ابي مشورتكم
عنوان الموضوع : ابي مشورتكم
مقدم من طرف منتديات نساء الجزائر
ابي مشورتكم
السلام عليكم
انا قصتي طويله بدت من يوم خطبني ولد خالي بس ماصار الشي رسمي مجرد خطبه كلاميه المهم بعدها بفتره طلب مني اكلمه على اساس نتعرف على بعض عن قرب وبعد سنه تقريبا وخلال هالسنه صار بينامقابلات بالخفاء من ناحية اخرى اخت زوجي صديقتي صحيح تصغرني بالعمر لكن اسرارها عندي واسراري عندها هي متعرفه على ولد خالتها وانا ادري وكنت اخش الموضوع عشان اخوانها لانهم جداجدا مو متفهمين
في يوم من الايام قلت لها بطلع مع اخوج وغطي علي للمعلوميه هي بعد نفس الشي حصل معاها نفس الشي وغطيت عليها المهم في يوم من الايام طلعت وقلت غطي علي وانا رايحه مع اخوها جاني اتصال من اخوي وهو كان مسافر وصار تحقيق معاي المهم عرف بالموضوع من شخص ارسل له مسج ولللمعلوميه مو اول مره تجيه مثل هالرسايل المهم تعاقبت عقاب لاقبله ولابعده صرت منبوذه في البيت من خواتي واخواني والا امي ماتدري عن شي وانا اعترف اني غلطت بس الحين ابي شوركم في اخت زوجي ماكفاها انها شهرت فيني عند بنت عمها وخالة بنت عمها بعد وتوني اعرف بالحقيقه المره ان هي اللي كانت ترسل مسجات لاخوي عن طلعاتي وطبعا من رقم بدون اسم المهم يوم سالتها بنت عمها بحكم ان صديقتها ليه سويتي كذا قالت ابي انتقم من اخوانها وخواتها لانهم مايدانوني وكانوا يقولون اني دم ضروسهم
انا طبعا انصدمت صدمه قويه وماتوقعت منها انها تخون فيني الحين ابي شوركم في
هي مطلعه جوال بالسر من غير مايدرون اخوانها وطبعا انا قلت حق حماي بحكم انه مو زوجي ونيتي تأديبها عشان مايحطون اللوم علي وامشي بالغلط ولا اصححه ووعدني حماي ان مايجيب سيره لزوجي على فكره احنا ملكنا وسوينا مراسيم الحفل بس باقي الزواج بالاجازه انشاءالله سؤالي الحين زوجي يثق فيني وانا اخاف تخون فيني لاني انا طلعت لها الشريحه والجوال لانه حنت علي اروح معاها ورحت ويوم اكتشفوها اخوانها ان تكلم واخوها عرف مني ان عندها جوال طبعا انكرت ويبوني ااتصرف واجيب الجوال والا هم بيتصرفون وبيقولون طبعا اني انا اللي علمته سؤالي الحين وبعد ماعرفت انها خونت فيني اكون صريحه مع زوجي واصارحه باني طلعت جوال لها وهل اعلمه انها ورى المشكله اللي حصلت لنا رغم انها مسويه نفسها مآزرتنا
تعبت من الكتابه ارجوا الرد
>>>>> ردود الأعضـــــــــــــــــــاء على الموضوع <<<<<
==================================
بصراحه شي يقهر ويحرق القلب واصعب شي انك تصادقين وحده من قرايبك وبالذات اذا كان فيه علاقات زواج وغيره وهذا شي معروف الانقلابات والغيره .. شوفي نصيحتي لك اللي تجرأت وسوت كذا لاتستبعدي منها شي اكبر واكثر وزين ماتظلمك بأمور ثانيه او تكذب عليك بعد .. يعني اتقي شرها نهائيآ يعني صدقيني النوعيه هذي بتطلع منها وتحطها فيك والله العالم وش بيصير .. حتى زوجك اذا دخل بالموضوع بتكبر المشاكل وتزيد ويمكن تصير بينك وبينه مشكله كبيره حتى لو كان متفهم مبدئيآ .. والحل انك تتصلي فيها وتقوليلها كلمه ورد غطاها قوليلها انا نادمه اني جبت لك الشريحه وابيك تكسريها وتشوفي غيرها ولاتكثري حكي اكثر من كذا ولاتدخلي معاها بنقاشات او حتى ارسلي مسج لها .. وبكذا انتي سويتي اللي عليك يعني اذا عرف زوجك بأي شي مستقبلآ بيكون عذرك موجود وانك قلتيلها تكسر الشريحه وماتبغي مشاكل معاها لأنها ماتخاف الله وممكن تكذب او تكبر المشاكل .. وبعد كذا ابعدي عنها نهائيآ ولاتحاولي حتى تحكي فيها عند احد عيشي حياتك بعيد عنها .. عشان ترتاحي .. ولاتسوي مشاكل لامعها ولامع غيرها لأنك بكذا انتي اللي راح تتعبي ويكثر الحكي عليك وللي تجرأت تسوي كذا لاتستبعدي تسوي شي اكبر وتسعى ورى طلاقك لو بالظلم .. نصيحتي لك واضحه وعيشي حياتك بصفحه جديده بعيد عنها ولاتحكي فيها عشان مايوصلها الكلام لامن بعيد ولاقريب .. والشريحه ارسليلها مسج مختصر جدآ قوليلها تكسرها وبكذا سويتي اللي عليك.
__________________________________________________ __________
اختي صارحي زوجك بكل شىء بس بطريقه خذي فتره فكري كيف الاسلوب اللي تجينه فيه ماراح يطلعك من مشكلتج الا الصراحه والصدق وحاولي انك تبيني للكل انك واثقه من نفسك ومو هامك شىء لان انتي الصادقه-وربي يكفيك شرها لمن بديت اقرا استغربت كيف اخت زوج صديقه بصراحه مافي
__________________________________________________ __________
والله مشورتكم كانت جدا روعه وبالنسبه لكي يايقولون ارسلت لها مسج وكتبت فيه انا ماني مستعده اخسر زوجي عشانك وارجوج شي واحد ابيج تسوينه اكسري الشريحه وفكينا من المشاكل تدرين ايش قالت انتي جالسه تذليني عشان جببتيها المهم البنت ماهي راضيه تقتنع وتسوي الشي اللي بيريحها وصارت لها مشكله اليوم مع اخوانها لدرجة انه راحت لامها وقالت لها اني اكلم فلان واخوانها اصروا ان تطلع الجوال وعشان امها تنهي المشكله قالت لها تحلف بالمصحف وتخيلوا راحت تتوضا عشان تحلف بس خطيبي قال لا يقول خفت يصير لها شي لانها كذابه وهي طبعا عينها قويه ومصره تخفي سالفة هالجوال كل اللي قالته جاب لي اللي كنت اكلمه وخذاه وانا بصراحه خايفه تخون فيني وتقول حق اهلها اني انا اللي جبت الجوال مع اني انا الحين طلعت من الموضوع خطيبي قال انتي مالج ذنب بس خايفه تقلبه علي وانا من بعد ماارسلت لها المسج قررت اني خلاص اعدها مثل اي احد مايعني لي يعني اشياء رسميه بينا لااقل ولا اكثر
اما انتي ياشموخ فكرت اني اصارح زوجي بس بعد ماتهدأ الامور وكنت مفكره لما يزورني بجلس معاه جلسة مصارحه لاني اعرفه بالتليفون غير لما تكون مواجهه يكون متفهم اكثر
ويعطيكم العافيه ولا انحرم منكم
غلا خالد
__________________________________________________ __________
احسن شي انك تقولين لزوجك انك جبتيلها الشريحه عشان لا تقلبها عليكي وتزود من عندها كلام ممكن
تخرب بينك وبين زوجك الله يهديها ,وعشان مايقولك ليه ماقلتيلي ومن هالكلام
طيب ممكن تقطعين الخط او تسحبينه انا ماعرف نظامكم في التليفونات ويكون معاكي حق
انه بأسمك وتبعدين من المشاكل
وتقبلي مروري ياقلبي
__________________________________________________ __________
بالنسبه للخط اللي عندها بدون اسم
وانا قلت حق حماي بالسالفه كلها وصارحته اني انا اللي جبت له الخط وهو تفهم الوضع اللي انا فيه ومانكر مساعدته لي وان كان عليها هي الحين ينقال انها اقنعتهم بسالفتها ان اللي جابه لها اللي تكلمه وخذاه منها
يعني لو اقلبت علي مايمديها بيقول لها لاتلفين وتدورين بالموضوع مره تقولين هو ومره تقولين هي
المهم انا الحين ارتحت نفسيا صراحه لاني صارحت حماي اما عن خطيبي بحاول اقوله بالحقيقه الين تهدى الامور
وشكرا لكم
رد مع اقتباس
