عنوان الموضوع : ما عاد فيني اتحمل ها العيشة
مقدم من طرف منتديات نساء الجزائر

ما عاد فيني اتحمل ها العيشة



يابنات مرحبا
الله يهدي قلوبكم ويهني ايامكم

صبايا والله اني مخنوقة لدرجة اني احس انه بطل اي شي يفرق معي في هالحياة بنحكي كتير وبنشوف قليل بس الواحد حتى لو ما تغير معه شي الفضفة بتريح القلب
يابنات انل تزوجت من سنة تقريبا من انسان كان علا اعتقادي ان كل الصفات المنيحة فيه
ابن عائلة محترمة(وانا اشهد)
ميسور الحال
فاهم الحياة
ومنيح
طبعا هاد متل ما سمعت عنه
في الزواج صار كتير احسن معي من الخطبة
بس كانت عنده مشكلتين -خيانتي مع صديقاته لقديمات
-الافلام الاباحية
طبعا كنت علا نياتي اتحملت منه الخيانة والمسجات اللي كنت اشوفها والضرب العنيف لما كنت اكتشفه والحرقة اللي بصدري وا اشكي لاحد الا انه ظل يوعدني بتركهم ما خليت شي الا عملته وانا وحده مثقفة وعلا قدر من الجمال عالي الحمد لله رب العالمين طبعا كنت اظل ساكتة واهله كنت احطهم علا الراس والله اعلم _لانهم بصراحة بنحطوا علا الراس وبنشربوا مع المية العكرية
الافلام الاباحية بطل يشوفها بسببي لانه كل مايشوفها اخليه ما يلمسني مع اني عارفة انو بشوفها من وراي(يعععععععععع)بس قدامي مستحيل يشوفها ولا قويت
المهم حملت والحمدلله وبس حملت ظليت اضغط عليه بموضوع اذا حكا مع غيري لاح تكون نهايتنا الطلاق واذا شاف الافلام ممنوع يقتربلي
واالله بعلم قديش اتشنططت معه بسبب ايقافه عن العمل من وظيفته وين نمنا وشو اكلنا الله بعلم وبالرغم من هاد كله كنت دايما احتسبه عند ربي هاد الصبر وانسالله الله بعوضني خيرحتى انو اهلي من كتر ما همو مناح سكنا عندهم 3 اشهر طبعا انا بشتغل وخلا هديك الفترة لما ماكان معه راتب كنت انا اصرف عليه بالرغم من اني كنت عارفة انه خاين
طبعا انا اول ماتزوجت ما شريت اثاث _سكن وظيفي وفيه كل شي ولما رجع للشغل بعد المشكلة اخدوا البيت واحنا استاجرنا كنت مدخري من راتبي واشتريت غاز وتلاجة الضروريات وهو بدخر ختى يبلش يعمر النا في بيت البيت اللي هلا انا عايشة فيه بصراحة بخزي وبستحي استقبل فيه ختى خواتي ودائما بتحجج انه بعمر وان مخنوقة من هالبيت لانه بصراحة انا كنت عايشة عند اهلي في بيت بجنن (نتيجة التنازل) المهم هلا انا حامل بالشهر السابع وحابة اوفر فلوس مشان ابني بس اخلفه وزوجي بلش يشطب في البيت وبستنا في قرض يطلعله والله وكيلكم الي 3 اشهر وهو ساحب كله رواتبي كنت عاملة جمعية وظل وراي وراي وانا رافضة اني اعطيه منها فلس احمر وزهقني وقال ظل يوم كامل ما بجكي معي لاني رافضه اساعده وزهقني وطفرني في سواليفة واعطيته نصها حتى اخلص منه كان شرطي اذا بده الفلوس انو لايجكي معي ولا يقربلي الا بس يرجع الي كل الفلوس طبعا مشان اخبيهم وللنفاس الي شهرين نفسي اشتريلي موبايل متل العالم والناس وهو بتخوت علي بكرة بعده قرفنيفي الموبايل ختى وخانقني ختى مش قادرة اشتري شي من فلوسي وتعبي الله بعلم قديش يتعب ولا شايفة لا تلفون ولا لبس ولا شي طبعا وعدني انه البيت في 1/10/ يكون جاهز واثاثه جديد وبجنن وانا حكيتله اذا ما بكون هيك رح اروح واخلف عند اهلي 3 اشهر (اهلي مش مجبورين فيي ولا في الولد)طبع زوجي اي قرش معي سحب علا طول للعمارة وانا ضاغطني ختى صرت احزن علا حالي وين كنت وين صرت حتى اهله صرت اجاكره فيهم حتى يرحمني شوي هاد غير البهادل والذل اللي بعد مرات بعيشني فيه يابنات بصراحة انا الطلاق بحوس قي راسي وابني هيك نصيبه وممكن الله يبعتلي واحد يريحني وانا واثقة انو رخ يجي واحد يريحني لاني واحد مش ناقصها شي لانو الي 2 والله ادرى بحالي انو الي قرفانه الحياة بسبب تصرفاته وبسببه وبسبب ما تحملت معه والله اني جبل مستحيل حدا يتحمل اللي تحملته وانا عارفة وواثقة انو ما رح يعمل لي شي لانو2 حتى مصروف اذا طلبت والا لبسه والا مصروف يومي مستحيل يعطي ولا بسال انا خايفة كتير المصيبة العظمى انو كمتن 3 اشهر بخلص عقدي من هاي الشركة ورح اظل بدون شغل واهلي مش مجبورين يصرفوا علي او علا ابنه مع اه معي فلوس مخبيتهم وذهبي بس مش عارفة اهلي ما رح يستقبلوني اللي عم بفكر فيه اني اخلف انشالله علا سلامة وبعدها بسرعة ادور علا شغل منيح واطلق منه حتى اقدر استاجر بيت الي ولا ابني نعيش لحالنا لان هاد انسان احنا مش بحاجته ومش جايب النا الا الهم والنكد بصراحة شو رايكم دلوني ارشدوني لاتبخلوا علي انا هلا في امس الحاجة الكم

>>>>> ردود الأعضـــــــــــــــــــاء على الموضوع <<<<<
==================================


الله يفرج همك يارب


__________________________________________________ __________

يا حبيبتى ادعى لربنا فى الايام الباركه ان يهديه شو زنب ابنك يربى بدون قلب حاولى انك تغيريه ورمضان فرصه اختى حاولى وحاولى مشان ابنك


__________________________________________________ __________

نصيحتي لك الزمي الاستغفار وسورة البقره وسترين الفرج باذن الله واصبري عشان ابنك واالله يعوضك وخلي املك بالله كبير ولاتفكري في السلبيات لا فكري انه رح يتعدل حالك للافضل واقتربي من الله ورمضان فرصه لاتفوتيها ووالله مابعدالعسر الا اليسر وادعي وانتي ساجده خاشعه لله بان يهدي زوجك ييسر امورك وخلي اي احد كبير فاهم ينصحه وانتي انصحيه وخوفيه من الله ولاتنسي قياااام الليل والله يفرج همك

ادعي لي بالذريه الصالحه فقدطال الانتظار


__________________________________________________ __________

عزيزتي...والله...هذا حال..كثير بنات مثلك...بس ربك بحبك..صديقني..وبعرف انك مؤمنه وصابره..
ان شاء الله تفرج همومك...آمين..
خبرك قصه..انه وحده عاشت 10 سنين وعنده اطفال..كان زوجه يضرب فيه لليل نهار..وكانت ماتشكي الا ربه بدعاء اله انه ربي يهديه..وفي يوم رجع البيت..ورح تخيلي شو سوى حب رجل زوجته وضل يبكي ويقول سامحيني..والله انك زوجه صالحه..سبحان الله..شفتي اختي الدعاء وصلاة..ربك فرجه له زوجه..وصار زوجه يقول..والله اني صرت رجل صالح وزوج طيب وسبب زوجتى ودعاء الى..وهذا كلام زوج نفسه يقصه في محاظره..عن فضل زوجه الصالحه... وعذراً اني طولت بس الصبري ودعي والله بيفرجه الك آمين...


__________________________________________________ __________