عنوان الموضوع : ياليتــني انسانه معدومة الاحســـــــاس <~ساعدوني -تم الرد
مقدم من طرف منتديات نساء الجزائر

ياليتــني انسانه معدومة الاحســـــــاس <~ساعدوني





السسلآم عليكم ورحمة الله..

بنات الله يخليكم ساعدونـي الله يخليكم لأهلكم وعيآلكم

انا بنت يعني بسن المراهقه الموهيم

مدري كيف ابدى يعني انا احسس اني خلالاص تحمللت كثير وبعض الاحيآن احاول انتحـر واستغفر الله ربي وانسى بعدين ارجع

اول شيء انا من كنت صغيره كنت ساكنه مع اخواني من ابوي الموهيم وفيه مشاكل وبعدين وانا كان عمري 7 سنوات ابوي جاه حادث وجلسست 4 سنين ما شفته ... الا الان مريض على فكره بس الحمدلله تحسن الحيين وبعدين تجيني حالات اكتئاب وقبل سنه حولت منازل
والحين انا كل اسبوع لازم اغيب يوم او يومين لاني اتعب ولا لقيت لي علاج
الموهيم ان لي فتره اقول لـ أمي عن الي فيني او اقولها ان بنت شرت شيء يا حظها تروح تصارخ وتهاوش علي .. تقول انا كل البيت علي انا عاذرتها وحاسسه فيها بس ابيها تسمعلي

والله يا بنات اني خلاص تعببببت والله تعبببت
واتذكر مره رحت عند المشرفه واقولها استاذه خلاص انا تعبت صرت اكره المدرسه قالت انتي فيك حاله نفسسيه وبنت خالتي الي كآنت تهون علي ..
الحين صارت بينا مشكله لان اختها الصغيره قالت زيني ايميلي قلت لها انا بروح اصلي اذا فضيت ان شاء الله بجيك راحت عطتني بلوك وترسلي كلام مو زيين وتطنز فيني تقول انتي ما تخافين ربك انتي خربتيني خليتيني اغيب ولا اروح المدرسه وانا اول كنت اشجعها وتقول كلام يجرح تقول انتي اخوانك الي من لحمك ودمك تتهاوشين معهم واصلا اخواني عند امهم ساكنين وانا وامي واخوي الصغيره في بيت
وتقول انتي دائم تتعبين ولا لقو لك علاج ولا خليتي الشر الحين علشان بروح اصلي واجب ازين لها سرت كذا..؟؟؟؟
انا خلالاص تعبببت ودائم ادعي ربي اني امووت
تصدقون والله العظيم ان يمر يوم ويومين ما اعرف النوم ولا الاكل قسسم ما اكذب
وكان فيه وحده دائئم اشتكي لها اخر شيء قالت ترى كل الي قلتيه قلته لبنت خالتك علشان تتشمت فيني
وتو قبل ساعه كان الريموت على الطاوله اخذته بغير القناة جت امي خاصمتني تقول تشوفين اخوك يطالع التي في وانتي تغيرنه قلت والله ما دريت وعطيته بسرعه بعدين قالت لا خلاص خذيه لك
وانا دائم اشوف البنات يشترون ماراكات وكذا
وانا بس مره طلبت من امس اشتري ساعه قالت لا هذي بـ 300
وطلعت من السسوق وانا زعلانه ومرآ قلت لها بتشري عطر قالت لا غالي
واختي الي اصغر مني بـ3 سنوات شرت لها مرتين بلاك بيري
احسس اني اتكلم كثير وازعجتكم الموهيم انا عارفه اني حساسه بس امي مو مقصره يعني تعطيني الي ابي الحمدلله بس مو كل شيء بس اذا تعبت امي تجي عند راسي وتحبني وتدافع عني وهذا مو مشكلتي انا احب امي وهي تحبني الحمدلله بس ابوي يحب اختي اكثر مني بشوي بس الحمدلله يعني ما يقصر
بس انتم ما تدرون وش الي في قلبي
يعني ادور احد يعطيني حنان بس استغفر الله انا ما ارضى على نفسي
وانا ادري ان الشكوه لغير الله مذله
بس وش اسوي

الله ياخذني يارب وارتاح من الدنيا

بنات لو سمحتو ساعدوني

>>>>> ردود الأعضـــــــــــــــــــاء على الموضوع <<<<<
==================================


حبيبتي الغالية والصغيرة
انتي متحامله على نفسك بشكل كبير جدا ... حاولي تبعدي عن نفسك
هذه الافكار المصيرة على تفكيرك وضعي رسائل اجابية في حياتك
احس بالوضع الي انتي فيه ... ولكن للاسف واضحه انتقادك لنفسك وان الناس تبعد عنك
حاولي انك تاخذي الامور ببساطه ووكلي كل شئ لله
حبيبتي صلي واذكري ربك كثير واشغلي نفسك في شئ تحبيه
ولا تنظري للاخرين بانهم احسن منك .. لا
قدري نفسك وانك لديك امور جميلة في نفسك استخرجيها .. ولا توهمي نفسك بالمرض
ابداحتى لايسيطر الامر عليك كثير.. وحاولي تتقربي من امك بشكل كثير خصوصا وانتي الحين
منازل .. وركزي على دراستك بشكل اكبر وحاولي تبتسمي ياصغيرتي لانك مازلتي صغيرة
اسعدي نفسك لان الحياة حلوه وانتي الي تقدري على ذلك طبعا بالاتكال على ربك والدعاء له
وهنا اكيد الجميع بيساعدك في حلول معينه او لمجرد الاستماع لك حتى تقيمي نفسك
اهتمي بنفسك وبصحتك لانها اغلى شئ عنك

وربي يساعدك ويفرج همك .. ولا تدعي على نفسك بالموت
ادعي بالفرج لربك .. وربي يبعد عنك الهم والحزن


__________________________________________________ __________

ان شاء الله
جزاك الله خير
ويسر لك امورك


__________________________________________________ __________

اختي الغاليه عليك بالصبر والدعاء وان شاءالله ربي يسهل امورك كلها
وحاولي تتقربي لامك كثيييييير واحكي لها الي بقلبك وابكي بحضنها غصب عنها يمكن تحس فيك وتقدر تفهمك
والله حاسه فيك ياقلبي بس لاتخلي الهم يصيطر عليك انتي خلي ايمانك بالله كبير وادعي ربك في آخرالليل
أسال الله ان يفرج همك قريبا


__________________________________________________ __________

يالبى قلبك ياعسل
انتي توك صغيرة عشان تشيلي هموم اكبر منك دايم حاولي ماتلتفي لهذه الأمور خصوصا وانتي بأحلى مراحل العمر وابليس عمره مايحب بني ادم في سرور وينكد عليه كل ماحصل لك موقف اذكري الله وقولي عادي هذا هم اهلي ولايمكن يكرهوني صدقيني راح تلاقين السعادة بكل شي حلال
أهم شئ لاتعطين ابليس فرصة عشان يضايقك ولاتضيعين احلى مراحل عمرك بالهم والنكد وخليك دائم ايجابية ومتفائلة (( تفائلوا بالخير تجدوه )) وكوني مع الله يكن معك وخلي اكبر همك رضى رب العالمين ثم رضى والديك
وانسي الماضي وافتحي صفحة بيضاء مشرقة كإشراقة وجهك الجميل وخلي شعارك لايأس مع الحياة ولاحياة مع اليأس
وشوفي من هم أتعس منك ولاتشوفين من هم أحسن منك والبيوت بلاوي واحمدي ربك انك أحسن من غيرك
الله يكتب لك بكل خطوة فوز وفلاح ورضا وسعادة بالدارين اللهم امين


__________________________________________________ __________