عنوان الموضوع : اريدحل عاجل عاجل يابنات
مقدم من طرف منتديات نساء الجزائر

اريدحل عاجل عاجل يابنات



السلام عليكم
يا بنات عندي مشكلة ومشكلتي هي تصرفات امي معاية
والله مادري كيف ابدء في المشكلة
المهم ان امي صعب رضها ومادري كيف ارضيها
مثال يوم غسل الملابس تقولي ليش تغسلين ويوم ماغسل تقولي ليش تغسلين .....................................
وما عند امي اسلوب في تعامل مع صاحباتي ودوم تفشلني عندهم.....
وتحب تدخل في حياتي وايد
علاقتي مع امي وايد ضعيفة
مع ان المفروض ان تكون العلاقةقوة
زي علاقة اي ام مع بناتها
والله احيانا اقول يابخت البنات الي أمهاتهم متفاهمين مع بناتهم
وكل يوم لزم ضرابة انا وامي في كل شئ من ناحيت البيت ما يجي يوام الا تصارخ ومشكلة ان ان امي ماعندها اسلوب لتفاهم تتفاهم معاي انا واخواتي بصراخ.........................
وامي تفضل الاولاد اكثر من البنات وتحب تعطيهم تجبليم الي يوبون
اما انى واخوتي مساكين.............
وامي ما يعجبة لبسنا انا واخوتي تقول تفشلوني عند الحريم مع ان والله ان لبسنا ما فيلة شئ والحريم يمدحون فينى بس مايعجبها يوم بروح حفلة او عريس لازم تسونى صارخ تقول انتم بتأخرون عن العريس انتي كثرتي مكياج انتي ماتعرفين تسوين شئ ايش لبس البايخ.......الخ
وتكره الواحد في نفسى
والله لو ان ماكنت اخاف من ربي كان انتحرت
واالله اني مابلغ في تصرفات امي
ولله ان اندم على تصرافتي معها واقول حراااام
بس ايش اسوي من تصرفات امي تحرق الاعصاب
اللة ان تعاااااااااااااااااااااااااااااااااااااااااااااااب نة من تصرفات امي معاية
قوووووووووووووووووووووولولي ايش الحل ا
ارجو من كل بنت تقرء موضوعي ساعدني ولو بكلمة واحدة
يمكن هاي الكمة تبرد ما بدخحلي:8[1]::8[1]::8[1]::8[1]::8[1]::8[1]::8[1]::8[1]::8[1]::8[1]::8[1]::8[1]::8[1]::8[1]:

>>>>> ردود الأعضـــــــــــــــــــاء على الموضوع <<<<<
==================================


مساء الخير اختي فطامي

انا حاسه بشعورك بس مهما كانت تصرفات امك انتي مجبوره تطيعينها وامك مستحيل تقولك هذا الكلام إلا لمصلحتك انتي وخواتك اما انها تحب اخوانك الاولاد اكثر فهذا شي طبيعي عن الامهات بس انتي حاولي انك تتقربين منها اكثر ترى إذا راحت عنك راح تفقدينها واجد وراح تتحسفين على كل الكلام الي قلتيه
وانتي بكره إنشاء الله إذاصرتي ام راح تحسين بشعورها زين لان البنات مسؤليه كبيره على عاتق الام وفوق ذالك انتي مو معجبك كل الي تسويه لك وانصحك اختي لاتشوفين الجانب السيء الي في امك شوفي الجانب الايجابي
تذكري انك لما تمرضين اهي تمرض معك ولما تفرحيت تفرح معك
انصحك حبيبتي حبي امك عشان تحبك

ارجوا اني افدتك بردي اختي واسمعي كلامي


__________________________________________________ __________

ترى انا حطيت مشكلتي مع امي و ما حدى فادني بس انا مع راي اختي اللي ردت قبلي و انشا الله تتحا امورك مع امك و تستفيدين من رد اختي سحلية


__________________________________________________ __________

لاتنسين برالوالدين قبل كل شي والجنه تحت اقدام الامهات وانصحك بانك تتحاوري معاها بهدوءمن دون نرفزه وتوضحين لها ان هذا الشي يضايقك واتبعي كلام اختي سحليه وانشالله الامور تزين معاكي ويفرجها الله عليكي لاتنسين ان رضا الخالق من رضا الوالدين والله يفرج همك وبكره راح تفهمين ايش اللي يصير معك بس تجيكي بنت


__________________________________________________ __________

حبيبتي في بعض الامهات طبعهم غريب شديدات اكثر من اللازم يمكن لانها كبيره بالسن وماتعلمت ماتدري البنت وش تبي وش هي الموضه واللبس وبعدين لاتنسين اذا كانت امك كبيرة بالسن ترى زمان كانوا يفضلون الولد على البنت ولاحظي ان في امهات يقولون لبناتهم الولد ينفعني اكثر منك انتي بنت وماتقدرين تودين ولاتجيبين لاتستغربين من كلامي بس وربي وحده كانت تحكيلي هالكلام
بعدين ياقلبي انا حاسه فيك بس مهما صار هذي امك يعني لو اشتكيتي مليون مافي حل الا انك تطيعينها انا بقلك نصيحة من قلب اصبري حتى لو تكلمت اسكتي لاتردين يمكن سكوتك يدخلك الجنه وانتي ماتدرين
بعدين ترى والله والله مو عشان شي بس ترى صاحباتي بالكلية كلهم يشكون من نفس المشكلة يعني تقريبا كل الامهات كذا يفضلون الاولاد على البنات ان شاءالله مايكون كلامي زعلك بس وربي حبيت اخفف عنك لاني حاسه فيك ............
تقبلي مروري


__________________________________________________ __________

اسمحي لي أختي..

كل البيوت فيها مشاكل..

ولا تعتقدي.. أن أمك.. هي الوحيدة.. التي يُقال عنها أم عصبية...

بس حاولي تكسبيها..

لا تردي عليها..

ارفقي بحالها...

يمكن نفسيتها تعبانة من حاجة.. وماهي من النوع اللي تفضفض معاكم..

اعتبري نفسك.. صديقتها.. اللي تعذرها...

حطي نفسك مكانها... وكوني لها الأم الحنونة..بقلبك..

ممكن تكون في أشياء كثيرة عن حياتها.. أو في نفسيتها انتو ما تعرفوها...

ولا يمكن تتكلم فيها مع أحد...

فيظهر هذا على شكل...صراخ دائم.. وعصبية.. وتوتر...

صدقيني..

صحيح احنا دائماً في حاجة لأن يحتوونا هم...

ولكننا ننسى كثيــــــــــــــــــــــــراً..

أنهم كلما كبروا.. يكونون في حاجة لأن نكون معهم.. ولهم... مثلما كانوا لنا....

الله يهديكِ.. ويخلي لك أمك.. ويحنن قلبها عليكِ.. وقلبكِ عليها...


هدانا الله وإياكِ.. ووفقنا لما فيه الخير..