حبايبي ... ساعدوني
عنوان الموضوع : حبايبي ... ساعدوني
مقدم من طرف منتديات نساء الجزائر
حبايبي ... ساعدوني
مرحبا كيفكم؟ انشالله بخير
وكل عام وانتم بخير
انا بنت عمري 16 وعندي صديقة كتير غالية علي وبحبها وبتمنالها السعادة واهلها كمان بعرفوني وبروح عندهم وهي بتيجي عندي وفي يوم من الايام رن التلفون ورديت وكان ابو صحبيتي وصار يسألني عن اهلي وعني وعن الدراسة وشو بدي ادرس وانا كنت اجاوبه وبعدين حكالي وفاجئني انه طالب ايدي لابنه وابنه سنة اولى جامعة
ما عرفت شو احكي بس تاني يوم حكيتلها انو احنى لسى صغار وهو قدامه مشوار طويل بس مابكذب انه اخوها شب محترم حنون طيب ووضعهم المادي كتير كويس وهم شاريني ولهلأ انا بحكي مع صحبيتي وكانه ما في شي بس هي حكتلي انه يمكن يسير هاي الشي بعد كم سنة
بس في شغله انه هو مو كتير حلو يعني مقبول وانا نفسي بشب حلو صحيح انو الجمال مو كل شي بس هاي الشي كل بنت بتتمناه
وكمان صاحب اخوي بلمح على الزواج وماما دايما بتحكي عنه وبتمدحه لانو قد حاله وما بركن ع حد تاني وهو شب حلو وحنون وطيب وخدوم
وخايفة ازا صار الارتباط اخسر صحبيتي
حبايبي احكولي شو اعمل؟؟؟؟؟؟؟؟؟؟؟؟؟؟؟
وشكرا
>>>>> ردود الأعضـــــــــــــــــــاء على الموضوع <<<<<
==================================
بلاش تستعجلي الاحداث وركزي في دراستك أحسن
__________________________________________________ __________
عزيزتي ,,حبيبت الصمت
لما الحيرة والقلق ,,
ليس من الظروري ان تفكري الان في الزواج ,,
فانتِ لازلتي صغيرة ,, لاتجعلي هذا الموضوع يؤثر في دراستكِ
وتذكري بأن المقدر والمقسوم للإنسان لا يعلمه إلا الله
لا تسبقي الاحداث عزيزتي ,,
اتمنى لكِ التوفيق في حياتكِ ودراستكِ ,,
تحيتي ,,
__________________________________________________ __________
انا كنت بنفس المشكلة بس كانت رفيقتي تلمحلي تلميح وانخطبت قبل ما تطلبني الحمدلله والله موقف صعب الله يعينك
__________________________________________________ __________
اذا مانك موافقه علي اخو صاحبتك
ارفضي .... عادي مافي شيء
قولي لها اي شيء
انك مثلا لساتك صغيره ...... مابتفكري بهالاشياء ...... بدك مثلا تتزوجي حدا اكبر منك بكتير...... بدك الاول تخلصي دراستك .......يعني هيك
ولا تسبقي الاحداث انتي لساتك صغيره
والله اعلم الواحد ممكن يتغير في يوم وليله .... ومابنعرف شو اللي هيصير في هالدنيا
واكيد انتي بعد ما بتكبري تفكيرك كله بيتغير .... ونظرتك في الحياه بتتغير .... اني ممكن الحين نفسك تتزوجي شاب وسيم ... ولكن بعد ما تكبرين اكيد تفكيرك يتغير وسوف تلاقين اشياء اخري لابد من وجودها اهم من الشكل
لاتستعجلي .... اهتمي بدراستك اهم
كل واحد سوف يأخذ نصيبه كامل
الله اعلم .... انت مابتعرفي وين نصيبك
الله يوفقك
__________________________________________________ __________
رد مع اقتباس
