عنوان الموضوع : عذاب الحبيبه من المحبوب
مقدم من طرف منتديات نساء الجزائر

عذاب الحبيبه من المحبوب



انا حزينه جدا بتئلم من دخلى
ولا اعرف ماذا افعل لاان الائلم من الانسان الوحيد
اللى بنسبه لى كل شىء في حياتى هو الامل والحب
هو الحياه اللى عيشه ليها وبيها مره وحده اتغير عليا
مش فرقه معه انى زعلانه اوفرحانه حتى لما هو يزعلنى
مايرضينى اول مره تحصل مش عرفه ليه ممكن انى حجرته
وضيقه عليه بس من حبى لى انا بتعذب كل لحظه هو بعيد عنى فيها
انا مش حسه انى عايشه الحياه من غيره صعبه جدا ايه الحل

>>>>> ردود الأعضـــــــــــــــــــاء على الموضوع <<<<<
==================================


السلام عليكم ورحمه الله تعالى وبركاته..

اختي انا مقدره شعورك...بس لازم تمسكي نفسك شويه...حتى ولو كنتي تحبيه..لو كان هو غلط فيكي خليه هو اللي يكلمك مش انتي...ممكن انو تقضو وقت كتير مع بعض وانو العلاقه دخل عليها الروتين...ابعدي شويه ودوسي على قلبك ...واشغلي نفسك بحجات تانيه...ويوم ما يحس انو محتاج ليكي راح يرجع...وفي دي الحاله لازم تمسكي نفسك كمان لانو لو يحس انوك بتحبيه وماتقدريش تبعدي عنو واول ما ياشرلك تجي على طول دا ماينفعش وراح يتعود على كدا ..ويبق يزعلك في كل وقت...مهما كان لازم تكوني جامده وتكون عندك كرامه....

يعني ادا كان الشخص دا مش جوزك..فالخلافات ليها حدود...الراجل يحب البنت اللي عندها شخصيه قويه...واللي تبهرو بافكارها وطريقه تفكيرها.وميحبش حد ينكد عليه وخصوصا الغيرة المفرطه اللي ملهاش لزوم....حاولي تكوني متجدده...وحطي في بالك انو مش كل شيء بيتقال..او بيتعمل...كل شيء ليه حدود...ان شاء الله تكوني فهمتيني...

وانتي اقعدي مع نفسك شويه وشوفي الخلل فين ..والهفوات اللي بتحصل بينكم...ومعظم المشاكل بتنحصر في ايه...وبعدين فكري ازاي تتجنبيها...عشان تحافظي على العلاقه دي

يا رب اكون وصلتلك رايي
وربي ييسر امورك
سلام


__________________________________________________ __________

انت ماوضحتي مين الشخص وش نوع العلاقه بينكم عشان نقدر نساعدك...............


__________________________________________________ __________

فعلا حبيبتى لااااااااااااااازم توضحى نوع العلاقة اذا كنتى مخطوبة له او لا ده طبعا بيختلف وبيوضح حاجات كتيرة المفروض تعرفيها ...............مع خالص حبى لكى


__________________________________________________ __________

شكرررررررررررررررررا ليكم جدا الشخص ده جوزى


__________________________________________________ __________

انا من رائيى حبيبتى انه مدام جوزك يعنى المفروض انكوا واحد
لازم تتكلمى معاه وتعرفيه انك حاسه انو متغير ولو مرداش يقولك
حاولى مره واتنين وعشره وبجميع الطرق الممكنه شوفى يمكن يكون
زعلان منك فى حاجه وانتى مش واخده بالك منها او فى حاجه
فى شغله المهم انك تعرفيه وتغير الحاجه الى مضايق منك فيها
وربنا يوفقك حبيبتى