عنوان الموضوع : الحقوني يابنات حتجنن -تم الرد
مقدم من طرف منتديات نساء الجزائر

الحقوني يابنات حتجنن



السلام عليكم

الله يخليكم يابنات جاني احباط جاني عقده نفسيه انا حتجنن:icon19: وكله بسبب ام زوجي يابنات حاطه
راسها براسي والله يابنات لا الطيب ماشي معاها ولا التطنيش

اش اعمل لا تقولو ليا عامليها متل امك مستحيل عملت معاها كل الطرق الا المشكله زادت
لمن الواحد ياخد رايها في موضوع او يستشيرها تصدق نفسها وتتدخل في الي يخصها والي مايخصها
وتعتبرني وحده ما افهم ولا زم يتنفذ كلامها والا تزعل وتصلح مشاكل وتجلس تسبسب فيا

يابنات انا ساكنه معهم في نفس العماره وهما تحتي وكاني معاهم تتحكم في ملابسي كمان
وزوجي طيب معايا والله احزن عليه شويا ويتجنن واقع بين نارين نار امه وزوجته

والله لمن اتجنبهم ما انزلهم يقولو ليه ما تنزل عندنا ولمن انزل يعملو مشاكل وانتي قلتي
وسويتي واقول ليتني ما دخلت عليهم
وقدام الضيوف بس تخدمني وتعمل حالها المسكينه
تعبت تعبت تعبت زوجي اوضاعه ما تسمح انا ننقل من عمارتهم وانا متحملتها 4سنوات وحاسه اني حنفجر منها
الله يخليكم ساعدوني حتى الخرجات وكل حاجه ما تتوقعونها تعملها انسانه غيوره بشكل ما يوصف

>>>>> ردود الأعضـــــــــــــــــــاء على الموضوع <<<<<
==================================


حبيبتي الله يكون بعونك
حاولي تسايسي امورك معاها
وان شاء الله المتزوجات من اخواتنا يفيدونك

تحيتي لك


__________________________________________________ __________

اختي الغاليه
انا في رايي انك تتفقي مع زوجك تسايري الامور مع ام زوجك وبينك وبينه تسووا الي تبغوه
مثلا
اتفقتي مع زوجك تروحوا مطعم وام زوجك تبغ تروح معاكم معلش روحوا بس لا تاكلي اعتذري بان معدتك تعبانه او اي شي
وبعدين انتي وزوجك تروحوا لوحدكم ولازم اختي زوةجك يكلم امه باسلوب ان لك حقوق ولازم تاخدي راحتك في البيت
يعني انك بينك وبين زوجك هو الي يتفاهم مع امه انتي لا تواجهيها باي شي ودائما قدمي الكلمه الطيبه اكيد هي بتستحي مع الوقت انتي لا تياسي ابدا ما دام زوجك معاكي
وخلي زوجك يتفاهم مع امه مثل والله يا امي انا ابغ كده انا ابغ اروح مع زوجتي المحل الفلاني
ايوم ابغاها تقعد معايا في البيت
ما في داعي تنزل اليوم عندكم خلي المواجهه مع ولدها

وربي يهدي سركم ويوفقكم


__________________________________________________ __________

اختي الله يعينك يارب
انا من رأي اختي جوسي
وحاولي دائما تكوني الاحسن
واذا استمرت متل ما هي
ما الك الا انك تبقي ببيتك
الله يفرجها عليكي يارب


__________________________________________________ __________

اشكركم اخواتي من قلبي وانشاء الله امشي على نصيحتكم والله يكون في العون

شكرا لكل من شاركتني همي
وجزاكم الله خير


__________________________________________________ __________

ام عيسى

جوسي

ماهيناز

اشكركم جميعا