عنوان الموضوع : تعالوا قولوا لي انا صح ولا مريضة نفسياً؟؟؟
مقدم من طرف منتديات نساء الجزائر

تعالوا قولوا لي انا صح ولا مريضة نفسياً؟؟؟



انا بنت وعمري 24 سنه.....مابي أقول مقدمات وكلام منمق لأني بحياتي ماكتبت قصه أو حكيت عن نفسي
هالمره ماجاني النوم وقعدت لين طلع النهار ...واعرف نفسي لو ماجاني النوم ...يعني اكيد مريت بموقف عصيب في اليوم السابق.... يمكن خناقه مع خواتي او امي او احد قال تعليق وجرحني.... حسيت ودي اتكلم ودي اشكي ودي احس ان في احد يسمعني او يسمع قصتي .....مشكلتي ياجماعه هي اني ما اعرف وش مشكلتي ....هل العيب فيني ولا فيهم....ساعات احط اللوم عليهم وساعات احط اللوم علي
وكلا الحالتين دموعي تسبق اللوم والله يعين المخده هي الي بتاكلها....
قصتي يا طيبين اني من وانا صغيره وانا عايشه على نظام المعاير (المعاير جمع معايره وهي تعني وصف يوصف به الشخص لوجود عيب في شكله ) ....كنت صغيره يعايرون واضحك ...مو بس انا ...كل اخواني وخواتي مثلي ومثل كل عائله متوسطة المستوى......
...كانوا اخواني يتفننون بالمعاير علينا حنا البنات....حنا 4 بنات وانا اصغرهم واعترف اني اقلهم جمال...كانوا اخواني اكثر تركيز علي اناا بالذات لان شكلي كان مساعدهم يخترعون القاب جديده كل يومين... ماكنت اهتم بالموضوع وعاااااادي ....لما جا عمري 11 سنه حسيت اني بديت ازعل ... فكرت ليه وشفيني اناا يعني....اتذكر اني لما ننام امسك مخدتي واصيح واكتم صوتي لحد يسمعني من خواتي اللي نايمين معاي بالغرفه....11 سنه يانااس واسوي بنفسي كذا!!!!....
اختي الي اكبر مني جميله وبطبيعة الحال كنت انا وياها دايم مع بعض لانها اقرب وحده لي بالعمر ...وهات يامقارنات بينا كل مارحنا مناسبه او عيد او عشا...كنت الاحظ نظراتهم عليها ويبتسمون ويبوسونها وياهلا ويامرحبا وبعدها يسلمون علي ...تعرفون الاطفال اذا عطيت احد حلاوه لازم تعطين الثاني ولا بتبقى بخاطره انا كنت مثل كذا...كنت ابي كل شي مثل اختي....مثل ماتحبونها حبوني....ماكنت مستوعبه ليه.....
بذكرلكم مواقف مع اختي من ايام الطفوله...للحين براسي وكأنها صارت امس...رااسخه واتمنى لو فيه شي يمحيها...
كان خالي جاي عندنا للبيت وهو اقرب خوالي لنا ونحبه...اول مادخل ركضت اختي وضمها خالي ورفعها...وانا ببرائه رحت اركض مثلها ...منتظره يرفعني فوق فوووق فووووق ويضمني خالي واحبه....نزل اختي والتفت لي وابتسم وقال هلاااااا يافلانه وسلم علي ....ابتسمت وحسستهم اني عادي ومبسوطه وانا افكر متى يجي الليل ابي ابكي وابكي لين اناام .....ماحقدت وماكرهت طفله بريئه تحاول تلاقي نص الي تلاقيه اختها....

كنت استغرب من كلمه كانت تقولها اختي الكبيره.....كانت تقول اذا كبرنا فلانه (تقصدني ) بتطلع احلانا....كنت انبسط بكلامها ومادري ليه تقوله....اختي الكبيره كانت هي الي تحن علي او بمعنى اصح تحس باللي يصير لي...مع اني مافكرت اكلمها ولا اصارحها...اخواني احبهم ويحبوني ....اعرف انهم يحبوني وهذي المشكله
انك تنجرح من ناس ماتقدر تزعل منهم

كبرت وكبر همي معي...وصلت للمرحله المتوسطه.....تدرون وش الاحساس الي تحسه البنت في هالمرحله؟؟؟؟
انا اقولكم...تحس انها انثى بحكم ان اكثر البنات يبلغون بهالمرحله...تحس انها تبي تكون احلى وحده...تشوفونهم احياناا يحطون مكياج ويكبرون انفسهم....يبون احد يمدحهم..يقولهم ماشا الله وش هالزين والله كبرتي واحلويتي (بالمصري)
تدرون انا وش جاني احساس فهذي المرحله؟؟؟؟؟؟.....لاتفهموني غلط حسيت اني ولد!!!!
تخيلو في المرحله الي انتظرت احس اني بنت!!! .....حتى احساس الانوثه انسرق مني.....
مو مني انااا ....انا من داخلي بنت انتظرت وعجزت من الانتظار انها تحس بأنوثتها وماقدرت....كانت التعليقات تذبحني هي الي حسستني بهالاحساس ...اخوي الكبير كل مايشوفني يقول كنك ولد....كنت اقول لا والله انقلع بس وانا من داخلي اقول بس خلاص تكفى .....كل من شافنا قارنوني بخواتي...
حتى جدتي لها نصيب من ذكرياتي السعيده....كنا فبيت خالتي وتعرفون بنات ولازم الصوت يعلي شوي
جتنا جدتي تهاوش وتقول قصروا اصواتكم عيب في رجال برا.... قلت انا ...مو مره عاليه اصواتنا قالت وجع انتي وجهك الي كنه وجه ولد......وضحكوا البنات وانا ضحكت من برا وبكيت من جوى...والي زاد الطين بله اختي تضحك وتقول ايييه حتى اخوي الكبير يقول عنها ولد وهههههههه وتكمل الضحكه.....ابتسمت ابتسامتي الغبيه المعتاده....وفكرت بداخلي ليه اختي تكرهني...جتني لحظات فكرت انها تكرهني....بعدين قلت تكرهني ليييش من جمالي الفتان ولا من حظي الحلو.....بس تعرفون كنا صغار كلنا حتى اختي صغيره وساعات نقول كلام ماندري وش كثر يجرح المهم اننا نضحك...
اكثر موقف صعب مريت فيه وكل ماتذكرته لازم تنزل دمعتي هو من اخوي الكبير
كانوا خواتي كلهم يتابعون فلم اجنبي بنص الليل وكنت معاهم ومندمجه واتابع فجأه دخل اخوي الكبير علينا سوى نفسه خاف وقال بسم الله قالت اختي شفيك ...وانا بداخلي منتظره تعليق جديد ينور همومي ....قال شفت فلانه ( يقصدني طبعا هه) وقلت وش هالولد الي جالس بين خواتي
ضحكوا كلهم ...راح اخوي... وكملوا الفليم ولا كأن شي صار......انا كنت جالسه اخر وحده ورى بالمجلس...ارتجف من العبره الي خانقتها عمري 15 سنه... العمر الي تكون فيه البنت قمة انوثتها وبرائتها وانااا اكتم عبرتي ومابي احد يحس فيني ولا ابي اقوم ويعرفون ان كلامه اثر فيني ....بمكاني ماتحركت نسيت الفلم الاجنبي وبديت بمسلسل احزاني ...قعدت اتأمل خواتي ..كل وحده فيهم على وجهها بقايا ابتسامة .....تدرون وش فكرت وانا اتأملهم؟؟....قلت بنفسي حطي نفسك مكان وحده فيهم وقولي وش احساسهم بهاللحظه؟؟.....عرفت انهم حسوا انهم بنات وينخاف عليهم وفرحانين بغيرة اخوهم عليهم......لكن انا؟!!! وش احساسي؟؟؟؟اااااه بس ياقلبي

دخلت الثانويه وانا حاطه كل همي بدراستي من تفوق لتفوق ....ماكنت ابي افكر بشي لاني تعبت....تعبت ابتسم لهم وابين لهم اني عادي ومو مهتمه....... مريت بمرحله جديده بحياتي هالمرحله بعنوان ...خواتي تزوجوا ....ومن هنا بدا مسلسل ثاني....ماراح أبداه لان الكل عارفه...... يمكن لو جافاني النوم مره ثانيه وحسيت ودي اثقل عليكم راح احكي لكم عنه

اعذروني على ركاكة الاسلوب والاخطاء الاملائيه لاني اول مره اكتب كذا
اتمنى احس بالراحه بعد كذا.....

اللي ابيه منكم يا جماعة الخير تتقولون لي...هل انا حساسة زياده على اللزوم وهالاشياء عاديه تمر فيها اغلب البنات؟؟....وانا اكبرها وهي صغيره؟؟ او العكس ..ادعولي الله يهدي بالي ويريح قلبي

>>>>> ردود الأعضـــــــــــــــــــاء على الموضوع <<<<<
==================================


مرحبا حبيبتي {اه يا قلب العنا } انتي شكلك حساسه مثلي انتي لازم يكون عندك ثقه بالنفس ولا يهمك حكي حدا بالدنيا طنشي وربنا غير يكون معك لا تهمي حالك يا عمري ما في حدى يستاهل بهالدنيا
(إن مع العسر يسرا)

ابعد الله عنا وعنكم الاحزان والهموم ورزقنا واياكم القلوب الممتلئة بالايمان الصادق
اللهم اذهب عنها الحزن وأزل عنها الهم واطرد من نفسها القلق وفرج همها وكربها اللهم بحق شهرك الكريم وايامك العظيمه أأأأأأأأأأأأأأأأأأأأأمين


__________________________________________________ __________

السلام عليكم ورحمة الله وبركاته

عزيزتي اه ياقلب العنا
ماتعانين منه شئ يحصل لأغلب البنات
وليس مرضاً او شيئاً أخر

فأنت لست من خلق نفسك .. ولا من تحكمت بملامحك
الله سبحانه وتعالى خلقنا وجعلنا في أحسن صورة
لقوله تعالى في سورة التين ( لَقَدْ خَلَقْنَا الإِنسَانَ فِي أَحْسَنِ تَقْوِيمٍ ) الأية (4)
فالناس صدقيني يحبون أن يبالغوا فحتى لو كنت أقل أخواتك جمالا
فهذا لا يعني انك لست جميلـة
فجمال الروح يطغى على جمال الشكل الخارجي
كثير من البنات يحتلن أماكن كبيره في قلوب الناس
ولسن بالجميلات
هذا لأن روحهن وأخلاقهن تدخلهن في القلوب

فعليك أولاً أن تطردي هذه الوساوس من رأسك
ولا تقولي لماذا فعلوا هذا لفلانة ولم يفعلوه لي
فكري بطريقة إيجابية وأمحي كل السلبيات من رأسك
وثقي بنفسك دائماً ولاتهتمي أبد لما يقولون
وحاولي مصارحتهم بأنك لاتحبين هذا المزاح الثقيل منهم

ولاتفكري أنك لست جميله إذا لن تتزوجي مثل أخواتك
بالعكس فسيأتي نصيبك ان شاء الله عاجلاً أم أجلاً
وفكري بأنه يوجد الكثيرات الأقل منك جمالاً
وهاهن متزوجات ولديهن أطفال
فالناس أذواق إذا لم تعجبي هذا فستعجبي ذاك

ألجأي إلى الله سبحانه وتعالى إذا ضاقت بك الدنيا
وأرفعي كفيفك للسماء وادعي لله
وأقرئي كتاب الله فبذكره تطمئن القلوب

أخيراً أسلوبك في الكتابة أعجبنــي
وعكس لنا فعلا ماتحسين به
أهنئك عزيزتـــي

وأتمنى من كل قلبي أن يرتاح قلبك
وتزول هذه الوساوس من رأسك
فانت أنثى مهما قالوا وعنك ولم يقولوا ..

تحيتــــــــــي

---------------------


__________________________________________________ __________

اهلا اختي اه ياقلب العنا
اختي العزيزة انتي لستي مريضة نفسيا ولاستي سيئة بتاتا ولاكن والله ياختي ماتمرين به صدقيني تمر به اي بنت لديها اخوان اكبر منها انا ياختي اخبرك بقصة بسيطة عني انا لما كنت طفلة كان خصوصا واحد من اخواني يطنز علي وكاوااان يعلق علي تعليقات والله كام بكيت منها لدرجة انه كان يقول انتي فاشلة ولاكن الحمدالله اثبت له واثبت للكل اني انسانة ناجحة

لاكن ياختي هدئي من نفسك ومن روعك الحياة ليست جمال دائما ولاكن ثقي بنفسك واجعلي شهادتك واخلاقك هي من تبرهن لهم انك جميلة بعقلك

اختي ليس معنى انك اقل جمالا من اخوتك انك خسرتي كل شي لا صدقيني الله مايخد شي الا ويبدله بالفضل ولاحسن منه

اختي اسلوبك كان اكثر من رائع وعكس لي جانب من جوانب شخصيتك الرقيقة والشفافة ولاتعيرين لكلامهم اي اهتمام وانا ادعوك بان تتركين لنا مساحة بان نساعدك ونشاركك يهمومك لاتترددين بان تشكي لنا ما يزعجك فكلنا اخوات مستعدين للمساعدة

هدء الله سرك واثابك الجنة وبرد الله قلبك ونولك كل خير


__________________________________________________ __________

يسعد قلوبكم وينور دروبكم بالخير والسعاده يا اخواتي


__________________________________________________ __________

هلا اختي ... بجد اهنيك ع طرحك واسلوبك الاكثر من رائع بسرد قصتك .. نفسي املك قدراتك هذي ..

المهم اختي ودي اضحك لان كل اللي حكيتيه صار لي ويصير لبنت اختي ... بس بجهة نظري واعتقد كل البنات يوافقوني عليها مافي امراة تخلوا من الجمال ..
هذي الامور والله تحصل وصدقيني انتي بتكوني اقرب وحده يحبها اخوها وهذا الشي اللي حاصل بيني وبين اخوي ... يعلق ع كل شي بس اموت ع تعليقاته ويحسدونا خواتي ع السلا اللي بيننا يعني ماازعل اسايره واضحك بطيبة نفس ..
احنا اربع خوات واخ .. انا الصغيره كنت شيطانيه يعني مررررررره شقيه وصبيانيه ... كان يقول لي اخوي اش رايك تلبسي لابسي وتروحي السوق او تروحي العمل مالي خاطر اليوم اروح .. تفتكري اش رده فعل ماازعل اضحك موووووووووووووت
وفجاه افاجئهم وادخل عليهم وانا لابسه ملابس اخوي واخوف امي وهي بالمطبخ هههههههههه كنت اسوي لهم مقالب وانا مبسوطه ..
اختي لا تخلي احزانك تسرق سعادتك .. مثل مايقولوا المخوه في الدنيا .. خليكي زي الفراشه
ولا تنسي تتقربي من الله اكثر .. و كمان لا نتسي انك تهتمي بنفسك ولبسك وطلتك تانقي بقدر ماتقدري

من حقك انك تحسي بانوثتك ودلعك ..تدللي حتى ع حالك .. اما بالنسبه لنصيب انا بمثل عمرك ولسه ماجا نصيبي لا تزعلي روحك الانسان بياخد نصيبه بهذي الدنيا .. والدنيا عباره عن عابر سبيل استظل بشجره ومشى..

انصحك انك تهتمي بموهبتك بالكتابه قد يوما من الايام اقرا لك روايه او قصه او كتاب بس مع تغيير النك نيم ..
وكمان اهتمي بدراستك الجامعه وانجحي ليس نجاح عادي بل ابهري الكل به
مع تمنياتي لك بالحياه السعيده