عنوان الموضوع : انصحوني بلييز,,,, مجابة
مقدم من طرف منتديات نساء الجزائر

انصحوني بلييز,,,,



مرحبا
انا عندي مشكله وابي منكم النصيحة اذا ممكن..؟؟
انا طالبة خليجية ادرس بدولة من دول الخليج "غير دولتي يعني"
اسكن ويا بنات في شقة"يعني سكن خارجي" ونروح الكلية بباص موفر من الكلية نفسها,,بس في نفس الوقت نتعامل مع سايق ياخذنا ويجيبنا وين مانبي,ونعطيه حقه اول باول..وهذا السايق عربي"اردني من اصل فلسطيني"وهو شاب,محترم واخلاقه ممتازة,يعني الولد ماعليه كلام,واهم شئ انه يعتبرنا مثل خواته وبعض الاوقات يحس انه مسئوول عنا في غربتنا,واحنا واثقين فيه ثقة عميقة..
المهم هذا الولد يعزني انا معزة ثانية,,يعني يحبني,وصارحني بهالشعور من فترة عن طريق مسج..استغربت انا منه..وبصراحه خفت منه..بس هو طمني وقالي انه هو يحبني ويبي يطلبني من اهلي ويتزوجني ع سنة الله ورسوله,,عشان نبتعد عن الحرام وتكون علاقتنا بالحلال..وانا ومثل ماانتوا تعرفون ان عاداتنا الخليجية وتقاليدها حييل صعبة..يعني اهلي مستحيل يوافقوا بهالشئ.واذا عرفوا اكيد بتصير مشكلة كبيرة.فكلمت الولد وخبرته انه مايصير تتزوجني لان عاداتنا ماتسمح نتزوج بغير خليجي وبالاخص بغير قبيلة ثانية,,قال انا مستعد اجيبك لبلادك واجيب معي اكبر جاهات البلد واجيب امي وابوي وخوالي وخواتي عشان ماانزل من قيمتك بين اهلك..قلتله مهما كان مهما سويت ان شاء الله تجيب رئيس البلاد ماراح اهلي يوافقوا..وقلتله انا اعتبرك مثل اخوي واعز فأتمنى تعتبرني مثل اختك الصغيرة..انقطع عني فترة ورد مرة ثانية ونفس السيرة انه يحبني ويبيني ع سنة الله ورسوله..انا بصراحة بهالفترة بديت اميل له واحس اني بديت احبه..بس في نفس الوقت مااقدر ازعل اهلي..ونفس الشئ مااقدر ازعله..شو اسوي انصحوني الله يخليكم..

اختكم الصغيرة "فكتوريا"..

>>>>> ردود الأعضـــــــــــــــــــاء على الموضوع <<<<<
==================================


اتركيه يبعث اهلوا يمكن يقتنعوا اهلك ويوافقوا عليه بس اذا ماوافقوا انصحك لاتزعلى اهلك

وان شاء الله يصير الى فيه الخير


__________________________________________________ __________

مرحبا اختي فكتوريا :

انصحج ان تغيرين السائق علشان ماتتعلقي فيه وايش دراج ان يحبج صج يمكن يتظاهر بالحب

يمكن يبي يتزوجج لانج خليجيه ...

وغير كذا انت جامعيه ايشلون ترضين تتزوجين سائق باص (لو انا مكانج صراحه رفضت ولا عطيته مجال)

شوفي وفكري واستخيري قبل كل شي ....واذا اقتنعتي .. سوي اللي قالته ام البنات


وشكرا


اختك الأميره


__________________________________________________ __________

انا من رايئى انك تخليه يقابل اهلك ويجيب اهله
والى فى الخير يقدمه ربنا وان اهلك رفضوا
اوعى تزعليهم لان رضاهم اهم شىء
واعرفى ان الجواز قبل اى شىء
قسمه ونصيب


__________________________________________________ __________

حبيبتي استخيري والزواج قسمه ونصيب ومافي شي مستحيل يمكن يكون افضل من الخليجي


__________________________________________________ __________

حبيبتي خلي يروح لاهلك

ازا وافقوا كان بها وازا ما وافقوا

بكون كل واحد بطريق والاهم انه سمعها

من اهلك مو منك وحتى يتاكد

وازا بجد بحبك رح يتمنالك حياة سعيدة

ازا كان معو او مع غيروا

وان شاء الله ما بصير الا كل خير

وربي يوفقك بس انتي انتبهي انك ما تغلطي

وتبقي دايما منتبها

يعني ما تمشي يوم بطريق غلط