عنوان الموضوع : محتآره .. وعسى ربي يفج ضيجة كل من نصحني |: مجابة
مقدم من طرف منتديات نساء الجزائر

محتآره .. وعسى ربي يفج ضيجة كل من نصحني |:



السلام عليكم ورحمة الله وبركاته ..

أنا عضوه يديده معاكم هني .. الصراحه اللي شدني حرصكم على بعض
والنصايح اللي تطلع من قلب ..

بصراحه أنا سجلت هني عشان اقولكم قصتي وابي نصايحكم :>

أنا عمري 18 سنه
وحبيت لي واحد .. تقريبا صارلنا 5 شهور مع بعض .. بس طبعا مو دايما مع بعض اغلب الايام اهواش على اتفه الاسباب وبعدين نرد حق بعض ولا جنه شي صار

اهو أكبر مني بـ 6 سنين مطلق وعنده بنت عمرها 3 سنين تقريبا

ما حبيته .. بس تعلقت فيه وايد أحس فيه حنان الابو اللي فقدته ..
أهو حنون وخجول وايد .. ودايما اسلوبه لمن يكلمني جنه يكلم بنته
كله يابنيتي وباباتي :$ .. وأحسه نظيف .. بس عيبه يتسرع بوايد اشياء

مابي أطول عليكم

مع بداية رمضان .. قلت خلاص مابي اكلمه
ودزيت له مسج وقلت له بروح اعتمر وكل واحد بطريج
حاولت قد ما اقدر إني اتركه .. وصكرت جهازي
وبالفعل بأول 10 ايام هديته وكنت اصلي وادعي ربي إني انسااه
بس للاسف ماقدرت والله (
كانت نفسيتي تتعب وايد .. بس ودي اسمع صوته عالاقل
بس ماسكه نفسي .. لين قمت ابجي حسيت مو قادره
قمت ودزيت له مسج .. وكانت الاستجابه لي بسرعه
ويحلف لي براس بنته انه متمسك فيني وما وده يخسرني
وترك اشياء وايد عشاني (
وانا ادري بهالشي ..

محتاره والله .. مع إن علاقتنا بريئه جدآ
بس في شي داخلي مخوفني .. مو منه طبعا
بس أحس قاعده اسوي شي غلط

>>>>> ردود الأعضـــــــــــــــــــاء على الموضوع <<<<<
==================================


أذا كان يحبك وتحبيه خلي علاقتكم تكون بالحلال يعني خليه يتقدم ويخطبك أفضل لك ووقتها أستخيري أذا كان خير لك ربي بإذن الله يسهل لك وإذا كان شر ربي بيبعده عنك.. وخليك قويه بإيمانك وثقتك بربك أما أذا كان غير كده فالنهايه لاسمح الله تكون عاقبتها وخيمه وهذه المكالمات لابد من نهايه لها خليك جاده وواثقه يبيك يدق الباب غير كده لاتقربين... وانتبهي من المطلق ممكن يكون يبيك عشان ما عنده حرمه أو يبي يقهرها ترى الرجل بعد الطلاق يدور على وحده عشان تشفي جروحه غير الحرمه سبحان الله ..وبعدين يحن لها أدعي وهذي فرصه عظيمه في هذا الشهر الفضيل وتذكري من ترك شيءا لوجه الله عوضه الله خير منه ..من هاذي اللحظه أتركي مكالمته ترى راح تتعلقين أكثر من كده خليه يخطبك عند اهلك وغير كده ماعندك أنتبهي تراك لسه صغيره ولا تضيعي دنيتك وآخرتك عشان بني آدم.....


__________________________________________________ __________

يا اختي خليه يتقدم لك اذ كان متمسك فيك وصادق
بلا لف ولا دواران الحلال بين والحرام بين


__________________________________________________ __________

أهلين أختي ربي معاكي و الله معاهم حق إذا هو و إنت متعلقين كذه الحل هو يتقدم ليك


__________________________________________________ __________

وعليكم السلام ورحمة الله وبركاتة

عزيزتي oOush..

ماتمرين به يمر على كل فتاة في مثل عمرك
وبما أنك في مرحلة المراهقه
فستندفعين لأي شخص يعطيك ولو قليلاً من الإهتمام
فأنت تعانين من فراغ عاطفي
وهذا الشخص قد ملأه عليك

لذا عليك أن تعلمي عزيزتي
أن ماتفعلينه خطأ عظيم

أحس فيه حنان الابو اللي فقدته

هل لكل بنت فقدت حنان أبيها
أن تذهب وتبحث عنه في شاب لايحل لها

مع إن علاقتنا بريئه جدآ

هذه ليست علاقة بريئه
هذه علاقـه محرمـــــــــه
حرمها الله سبحانه وتعالى
فقال حين وصف المؤمنات الطاهرت
{مُحْصَنَاتٍ غَيْرَ مُسَافِحَاتٍ وَلاَ مُتَّخِذَاتِ أَخْدَانٍ}
النساء الأية ( 25 )
أي ولا متخذات عشاق
وهو الصاحب في السر

بس في شي داخلي مخوفني .. مو منه طبعا
بس أحس قاعده اسوي شي غلط

سبحان الله فهذه روحك تتضايق
إذا أبتعدت عن خالقها
وأتبعت شهوات زينها الشيطان لنفسها الأمارة بالسوء

أوصيك بمراجعة نفسك وحساباتك
فكري قبل أن تنامي .. هل أنا راضيه عن نفسي اليوم .؟
هل فعلت مايرضي الله سبحانه وتعالى ..؟
هل مكالماتي لهذا الرجل
ستكتب لي في ميزان حسناتي او ميزان سيئاتي ..؟

كل ماعليك القيام به وفوراً
ان تكسري هذه الشريحه
التي يعرف رقمها واشتري واحده جديده
حتى لاتتوق نفسك لسماع صوته
او مكالمته فعليك ان تقومي بعمل جاد

لا أن ترسلي له رساله تنهي فيها كل شئ
وكلما أحسستِ بالأشتياق له أسرعتِ لسماع صوته
أنت هكذا لاتقومين بأي خطوه إيجابيه

ومن يريدك يأتي ليطرق باب أهلك بالحلال
وعليك ان تعلمي أيضاً
أن كل شئ مكتوب ومقدر لنا
قبل ان تخلق السماوات والأرض
خلق الله سبحانه وتعالى القلم وكتب مقادير كل شئ
قبل أن نخلق بمئات السنين
ونصيبك مكتوب لك
فلا أحد سيأخذ زوجة الأخـــر
فأصبري إلى أن يأتي نصيبك
ولا تبحثي عنه بطرق غير مشروعه

أسأل الله العلي العظيم ان يوفقكِ في دنياكِ واخرتكِ
ويصلح لك شأنك وييسر لك أموركِ
ويرزقك الزوج الصالح التقي
عاجلاً غير أجلاً.

تحيتــــي

-----------------------------


__________________________________________________ __________

اختي كلام اختك تمارا صحيح و ان شاء الله يساعدك