عنوان الموضوع : شوفو مشكلتي واعطوني الحل مجابة
مقدم من طرف منتديات نساء الجزائر

شوفو مشكلتي واعطوني الحل



السلام عليكم ورحمتة الله وبركاته
ابغى االحل اقص عليكم قصتي والرجو ان تاخذوها بعين الاعتبار وتعطوني الحل وتشوفو مين الغلطان واذا انا الغلطانه ابغى السبب
والحل:::::::
هذه هي قصتي::
امس ذهبت الى اهلي عشان اعيد عليهم اهلي ساكنين في مدينه وانا في مدينه تبعد عن بعضها بحوالي ساعه او اقل.
طيب وصلني زوجي لحد البيت وهو ذهب طلعت البيت دقيت الباب محد رد على تراها امي ذهبت عند ناس تعزيهم وامي عارفه اني انا جايه بس قالت ماتتاخر بسرعه وترجع على بال انا اجي اتصلت امي على بالجوال ما رديت لاني كنت قبلها في العزا بس نسيت الشنطه بالسياره وما شفت اتصالها
طيب المهم زي ماقلت دقيت الباب محد رد على جلست عند الباب انتظر
مسكت الجوال ابغى اتصل عليهم ماعندي رصيد ولا حتى رسايل اتصل بي.
ونسي زوجي مايعطيني فلوس طيب كيف اشحن يارب كنت امس في ازمه مايعلم فيها الا الله المهم بعد جهد وخرجت كل الا في الشنطه ادور على فلوس تاركتها في الشنطه من اول الحمد لله لقيت عشره ريال ورحت البقاله واشتريت بطاقة شحن اتصلت على امي وقالتلي انا مو مطوله خلا ص دحين جايه وبيت العزا بعيد عن بيت اهلي والمكان الا انا واقفه فيه مافي شبكه او ضعيفه يعني الا بااكلمه مو سامعني اتصلت على جوزي قلتله تاني مره لمن توديني بيت اهلي لاتنسى تعطيني فلوس وكنت مره مره متوتره ومعصبه جدا المهم وانا باكلمه مو سامعني وكل شويه يقول ايش ايش وانا معصبه رخيت السماعه ومن فضل الله عليه اختي ساكنه قريب من بيت اهلي اتصلت عليها انت موجوده في البيت وحكيتلها الحكايه بكل ترحيب رحبة في الله يعطيها الف عافيه
وبيتها يعني اقدر اروحلها مشي برجلي وطبعا معايا اطفالي عندي ثلاثه الله يخليهم ليه وتعبت مره والله العظيم الى ان وصلتلها طيب وانا ماشيه في الشارع حطيت جوالي ع الصامت عشان عارفه جوزي حيتصل علي عشان الشارع ملئ بالرجال واستحي اني امشي في الشارع والجوال يرن ولمن وصلت بيت اختي نسيت الجوال انه ع الصامت ولمن افتكرته لقيت 16 اتصال من زوجي ورسايل كلها تهزئ ومن ضمنها والا اكثر مازعلتني ((انا مو حيوان تسكي السماعه في وجهي )
(لاتفكري تتصلي على ولا انا جاي اخذك خليك عند اهلك الين يعلموك الادب وبعدين كلميني) وشغال يرسلي رسايل من دا النوع وانقهرت وعصبت بازياده قمت من كثر قهري من الرسايل رسلتله (افهم ايش الا صار وبعدين اتفلسف واذا هذا رايك في خلاص لاتجي) ووصلت امي البيت وعرفت اني عند اختي واتصلت على اختي وقالت انها وصلت البيت
ورحنا كلنا عند امي وانا مقهوره نكد علي في العيد حسبي الله ونعم الوكيل وجالسه معاهم هم يضحكو ويتكلمو وانا افكر في المشكله وان ضحكت والا اتكلمت ارجع افكر في المشكله الا صارت ولا حا الاقيها
المهم خلصنا وبعض من اخواتي راحو على بيتهم المهم رسل لي رساله لبسي البزوره انا باقي لي خمس دقايق واوصل لكم سويت نفسي ماشفت الرساله وقفلت الجوال قام طلع دق الباب ردت عليه امي وقالها خليهم ينزلو ونزل بسرعه يستنى في السياره نزلنا ومشينا وهو ساكت ومسوي نفسه زعلان وما يتكلم ولا شى قمت اتكلمت انا وقلتله ايش الرسايل هذه الا راسلها اصلا مااعطاني مجال اكمل كلامي وبصوت عالي هب في وقالي سكي فمك وقام يتلفظ بكلام بذئ اول مره يتلفظ فيه معايا ماقدرت بصراحه انا اسكت انفجرت وصرت اردله كلمه بكلمه ووصلنا البيت ونزلت ومانتكلم مع بعض والا الان مانتكلم مع بعض اعوذ بالله ماكأنه عيد بل هو نكد وطفش ابغى رايكم في الموضوع ابغى اعرف مين الغلطان فينا وسبب الغلط ويجزاها الله خير الا تحل لي المشكله

>>>>> ردود الأعضـــــــــــــــــــاء على الموضوع <<<<<
==================================


السلام عليكم اختي
كل عام وانتي بخير
اول شي ما تزعلي ياما بيسير وياما بيجرا
بس انتو الاتنين غلطنين لانه مهما صار زوجك مش لازم تتصلي تحاسبيه على التلفون لماتروحي اقعدي بهدوء قوليله واللهيا فلان انا اليوم نقصنا فلوس وبعدين مش لازم زوجك وهو معصب وبيكتر حكيتردي عليهخليه يحكي كل الي عندهولما يهدى تعالي احكي معه
لانه كل ا لرجال نفس الشي
وهو مش لازم يغلط فيكي بس واللهيا اختي هاد الشيطان ما بيفرح الا اذا اتنين متزوجين اتفرقو
ونصيحتيالليله البسي احلى ما عندك وزيني حالك واقعدي معه
والله يصلح بينكم
اختك الفلسطنيه ملكه السعادة


__________________________________________________ __________

خلاص ياختي المشكله وصارت ودائما خلي في بالك ان الرجل مستحيل يعتذراويعترف بخطئه فلذلك خلاص حاولي تنسين المشكله لمصلحتك ومصلحة اولادك والسكوت والاستغفارحل للمشاكل لان النقاش في الماضي لافائده منه وخصوصامع الرجل والله يعينك........


__________________________________________________ __________

ياملكه انت والشقحاء الله يعطيكم الف عافيه بس انا سويت مثل ماقلتو وحاولت اكلمه
باني فتحت على برنامج من سيربح المليون في الللاب توب والا سئله الصعبه اسوي نفسي اني
اخليه يساعدني فيها بس مايرد الا بالقوه مسوي فيها زعلان وكل شويه يعصب
وياويل لو اتكلمت كلمه يقول سكي فمك احسن لك الله يصبرني الين يرضى واتفك من المشاكل


__________________________________________________ __________

أختي ربي يكون في العون وفي كل منزل لبد من مروره بسحابة صيف وتوه تشوفي حتعدي


__________________________________________________ __________

السلام عليكم ورحمة الله وبركاته

أرجوك من كل قلبي انك ما تزعلي من كلامي (( أنت الغلطانه ))

سامحيني .. لانك اتصلتي على زوجك وكلمتيه بتوتر علشان ما ترك لك

فلوس .. طيب ما سألتي نفسك (( أنا ليش عصبت على زوجي ايش

عرفه اذا معي فلوس أو ما معي ؟؟؟)) .. انت لو انك قبل ما تطلعي من

البيت المفروض تفتشي ايش اللي ناقصك لانك رايحه لاهلك وسكنهم

بعيد

لازم تاخذي احتياطاتك.. وعلشان تصلحي غلطك ، اعترفي له انك غلطتي

لما اتصلتي عليه وأنت معصبه وفهميه وقولي له بكل حنان حط نفسك

مكاني

أنا في مكان بعيده عنك وأهلي مو موجودين ومعايا أولادك والجرايم

الايام هذي صارت تحصل عيني عينك كيف تكون نفسيتك.. واطلبيه يرد

على سؤالك بس أطلبيه وانت حزينه ..وشوفي ايش رده اذا كان لصالحك

قولي له: طيب خلاص خلينا نفتح صفحه جديده ونتعوذ من ابليس هذي

آخر مره وان شاء الله ما راح ينعاد ..

واذا رد عليك بانك غلطانه تقبلي رده بابتسامه مع شوية حزن وتأسفي

له وقولي له والله خفت على نفسي وأولادك .. وان شاء الله راح يفهمك

وترجع الحياه الحلوه لبيتك يارب.

والله يوفق الجميع