عنوان الموضوع : قصتي الحزين وابي حل
مقدم من طرف منتديات نساء الجزائر

قصتي الحزين وابي حل



--------------------------------------------------------------------------------

السلام عليكم انا عضوة يديده هني حبيت اطرح لكم مشكلتي واقولكم قصتي ..


قصتي كلها بسبب (الحب) انا في المرحله المتوسطة يعني اعدادي ومدرستنا فيها اعدادي وثنوي مع بعض

اول يوم داومت كنت حاسه بالخوف لانه كنت مع خلاف مع صديقاتي في الابتدائي وانا كنت وحيدة وبالصدفه

طلعت قريبتي وصديقتين لي معاي بالصف استانست وقتها وسألتهم تبوني ولالا قالو نبيج المهم مشينا لين

يات المشرفه وقالت لقريبتي انتي صفج مو هني صفج 7-2 قلت اوكي قدر .. بعدها جا على بالي انه الي

كانو معي بالابتدائي ومايحبوني لانه قبل كانو معي يكلموني يوم وعشره لا لاني احب ممثله

وهم مايحبونها ولاتعجبهم يوم وصلت الاعدادي صادتني عقده وكرهتها .. تعرفت على صديقه مثل حالتي

وتصادقنا كانت وفيه لي وانا وفيه لها وعلاقتنا مع بعض قويه صداقه وفيه عمري ماشفت مثلها فيها تضحيه

وكل معاني الصداقه واحنا نتمشى انا وهي جفت بنت دشت قلبي حبيتها مع اني ماعرفها ولا لي علاقه

فيها((ووهذا المي وسبب همي من هالبنت )) المهم عشقتها وسالت صديقتي عنها بدون لبين لها قصدي

الحقيقي اني احبها لكن مو بويه ولا احب هالسوالف ولا رايعه شبك كل السالفه حبيتها عادي بدون لقصد

اني اكون انا الرجال وهي البنوته كان قصدي شريف اني اصادقها وبس تكون صديقتي .. سالت رفيجتي

تعرفين هالبنت قالت:: اعرفها بس ليش قلت لها :: حابه اصادقها هي شسمها وفي اي صف ردت علي

صديقتي :: اسمها ـــــــ وصفها ثامن 8 قلت :: اكبر مني بسنه انا سابع قالت صديقتي :: لا تقربين صوبها

هاذي مو زينه وانتي تدرين انها غريبه مو مثلنا .......... هاذي غريبه وصديقاتها مو..................مثلنا وهاذي تحب

.............. مصلحه او لشيئ معين رديت عليها :: انتي شعليج انا بتحملها ((ويالتني ابتعدت عنها )) وكملت

كلامي وقلت شجنسيتها : قالت لي ............. المهم سالت عنها في كل مكان وحذروني منها لكني

سويت الي في راسي نادوها لي وقالو لها :: هالبنت بتتعرف عليج سالتني شسمج وصفج ؟؟ جاوبت

اسئلتها وقالت لي اسمها وصفها .. بعد الفرصه كان علينا رسم قعدت مع ذيبه وعبالي انها طيبه وقلت

لها اني تعرفت على بنت واسمها ــــ وصفها 8 .. قالت لي اعرف خواتها واعرف اختي الي في سابع

فزيت وقلت :: سااااااااابع وطلعت على ويهي 100 علامه تعجب واستفهام وخيبه وقلت لها بعد .. وقالت:

عندها خوات ثنتبين بالثانوي اول وثاني ثنوي.. وقالت لي انه اخلاق اختها مو زينه بعد كلامي مع هالبنت

في اليوم الثاني ... لقيت البنت في الطاوله الي هم يقعدون عليها البنت الي احبها وصديقاتها واختها الي

في سابع .. لفيت رقبتي الا هم يطالعوني والبنت الي كلمتها في الحصه قالت للي احبها :: هاذي ماتبي

تصادقج وبس لا حبيبتي هاذي بتشبك معاج .. تعرضت للنقد شوي الا جاتني اختها وقالت : لتطالعين

اختي زين .. كنت برد عليها لكنها مشت بسرعه وبدون لتعطيني فرصه ارد عليها .. راحت صديقتي وحاولت

ادافع عني لكنها ماتدري اني احب البنت حاولت وحاولت وحاولت لكنها فشلت .. نامت السالفه لفتره لكنها

مانتهت .......................................... في الفصل الثاني داومت فتره والسالفه نايمه لي حد الان

شوي تعلقت في بنت غيرها ((مصيبه واااه واااه واكبرها من مصيبه )) جد ماكنا افترقنا انا وصديقتي القبليه

الوفيه افترقنا بسبب راي من وحده تكرهني اكتشفت اني انسانه حقيره .. يوم حبيت الي غيرها حب اجن

من ماحبها خلاني مره اروح اسالها انتي اي صف وقالت لي :: تاسع .. سويت نفسي مستفسره عاديه

وكملت كلامي وقلت :: في وحدة في صفكم اسمها سارره .. قالت :: اي .. وبمساعده من صديقه قديمه

سالتها شسمج قالت : رانيا بس ليش ... هاذي رانيا تاج على راس الي كنت احبها قبل من كل شي ادب

وجمال واخلاق .. المصيبه الاكبر انه حب القبليه ليحين بقلبي .. في يوم ياتني وقالت لي : شلونج ..

قلت لها :: بخير .. ومرات اكثر حاولت تكلمني لكني اسفها .. مره شفت رانيا جدامي ونزلت دموعي

حسره لاني ماقدر اكلمها ولالي علاقه فيها فعلا احبها بجنون ..والنهايه ولسوء الحظ جنيت على نفسي

واناكنت قبل لا انام في الفراش رددت هالجمله بدون حاسيه :: رانيا و ـــ انا احبكم مستعده اكون اي شي

تبونه صديقه ولا معجيه ولا بويه انتو شتبوني اصير لكم بصير وسمعتني بنت عمي الي معي بالمدرسه

وطحت من عينهاا وكان هاذي مب اول اتكلم عنهم وانا نايمه مرات مع رانيه ومرات مع الي قبل انا امي

قلت لها :: يما انا طلعت علي كذبه اني احب بنت وانا ماحبها وانظلمت لكني ظلمت ما نظلمت الله ياخذ

روحي اميين .. ازيدكم من امي المسكينه صدقتني ودتني اقص شعري .. وقصيته والي ماصدق الكذبه

صدقها وجاني شله انتي تحبين اخت __ لم اقول لا ماحبها مايصدقوني وهالرانيا لم اشوفها تنزل دموعي

والبنات عندهم انا بويه والبنوتات وراي ...

__________________________________________________ ______________________

اسفه على الاطاله خذوها شسوي هاذا نصيبي لكن كيف اتصرف معهم شلون اتخلص من حبهم وانا وحيده

وشخصيتي ضعيفه

>>>>> ردود الأعضـــــــــــــــــــاء على الموضوع <<<<<
==================================


حبيبتي يعني إنتي شو تريدين الحين نقلك مين تصاحبي وايش تعملي يا بنتي هادا الكلام ما يصير إنتي المفروض تكوني مشغولة بدروسك وحتى لو عندك وقت فراغ خلي في عمرك هواية تمارسينها وتفيدك وخلي عنك هالسوالف اللي بتخرب سمعتك وبتندمي عليها في المستقبل ترى البنت أهم شي سمعتها ايش هادا بوية ومو بوية إنتي ترضي على نفسك هالكلام يقول المثل امشي عدل يحتار عدوك فيك وإنتي بصراحة اللي بتشجعي الناس تتكلم عليكي وبصراحة معها حق بنت عمك تطيحين من عينها هادي سمعة تعيب عيلة بحالها
يا بنتي أنا أم لبنات يمكن أكبر منك والله ما أسمع عن بنتي بعيد الشر عنها هادي السمعة فالموت أهون لي حافظي على نفسك وعلى عيلتك والتفتي لمذاكرتك وتقربي من الله أكثر وادعيله دايما إنه يهديكي وينور طريقك
لا تؤاخذيني حبيبتي إني كنت قاسية عليكي بس والله انحرق قلبي وأنا أقرأ رسالتك إنه في بنت مسلمة وهذا تفكيرها
سامحيني


__________________________________________________ __________

المشاركة الأصلية كتبت بواسطة لولية
حبيبتي يعني إنتي شو تريدين الحين نقلك مين تصاحبي وايش تعملي يا بنتي هادا الكلام ما يصير إنتي المفروض تكوني مشغولة بدروسك وحتى لو عندك وقت فراغ خلي في عمرك هواية تمارسينها وتفيدك وخلي عنك هالسوالف اللي بتخرب سمعتك وبتندمي عليها في المستقبل ترى البنت أهم شي سمعتها ايش هادا بوية ومو بوية إنتي ترضي على نفسك هالكلام يقول المثل امشي عدل يحتار عدوك فيك وإنتي بصراحة اللي بتشجعي الناس تتكلم عليكي وبصراحة معها حق بنت عمك تطيحين من عينها هادي سمعة تعيب عيلة بحالها
يا بنتي أنا أم لبنات يمكن أكبر منك والله ما أسمع عن بنتي بعيد الشر عنها هادي السمعة فالموت أهون لي حافظي على نفسك وعلى عيلتك والتفتي لمذاكرتك وتقربي من الله أكثر وادعيله دايما إنه يهديكي وينور طريقك
لا تؤاخذيني حبيبتي إني كنت قاسية عليكي بس والله انحرق قلبي وأنا أقرأ رسالتك إنه في بنت مسلمة وهذا تفكيرها
سامحيني

معك حق اختي ..

انا كتبت هالموضوع من حاله الاككتئاب الي صادتني والجمله الي رددتها
كنت نايمه وانا اقولها لكني ابي اتخلص من حب هالبنتين احبهم بجنون
بالعكس انا انبسطت بردج


__________________________________________________ __________

واعرف انه هذي غلطة عمر والمووت ارحم منها لكن هالسر انا اكتمته بنفسي وماقدرت اصارح حد فيه

ابدا ابدا .. عندي خوات اكبر مني لكن ماقدر اقولهم اخاف يقولون لامي وتزيد المشاكل محد يدري

اني احب الاولى صج بس انا وهي واختها وصديقاتها ندري اهيه تدري اني احبها لكنها تستهزء

فيني .. لكن الثانيه بنت وحدة تدري اني احبها صج


__________________________________________________ __________

ابي مواساتكم وردودكم


__________________________________________________ __________

حبيبتي في أخصائية نفسية عارضة في المنتدى إنها تساعد اللي يريد ليه ما تراسلينها يمكن عندها طرق علمية لحل مشكلتك واسمهاmana11