عنوان الموضوع : اختكم مصدومة بدها مساعدتكم ... ياترى بتساعدوها؟؟؟؟
مقدم من طرف منتديات نساء الجزائر

اختكم مصدومة بدها مساعدتكم ... ياترى بتساعدوها؟؟؟؟



مرحبا حبيباتي بدي مساعدتكم

أنا من فترة كنت استعمل كريم بأمانة فتحلي وجهي وصار أشرق بس كان

في اثر حبوب ما كان بدهم يختفو الكريم فتحلي وجهي بس الحبتين أثرهم ما اتفتح وما اختفى

من شي اسبوع رحت عالصيدلية قالي بشرتك منيحة وأعطاني
كريم لتفتيح وتقسير أثار الحبوب المهم قالي استعملي الكريم بس بالليل

استعملتو 3 أيام بعد صار وجهي أحمر وفيه حكة يعني مثل حساسية رجعت
عالصيدلية ما لاقيت الدكتور اعطتني الصيدلانية كريم فوسيدين ( الأسد )

هلا خف الإحمرار والحكة خفت عني بس صار في حبوب صغيرة بوجهي

والله يا بنات كثير مدايقة معقولة بيوم وليلة بتنتهي بشرتي الصافية

كثير ندمانة اني رحت عالصيدلية حتى أمس شافت جارتنا وجهي قالتلي عملتي بوجهك هيك و راحت على بيتا عم تركض جابتلي عسل السدرة ودهنتلي فيه وجهي

بس بعد العسل كل الحبوب الصغيرة يلي كانت تحت الجلد طلعت لبرا

والله محتارة بشرتي كانت كثير منيحة وبيضاء لو تشوفوها هلا كيف صارت

ارجوك منكن بنات ايلي بتعرف شي يفيدني تقيلي عنو ويلي بتعرف شي عن عسل السدرة تقيلي
والله بدعيلا من كل قلبي

الله يخليكم لي ولا يحرمني منكم

>>>>> ردود الأعضـــــــــــــــــــاء على الموضوع <<<<<
==================================


وينكم بنات والله زعلتوني
معقولة ما في حدا بيعرف شي يساعدني
لا تخجلوني


__________________________________________________ __________

حبيبتي طولي بالك هلأ بردو عليكي الأخوات بس انا راي اتركي وجهك وما تحطيله شي ابدا خليه يروق لفترة وما تلعبي ببشرتك بتخربيها واذا ضل هيك الوضع لاسبوعين روحي على دكتورة جلدية اختصاصي بشرة


__________________________________________________ __________

المشاركة الأصلية كتبت بواسطة Hanoom_86
حبيبتي طولي بالك هلأ بردو عليكي الأخوات بس انا راي اتركي وجهك وما تحطيله شي ابدا خليه يروق لفترة وما تلعبي ببشرتك بتخربيها واذا ضل هيك الوضع لاسبوعين روحي على دكتورة جلدية اختصاصي بشرة

شكرا حبيبتي Hanoom_86 لأنك اهتميتي بموضوعي بس انا خايفة اترك بشرتي هيك يزيد الوضع
الله يوفقك ياعمري وشكرا كثييييييييييير لإهتمامك


__________________________________________________ __________

حبيبتي انا برأيي تركيه هيك لمدة اسبوع عا الاقل
وان شا الله بترجع لحالها طبيعي ..
ولا تستعملي كريمات تانية ابدا ..الله يصلحك ويهديكي الواحد موشو ماكان بيحط على وجهه
واذا لاسمح الله مارجع او ماخف بعد شي اسبوع روحي عند دكتور جلدية معروف وعنده خبرة مو تروحي عند اي حدى ..وان شا الله بيساعدك ...


__________________________________________________ __________

شكرا حبيبتي شام نونو اكيد بدي روح عند دكتور متخصص بس المشكلة موعدي بعد 8 ايام هيدا يلي دايقني اكثر
شكرا لمرورك