عنوان الموضوع : انا و ولد خالي مجابة
مقدم من طرف منتديات نساء الجزائر

انا و ولد خالي



السلام عليكم ورحمة الله وبركاته

اخواتي في الله هذي اول مشاركه لي في المنتدى واعذروني انها
جات شكوى أو بالاحرى اقدر اقول فضفضه
مشكلتي اني أحب ولد خالي من حوالي 4 سنين والحب من طرف واحد والمشكله الاكبر
انه اصغر مني بـ 5 سنوات وانا مو صغيره بالعمر
عمري 30 سنه وهو عمره 25 سنه ومن يوم عمره 16 سنه وهو
ماشاء الله باينه فيه تصرفات الرجوله صحيح كان عنده بعض حركات
المراهقين لكن كنت انا بالنسبه له شي ثاني وكان دايم يقول لي اني
انا بالنسبه له غير عن كل البنات واني غاليه على قلبه كثير
وقالها لكل شباب وبنات عائلتنا لدرجة أنهم شكوا في انه بينا علاقة حب من كلامه عني.
وكنت أنا امينة سره وكل اللي في باله وخاطره يقوله لي
دايم يناديني من بين كل الموجودين علشان يفتح قلبه عن كل شي مضايقه
لي والله كان يدورني من بينهم ولما كان عمري 20 سنه ارسل لي رساله
وقال فيها انه يحبني وطبعاً ماأهتميت وقلت مراهقه منه
في البدايه ماكنت أهتم وأعتبر كلامه مجامله لي لكن تصرفاته مع الوقت
جذبتني له ودق قلبي له وسرت افكر فيه وأحبه.
وقبل فتره ضاع مني رقم بنت خالي اللي هي اخته وارسلت لجواله انه
يعطيني الرقم ارسله لي بعد فتره واعتذر مني على التأخير وكان ضمن
رسالته انه يعتبرني اخته الكبيره.
صراحه انا كرهت نفسي وتضايقت كثير يعني بعد ماحببني فيه من تصرفاته
وكلامه قال لي اني اخته ..!!!!
محتاره ايش اسوي والله كارهه نفسي ومو عارفه هو ايش القصد
من تصرفاته ليش كان يحسسني بحبه واني اغلى انسانه على قلبه
وبعدين يقول اختي وبعدين يرجع يناظرني بعين المحب؟


ارجوكم قولولي ايش اسوي لكن أسألكم بالله بدون تجريح.

>>>>> ردود الأعضـــــــــــــــــــاء على الموضوع <<<<<
==================================


عادي تصير كثير مع الوقت راح يكون عادي ويمكن خيره وبعدين على فكره الاقارب عقارب خليك بعيده احسن وانشاء الله ربي يعوضك خير منه


__________________________________________________ __________

الله يعينك افضل يااختي انه اعترف لك افضل من انك تعيشي في اوهام


__________________________________________________ __________

الله يرزقك بولد الحلال اللي يسعدك يااارب
ومره صعب لما يكون الحب من طرف واحد خصوصا لما تكون المرأه هيه اللي تحب والرجل لا يكن لها اي شي من مشاعر الحب
الله يوفقك ويسعدك بحياتك ياارب


__________________________________________________ __________

يا اختي لا تتعبي حالك وتفكيرك

توكلي على الله وراح يعووضك


__________________________________________________ __________

اختي العزيزه

المفروض تكونين سعيده ان ولد خالك ما طلع انسان غير شريف وحاول ان يطيح بك

لكن انا اتوقع انه اعتبرك في المراهقه حبه لانك كنت تسمعي له وكنتي توجهينه
وانتي تعلقتي به لكونه رجل ينشد الظهر به

لكن بعد ان كبر واصبح انسان واعي وانتهى من المراهقه اعتبرك اخته الكبيره التي يرجع لك اذا حس بصعوبات في الدنيا

ارجو لك بالزوج بالصالح

تقبلي مشاركتي