يارب

يعني اكتب بتوقيعي انا مصممه ولا وش ؟؟

الله يساعد كل من يساعدني يارب

اختكم : بنت الجنوب

>>>>> ردود الأعضـــــــــــــــــــاء على الموضوع <<<<<
==================================


والله يا بنت الجنوب انا ما ادري وش اقول لك انا ما افهم كثير في هذي الشغلات كل اللي اعرفه اشتري والبس وخلاص ههههههه لكن حبيت اجبر بخاطرك وارد --لكن اوعدك رايحه اسأل لك وارد لك خبر وان شاءالله اقدر اساعدك --لكن لو تأخرت عليك معناتها اني انثبرت مكاني لان ما احد اعطاني وجه هههههههههههه --والله يوفقك ان شاءالله ونشوفك احلى مصممه في العالم ---اتمنى اذا الله كتب لك نصيب وتحقق حلمك تتمين على لقبك بنت الجنوب علشان نفتخر فيك


__________________________________________________ __________

السلام عليكم ورحمة الله وبركاته

اختي ماشاء الله تبارك الرحمن حتى الذوق في التعبير والكتابه كلك ذوق ياعسل

وربي فرحتيني وفرحت لك من كل قلبي تصدقي انا مثلك بحب الرسم وبرسم صور وتنسرق مني وخاصة الوجوة فاتقنت المكياج واستفدت كثير وكمان نقش الحناء فاستفدت كثير ولله الحمد

احيان بفكر مثلك برسم ازياء وبحب الالوان مثل مانا بحب الرسم يعني الاقمشة

اقترح عليكي تبدي مشروع صغير جدآآ آخر يناسب ذوقك وتجمعي مبلغ بهذا المشروع وتبتدي مشروعك وحلمك وطموحك فيه تصميم الازياء او ممكن جيبي لك وحدة خياطة وانتي عليكي الرسم والتصميم

والخياطة تخيطة لكي للزباين وشوي شوي والله يوفقك ويحقق حلمك

تحياتي لكي


__________________________________________________ __________

ماشاء الله عليك العزيزه بنت الجنوب
انا فهمتك زين لان انا خياطه ماهره ولا فخر
وعارفه معاناتك وفاهمتها
انصحك اول مره تتعاقدي او تتعاملي مع مشغل معين بأجور تتفقون عليها انتو الطرفين
لان بصراحه انت تبدأي انت بالمشروع كاملا تصاميم ومشغل راح تحتاجين الى رأس مال كبير وكمان راح تروح مبالغ كبيره للناس اللي تشتغل
لوكنتي انت تعرفي فن الخياطه مع التصميم كان نصحتك بالبدايه بشيء بسيط في البيت
يعني مثلا تخصصين غرفه معزوله عن باقي غرف البيت تكون للشغل واستقبال السيدات
ولكن انت شغلك فقط تصميم
لهذا لازم يكون تعاونك مع مشغل في البدايه تقليلا للتكاليف
لاني سبق وان باشرت بفتح مشغل في العراق واعرف الكلفه مو قليله

اتمنى لك التوفيق ووافر الرزق
تحياتيييييييييييييييي


__________________________________________________ __________

سجلت دخول عشانك ياقلبي الحل سهل

تروحي لشركة عبداللطيف جميل باب رزق

وهما يساعدونك ويفتحون لك المشروع


او شاركي بصندوق المئوية لهم بالنت عنوان يعطونك السيولة وكل شي وحكومي

وراح تنجحي وتسير اكبر مصممة

يارب


__________________________________________________ __________

حبيبت قلبي انا قريت موضوعك وما حبيت اطنشك لاني عايشة في معانة زيك بس انا مو في التصميم انا في الخياطة

المهم ---انا باقلك على وحدة قد صصمتلي فستان شغلها كان في البيت تجيبيلها القماش وتحددي اذا انتي تبغي الفستان مميز ولا عادي طبعا لو مميز السعر فوق ---ايامها كان السعر 500 ريال والمميز والله ماني فاكرة كم
تسيبي القماش عندها كم يوم الين ما تطلع الموديل وتتصل عليك تديك خبر تجي تشوفي اذا التصميم عجبك ولالا
اذا عجبك الموديل تروح معاك تجيب لوازم الفستان من اكسسوارات وكلف وخرابيط انتي ادرى عاد

وبعد كذا يا طويلة العمر تفحطي كمان معاها للخياط وطبعا الخياط ذا هية متعاملة معاة وشغلو مرة مرتب

وانتهت الحكاية
انا حبيت افيدك يمكن تناسبك الفكرة
اهم حاجة لا تنسيني ادعيلي بالذات اذا عجبتك الفكرة وربي فتحها عليك

وعلا فكرة تري المصممة الي قلتلك عليها ذحين سار عندها ورشة واسعارها مي زي اول وسارت سمعتها ما شاء الله في كل مكان ربي يوفقها ويوفقك ويوفقني
شفتي كيف كانت بدايتها من البيت وانتي علا حسب كلامك انك بتصممي لقريباتك وصاحباتك خذي حق التصميم منهم واعتبريها كبداية لك وشوية شوية اذا ربي كتبلك راح يجوك الزباين الين ما عاد تلحقي
وبعدين تقولي ياريت الي جرا ما كان خخخخخخخخخخخخخخخخخخخ


سووووووووووووووري طولت عليك

تقبلي مروري