أنا بحاجتكم أخواتي استشاراتكم ودعائكم ؟؟

[aksachli]

عنوان الموضوع : أنا بحاجتكم أخواتي استشاراتكم ودعائكم ؟؟
مقدم من طرف منتديات نساء الجزائر

أنا بحاجتكم أخواتي استشاراتكم ودعائكم ؟؟



السلام عليكم ورحمة الله وبركاته
حبيباتي مشكلتي مع زوجي ،،
ولوماني واثقة فيكم وإنوا حألقى قلوب تفهمني ماطرحت مشكلتي عندكم وحأفضض معليش اعذروني حاسة نفسيتي محطمة ويائسة من الحياة وخلاص واصلة معاي ..
انا متزوجة من خمس سنوات وكان عمري 23 سنة وعندي ولد عمره 4 سنوات..
وكنت على عماي زي ما يقولوا ما أعرف للمشاكل حتى يوم فتحت جوال زوجي عشان أرسل للوالدة إني رايحة لهم وكان جوالي استقبال ومادري كانت مشكلة في الشبكة ورحت أشوف المرسل ولقيت اللي ياليتني ما شفته ولا عرفت هذا الرجال تمنيت إني ما التقيته في حياتي والمشكلة إني عندي ولد ولولا كنت فارقته غير آسفة عليه لقد رأيته يراسل نساء أخريات كلمات لا تليق بمسلم أن يتكلم به مع أجنبية عنه .. وحدثت مشاكل حيث بعدها بدأت بذرة الشك عندي فلا أثق فيه اطلاقا وصرت أتتبع مكالماته ورسايله ودايما ما أجد ما يحبطني من رسايل ومكالات حتى أعلنت إني معد أبغاه نفسي طابت منه أنا أتعب وأعمل له وفي الآخر مستانس مع حريم آخريات ،، وكلما جا إلى البيت طفشان يبغى يقعد ع الكمبيوتر ..
وهذا ومع تقصيره في أمور البيت فأنا قلت خلاص كل واحد يروح في حاله
ورحت لأهلي وجلست عندهم ستة شهور تقريبا ،، وهو دايم يكلم أخوي بحكم إنه ولي أمري يقول إنه تاب وغيره من هذا الكلام فأخويه ماكان مصدقه صراحة بس حنت الوالدة وأخذت تضغط علي لين وافقت بشروط إنه يترك محل كان يشتغل فيه وكان معظم البلاوي منه عشان احتكاك بالحريم وغيره فوافق ورجعت وأعطاني أغلظ الأيمان إنه معد يرجع للسالفة وصدقته ومشيت على كده وخلاص حاولت أطوي الصفحة حتى بطلت أتتبعه في الأمور عشان الوالدة هذا كان وصيتها لي ورجعت لين سبحان الله قبل أسبوعين وكان جوال استقبال وقلت له يشحن لي عشان أراسل زميلاتي وأهنئهم برمضان قال خلاص أنا أفتح لك صفحة معكم وهي خدمة للمشتركين في الdsl تبع شركة الاتصالات السعودية وحطيت رقمك الوالدة وصرت أرسل لزميلاتي عشان رقمي شركة تانية ولمن خلصت قلت خليني أمسح أرقام زميلاتي في المرسل عشان النت مافيه أمان .. وإش تتصورا لقيت ؟؟؟؟
لقيت رقم وحدة من اللي كان يرسل لهم من قبل ثلاث سنوات رسالة طبعا ما تظهر الرسالة بس ظهر العنوان كاتب فيه( صباحك سكر )أنا زي اللي انصفعت على وجهي وحسيت بإحباط وأكيد كل وحدة إذا حطت نفسها موقفي حتحس بالشي اللي حسيت به وع طول رحت كلمته وقلت له صباحك سكر وأنا مقهووووورة طيب مهو غبي فهم السالفة وقال لي فتحت المرسل صح ؟؟ وجلس يخاصم أنا وثقت فيك وفتحت لك الصفحة عشان ترسلي مو تفتشي ( شين وقوي عين بعد ) فما رديت عليه حاولت أكون متماسكة قدامه .. واتصلت على أمي أكلمها وأنا منهارة تماما وأقول لها إنتي اللي خلتيني أرجع لهذا اللي ما يتسمى وشكيتلها وهي تصبرني وقالت لي لا أفتح له سيرة وبس ما قصرت حاولت تهديني لين هديت ،، وقالت لي أمشي السالفة طبيعي ،، رغم إني ما أقدر أخبي شي في قلبي لازم يطلع على وجهي ،، حاولت أمثل إلا في الليل يرسل لي رسالة يقول أنا آسف وكلام كله اشوفه فاضي فخلاص أنا نشرت غسيله وطحت فيه ما تخاف الله وتروح تؤم الناس في المسجد وهذي سواتك ووو إلخ ..... وحسيت شوي خففت عن نفسي رغم إني أحس لسه النار شابة في صدري ولين اليوم هذا الكلام من آخر يوم بشعبان لين اليوم أحس لمن أقعد معاه ع الفطور ماني طايقه أشوفه لمن يروح كأنه جبل انزاح عن قلبي أنا حسيت بشعور بالرفض ماني قادرة أنساها منه وللمعلومية هذي المعلمة هي آخر من ترك محادثتها في الفترة السابقة قبل سنتين حتى أخبُر إني قلت له إذا كنت مستعد تخرب بيتك وتشرد ولدك خلاص ابقى معاها وقال لي لا إلا بيتي وولدي عشان وحدة ما تستاهل .... أحس إني عايشة سنين عمري مخدوعة مأ أدري وا ش السبب هو ضعف ثقته في نفسه ولا طمعه بفلوسها فأحيانا تجيني مشاعر إنوا بس يبغى يمشي حاله معاي وبعدين يرميني ويروح لها عشانها مدرسة عانس ومحوشة فلوس وتعرفوا ضعف ابن آدم قدام الفلوس صرت محتارة
والله فقدت الأمان معاه مادري ولولا ثقتي فيكم وإنوا حألقى قلوب تفهمني ماطرحت مشكلتي وأتمنى أن أجد النصيحة المخلصة لديكم غالياتي ..

ورود ذابلة ..

>>>>> ردود الأعضـــــــــــــــــــاء على الموضوع <<<<<
==================================

تعوذي من الشيطان واتركي الهموم حنا بشهر خير ومغفره
حبيبتي تشكي لي وانا ابكي لك
ويالغاليه مو بس زوجك كل الرجال هذي طبيعتهم ولا تحسبين بس انتي اللي تعانين من هالشي وتتعبين معهم ولا هم بمتغيرين بس تموتين نفسك من الهم والضيقه والنكد وهو لاهي مع هاذي وذيك

وصدقيني مايتغير الا اذا تغيرتي انتي وحتى لو قلتي انا مو مقصره معه ومو ناقصني شي اقولك انا معك

بس هم كذا عيونهم فارغه ويملون بسرعه

يعني اتغيري انتي وطنشيه شويه علا جنب اهتمي اكثر بنفسك وولدك

حبيبتي انا تزوجت عمري 15 سنه وكان مو معبرني يقول بزره صغيره وكانت كل مشاكلنا على التليفون والمغازل بس لما كنت ادقق وراه واكشفه كان يزود بس طنشته واهتميت ببناتي ونفسي تغير ومع الدعاء
واللي يزيد الطين بله لما ازعل واروح بيت اهلي اجلس شهر او شهرين يفضاله الجو وياخذ راحته على الاخر
بس لا يعيوني ماعاد اطلع من بيتي عشان يفضا الجو ويانا ياهي لين خليته يتوب

بالعكس ياقلبي لاتكرهينه ولا شي بالعكس اقعدي علي قلبه وقلبها وحبي زوجك وشيليها من قلبه وعقله

ولا تقارنين نفسك باي وحده اخلاقها منحطه وتدور رجال بالتليفون انتي اعز واشرف من الاشكال ذي اللي ماورها غير دمار ومشاكل وخراب بيوت

املي حياته وحياتك غيري روتينك واهتمي بنفسك اكثر سوي دايت اصبغي شعرك غيري اسلوبك واطباعك غيري طريقه اكلك خليكي فري وفله

انسي الهم والله بتمرضين من الهم واتجهي لربك وادعيه واستغفري

اللهم يامسخر القلوب القاسيه والعباد العاصيه والجبال الراسيه سخر زوج ورد الجوري وكل بنات سيدتي اللهم كما سخرت البحر لموسى اللهم سخره لها واجعله لايرى من النساء سواها وجملها في عينيه وجمله في عينيها واجعله اخا لها في الطاعه وابا لها في الحنان وحبيبا لها
اللهم استر عيوبها عنه واستر عيوبه عنها
الهم صب حبها في قلبه صبا صبا واجعله لا يرى احد غيرها وارها ذلك عاجلا غير اجل يارب العالمين

__________________________________________________ __________

والله الاخت دلع ما قصرت وقالت كل يلي لازم ينقال............
صدقيني حبيبتي زتيه ورا ضهرك بتلاقيه راكع تحت رجليكي.......
في مثل فرنسي بيقول:الحقيه ينفر منك....طنشيه يرتمي تحت قدميكي.....
الله يصبرك وينولك مرادك يا رب

__________________________________________________ __________

المشاركة الأصلية كتبت بواسطة من لبنان والله الاخت دلع ما قصرت وقالت كل يلي لازم ينقال............ صدقيني حبيبتي زتيه ورا ضهرك بتلاقيه راكع تحت رجليكي....... في مثل فرنسي بيقول:الحقيه ينفر منك....طنشيه يرتمي تحت قدميكي..... الله يصبرك وينولك مرادك يا رب

المشاركة الأصلية كتبت بواسطة دلع انثى تعوذي من الشيطان واتركي الهموم حنا بشهر خير ومغفره حبيبتي تشكي لي وانا ابكي لك ويالغاليه مو بس زوجك كل الرجال هذي طبيعتهم ولا تحسبين بس انتي اللي تعانين من هالشي وتتعبين معهم ولا هم بمتغيرين بس تموتين نفسك من الهم والضيقه والنكد وهو لاهي مع هاذي وذيك وصدقيني مايتغير الا اذا تغيرتي انتي وحتى لو قلتي انا مو مقصره معه ومو ناقصني شي اقولك انا معك بس هم كذا عيونهم فارغه ويملون بسرعه يعني اتغيري انتي وطنشيه شويه علا جنب اهتمي اكثر بنفسك وولدك حبيبتي انا تزوجت عمري 15 سنه وكان مو معبرني يقول بزره صغيره وكانت كل مشاكلنا على التليفون والمغازل بس لما كنت ادقق وراه واكشفه كان يزود بس طنشته واهتميت ببناتي ونفسي تغير ومع الدعاء واللي يزيد الطين بله لما ازعل واروح بيت اهلي اجلس شهر او شهرين يفضاله الجو وياخذ راحته على الاخر بس لا يعيوني ماعاد اطلع من بيتي عشان يفضا الجو ويانا ياهي لين خليته يتوب بالعكس ياقلبي لاتكرهينه ولا شي بالعكس اقعدي علي قلبه وقلبها وحبي زوجك وشيليها من قلبه وعقله ولا تقارنين نفسك باي وحده اخلاقها منحطه وتدور رجال بالتليفون انتي اعز واشرف من الاشكال ذي اللي ماورها غير دمار ومشاكل وخراب بيوت املي حياته وحياتك غيري روتينك واهتمي بنفسك اكثر سوي دايت اصبغي شعرك غيري اسلوبك واطباعك غيري طريقه اكلك خليكي فري وفله انسي الهم والله بتمرضين من الهم واتجهي لربك وادعيه واستغفري اللهم يامسخر القلوب القاسيه والعباد العاصيه والجبال الراسيه سخر زوج ورد الجوري وكل بنات سيدتي اللهم كما سخرت البحر لموسى اللهم سخره لها واجعله لايرى من النساء سواها وجملها في عينيه وجمله في عينيها واجعله اخا لها في الطاعه وابا لها في الحنان وحبيبا لها اللهم استر عيوبها عنه واستر عيوبه عنها الهم صب حبها في قلبه صبا صبا واجعله لا يرى احد غيرها وارها ذلك عاجلا غير اجل يارب العالمين

تصدقي يادلع أنثى فرحت لردك ولدعواتك أكثر الله يسخر لك كل خير ويصرف عنك كل شر ،، كلامك100% بس والله اللي يقهر الواحدة لمن تحس إنها مخدوعة وبينضحك عليها هذا اللي حطمني صراحة حتى صرت ما أروح اجتماعات ولا أروح لصاحباتي هذي كلها من المشاكل السابقة ،، حتى قبل فترة كلمت أخصائية نفسية وبأقولها على آثار المشاكل الماضية ،، فيجي يكمل علي الأخ في الله .. لكن كلامك كان بلسما لفؤادي ،، والله لا يحرمني منك يا دلع أنثى ويخلي لك من تحبين ويحفظ لك عيالك يارب

__________________________________________________ __________

والله كلامك صحيح أختي من لبنان والله كلامك هو اللي راح أطبقه معاه الحين أنا ضحيت عشانه كتيييير ولا عرف ها الشي والحين جا دوره وحأدلع نفسي للآخر وخليه يتحسر ع الأيام اللي فاتت ..
الله يجزاك بالخير غاليتي

__________________________________________________ __________

حبيبتي اولا السلام عليكم ورحمة الله اتمنى ان تفكري في الكلام الي بقوله لك صدقيني اني مريت بنفس التجربه وتاثرت كثيرا لدرجة اني كرهة كل شي في حياتي وقمت بمراقبة زوجي وتفتيش جواله وفي كل مره القى رقم اورساله وكانت كل رساله او رقم اجده اقيم الدنيا ولا اقعدها ولم استفيد اي شيء من كل هذه الحركات وقد كان حال زوجي كاحال كثيرمن الشباب من اهمال وتقصير في الواجبات الدينيه والاسريه ومضت الايام والسنين ونحن على مانحن عليه حتى قررت ان اصلح علاقتي بربي حتى يمن عليه بصلاح حالي مع زوجي فبدائت اتقن صلاتي واؤديها في اوقاتها وحاولت الابتعاد عن المحرمات من مسلسلات واغاني وقنوات ماجنه وبدات اتحرى مواطن اجابت الدعاء وادعي لزوجي بكل خير وكنت مع كل فرصه اجدها اكتب له رسائل العتاب من غير تجريح اواهانه بل ابحث عن اعذب الكلمات حتى لوكنت في قمة الغضب احاول اخفاء غضبي واظهار حبي له الذي لااجد فيه صعوبه لاني احبه كثير حتى من الله عليه وتبدل حا ل زوجي 80درجه فاصبحت انا واولاده اهم شي في حياته والان احمد الله سبحانه اصبح لايصلي الافي المسجد ثم قطعت عهدا على نفسي ان لاافتش جواله ولااتعب نفسي بالتفكير في هذه الاشياء لكني انصحك اختي ان لاتخرجي مشاكلك مهمابلغ بك الهم فالجئي الى الله وادعي لزوجك واظهري له حبك وتفاني في خدمته وارضائه اسال الله ان يهدي قلبه وتقبلي تحياتي