ابي شوركم ومساعدتكم لي
عنوان الموضوع : ابي شوركم ومساعدتكم لي
مقدم من طرف منتديات نساء الجزائر
ابي شوركم ومساعدتكم لي
السلام عليكم
اولا وقل كل شيء
انا يتيمه من الامارات والناس الي متبنيني اخذوني من يوم كان عمري سنه
والحين انا عمري 21 سنه
يظروني دايم يالعقال بسبب وبدون سبب
حروني من كل شيء
حتي النومه على السرير انام على الارض وخواتي ينامون على السرير
انا اشتغل بالبيت مثل الخدامه
حتي الغسيل الملابس اغسله بيدي ممنوع استخدم الغساله
واجلس في الشمس اغسل على يدي
وكل شهر يضربوني ظرب عشان اوقع شيك على بياض
وهم يكتبون المبلغ الي يبونه ويصرفونه
ابي حل
انا تعبت
شبعت ظرب واهانه حتي الاطفال يهينوني ومالي حق اتكلم
واذا دافعت عن نفسي انظرب وتنجلد
ما اقدر اتحمل نوروني ايش اسوي
انا الديره الي انا فيها ما اعرفها ولا كان تركت البيت ورحت للشرطه
>>>>> ردود الأعضـــــــــــــــــــاء على الموضوع <<<<<
==================================
لاحول ولا قوة الا بالله
كيف كذا من 20 سنة معقولة وليش ساكته كل هالوقت
المهم اطلعي من البيت واركبي اي لموزين وروحي مركز الشرطة وعلميهم بوضعك
ولو حسيتي ان مافي اهتمام او شي عليك بالامارة روحي للامارة واطلبي شوف الامير
والله ان يلعن خامسهموالي جابهم
لاتسكتي عزيزتي انت هنا في السعودية ديرة ال سعود باذن الله ربك بينصرك
__________________________________________________ __________
ياليت يا ياسمين
ما اقدر اطلع من البيت
صارو يشيلون مفاتيح الشارع
والله ثم والله
اني بموت من الظرب
باقي 4 ايام على تاريخ 30 انجليزي وينزلون الشيكات المصروف لي
لي هي بقيمه 5 ألف درهم
وانا بصراحه صرت اخاف يذبحوني
اخر مره ظربوني كسرو يدي
والله خايفه اموووت ولا احد يدري عني
__________________________________________________ __________
طيب كيف تاركين لك النت
وبعدين موتقولين لو اعرف هالديرة كان رحت للشرطة
وماقلتيلي وش جابك لهم
__________________________________________________ __________
المشاركة الأصلية كتبت بواسطة ^^^زهرة الياسمين^^^ 
طيب كيف تاركين لك النت
انا يا الغاليه في البيت فيه DSL
وانا اخذ الاب توب حق اختي وادخل
وانا الوحيده الي في البيت الي اقدر افتح الشبكه اذا جهاز الانترنت مفتوح
لاني اعرف الرقم السري وطريقه الي اقدر اتصفح الانترنت على الاب توب
وانا متفقه مع اختي الي معاي بالغارفه
اني اجلس على الانترنت كل مره افتحه 2 الي 4 ساعات بالليل
واعطيها الاب توب بعد ما اخلص
لانها ما تقدر تشبك الاب توب على الانترنت الا برقم سري وانا الي اعرفه
وبيني وبينك
اهلي الي مربيني واختي بعد معلوماتهم محدوده جدا بالكمبيوتر
واي شيء يصير لهم او ما يعرفونه ينادونه واعدله لهم
بس مش دايم اقول لهم الطريقه
ولا احد يدري غيري وغير اختي ان الاب توب اقدر ادخله على الانترنت
المشاركة الأصلية كتبت بواسطة ^^^زهرة الياسمين^^^
وبعدين موتقولين لو اعرف هالديرة كان رحت للشرطة
انا في الشرقيه حاليا بس ما اعرف الشوارع ولا اعرف احد في حارتنا ولا شيء وحارتنا قديمه شوي تخوف والي حولنا كلا سكن عزاب وهنود
المشاركة الأصلية كتبت بواسطة ^^^زهرة الياسمين^^^
وماقلتيلي وش جابك لهم
قلت لك متبنيني من يوم عمري سنه
وانا عرفت اني مش بنتهم من سنتين تقريبا
ايش اسوي
علموني مش قادره اتحمل اهاناتهم لي
الي حولي كلهم صارو يني كبار وصغار
والكلام الجارح الي اسمعه
اني مش اختنا انتي ايش تبين جالسه عندنا انتي بنت شوارع ومكانك في الشارع ولا خدامه تخدم
وربي اكتب هالكلام ودموعي على خدي :Icon213::Icon213:
__________________________________________________ __________
حبيبتي تين
الله يفرجها عليك وييسّر أمرك ويعوّض عليك بأيام أحسن
ما بعرف شو بدّي أقول لك حبيبتي
بس أكيد ربنا لح ينتقم لك ويفرجها عليك ولا حول ولا قوة الا بالله
أوصيك بالدعاء وانتبهي عحالك حبيبتي وطولي بالك
الله يفرجها عليك وطمنينا عنك واعلمي أنك لست وحيدة ربنا معك
أستودعك الله
رد مع اقتباس
