محتاجة نصيحة ضروري :(

[aksachli]

عنوان الموضوع : محتاجة نصيحة ضروري
مقدم من طرف منتديات نساء الجزائر

محتاجة نصيحة ضروري



الموضوع طويل بس استحملوووني :d

مبدئيآ انا بنوتة مصرية في تالتة جامعة .. مشكلتي بقا اني اعرف شاب من الدروس من لما كنا لسة في تانية اعدادي يعني تقريبا من سبع سنين .. بس كل اللي بينا نظرات و كانت بتبقى منه هو و انا دايمآ كنت بصد اي محاولة ليه بسبب اولآ انا خجولة جداا و ثانيآ البيئة اللي انا فيها مش بتسمح لاي ارتباطات غير رسمي .. اللي حصل بعد كده اني لما بقيت في سنة تالتة ثانوي كنت مريت بأزمة معينة فكنت محتاجة حد جديد في حياتي و حد احكيله فده خلاني اتصرف بطريقة غلط .. عملت اكونت مزيف على الفيسبوك و ضيفت الشاب ده و اتكلمنا معرفش هو عرف انه انا ازاي بس حصل اني حبيته .. و بعدها بشهر تقريبا عطلت الاكونت لاني حسيت ان الغلط كل مدى ما بيكبر .. المشكلة الحقيقية بدأت من هنا .. عرفت عنه كلام عمري ما كنت اتوقعه ابدآ و انه بيكلم بنات كتييير و بالرغم من علاقاته دي كلها الاساتذة بتوعنا بيشكرو فيه و في اخلاقه .. انا دلوقتي مر عليا تلات سنين نوعا ما انا عارفة لحد دلوقتي انه لسة بيحبني رغم ان مفيش اي وسيلة اتصال ما بيننا .. و زي ما يكون بينا الف سد .. دخلت ما بينا بنت استغلت ظروف معينة ما بينا و دخلتله من هنا و اتقربت منه .. و من تالتة ثانوي لحد دلوقتي و هي عاملالي ازمة .. انا بقت حياتي كلها عبارة عن بوستات ع الفيسبوك !! .. انا عايزة حل لو حد فهم مني حاجة .. يعني اروح اكلمه و لا اعبره ازاي عن مشاعري !! و اخليه يعرف اني لسة بحبه و ان كل الصد ده لاني بس بتكسف .. و لا انتو شايفين ان ده مش حب اصلا و انه مجرد شعوري بان حاجة المفروض اني حاسة انها بتاعتي ازاي اسيبها تروح لغيري ! .. انا محتاااااااارة جدااااا و الله .. الله يخليكم محدش يقلل من مشاعري و يشوفها مشكلة تافهة لاني من كتر ما استهيفتها و خجلت اني اتكلم في الموضوع مر عليا تلات سنين من عمري محستش بيهم

>>>>> ردود الأعضـــــــــــــــــــاء على الموضوع <<<<<
==================================

لا إله إلا الله محمد رسول الله




يا حبيبتى المشكلة ليست فى كسوفك المشكلة فى أن ما تفعلينه يُغْضِب ربنا
و البلاء ينزل بالذنوب و ستجدين حياتك متعسرة دائماً طالما أنكى لا تفعلين ما يُرْضِى الله سبحانه و تعالى
ثم أنه لو كان إنسان جاد فعلاً لطرق البيوت من أبوابها و تقدم لخطبتك و لكن معظم الشباب يخدعون الفتيات بالكلام المعسول و هو فى قرارة نفسه لا يثق فى هذه البنت لأن من تكلم شاب تكلم آخر
من معتقداتهم .. فمن تهون عليها نفسها ترخص فى عيون الآخرين .
و البنت التى تسمح لنفسها أن تكلم شاب و توهم نفسها بأنها تحبه فهذا من وساوس الشيطان
تكون ضعيفة و غير جديرة باحترام الآخرين و هل تستطيع أن تفعل ذلك أمام والديها و أخواتها ؟!!!
طبعاً لا .. لأنها تخشاهم فمن باب أَوْلَى أن تخشى الله سبحانه و تعالى .
و العفيفة المحترمة التى لا تسمح لنفسها أن تكلم شاب فهى جوهرة مصونة .. إن شاء الله ربنا يكرمها فى الدنيا و الآخرة
فانظرى من أى نوع تريدين أن تكونى ؟!!!

__________________________________________________ __________

تسلميلي يا رب .. بحتاج اسمع كلام يفوقني كل فترة .. دعواتك

__________________________________________________ __________

على فكرة الحب مش عيب ولاحرام
لكن انى اتعدى حدودى ده اللى مش ينفع
لو هو كان بيحبك كان هيكلمك مرة واثنين
ولو كان ليكى فيه نصيب هيجى

__________________________________________________ __________

المشاركة الأصلية كتبت بواسطة امراة مصرية على فكرة الحب مش عيب ولاحرام لكن انى اتعدى حدودى ده اللى مش ينفع لو هو كان بيحبك كان هيكلمك مرة واثنين ولو كان ليكى فيه نصيب هيجى

هو فعلا حاول اكتر من مرة بس في كل مرة انا بتوتر و مش بديله وش بس لاسباب و الله اولآ انا خجولة ثانيآ انا مش عارفة اخرتها ايه يعني لو الخطوة ال بعد كده هييجي يتقدم و الموضوع يبقى رسمي بسرعة ياارييييت بس انا من جوايا خايفة و معنديش الجرأة .. بس بالنسبة له هو مفكرني انه مش ف دماغي و اني مش بحبه

__________________________________________________ __________

ربنا يهديكو لبعد