حملة العشر الأوائل من ذى الحجة من الشريعة
عنوان الموضوع : حملة العشر الأوائل من ذى الحجة من الشريعة
مقدم من طرف منتديات نساء الجزائر
حملة العشر الأوائل من ذى الحجة
معلش الموضوع طويل بس استحملونا دى أعظم أيام السنة يا جماعة
وهتلاقوا إن شاء الله مرئيات وصوتيات خاصة بالعشر الأوائل من ذى الحجة فى المشاركة التانية
وكمان ورقة صفحة جديدة مع الله فى أفضل أيام الله جاهزة للطباعه والنشر للى عاوز يشارك فى الأجر فى المشاركة الثالثة
تابعونا
.
.
.
ياااه انتهي رمضان يا رجالة
كانت ايام ما تتعوضش خااالص .
ده سعيد بيكلم اصحابه " عبد الله , و" عامر "
عامر: بص لسعيد قاله : يا خسارة دا أنا ضيعت رمضان مثل رمضان اللي قبله .... ومش عارف هعيش لرمضان القادم ولا لأ مع إني والله حابب الأيام دي ترجع تاني وأظبط حالي مع ربنا .
عبد الله : وماله يا عامر , قدامك فرصة تانية فرصة مثل رمضان وأكبر كمااان .... إيه رأيك بقي!!!!
عامر مندهش وبيفتح عيونه ناحية عبد الله وقاله : أنت بتحكي جد يا عبد الله ؟ إزاي ؟ وفرصة إيه دي إللي ممكن تعوض أيام رمضان هه قول بقي ؟
عبد الله : أيوة طبعا يا أخي جد مش هزار في أيام خلاص قربت مننا وهم بالضبط عشرة أيام زي أيام رمضان ومش كدا بس دا كمان أفضل من العشر الأواخر من رمضان وفيهم يوم مثل ليلة القدر كمان
سعيد يدخل في الحوار مباشرة ويقول : بس أنا عرفت أنت بتتكلم عن إيه يا عبد الله .... أكيد أنت تقصد الأيام العشر الأول من ذي الحجة . صح ولا ايه ؟
عبد الله : تمام الله يفتح عليك يا سعيد هم دول أيام الفرصة اللي لازم ما نفوتها زي رمضاااااااان
عامر : إيه يا عم أنت وهو أنا تقريبا أول مرة أعرف الكلام ده . طيب الكلام ده عرفتوه ازاي عاوز اعرف اكثر
سعيد : يا اخي الحبيب عامر هذه الايام فضلها عظيم جدا والكلام ده موجود في القران وكلام النبيالله عز وجل قال في كتابه الكريم فيكفي في فضلها ان الله اقسم بها في القران قال الله تعالى: ( وَالْفَجْرِوَلَيَالٍ عَشْرٍ )الفجر1
>>>>> ردود الأعضـــــــــــــــــــاء على الموضوع <<<<<
==================================
عبد الله :وكمان ربنا بيقول عن هذه الأيام قال الله تعالى: (لِيَشْهَدُوا مَنَافِعَ لَهُمْ وَيَذْكُرُوا اسْمَ اللَّهِ فِي أَيَّامٍ مَّعْلُومَاتٍ )الحج28
الأيام المعلومات دي بقي يا جماعة هي الأيام العشر كما قال سيدنا عبد الله ابن عباس رضي الله عنهما
عامر : ما شاء الله يا جماعة وكأني أول مرة أسمع هذه الآيات , طيب إيه بقي إللي الرسول
سعيد : هناك عدة أحاديث تكلم فيها النبي
ومنها ما رواه ابن عباس رضي الله عنهما عن النبي
" ما من ايام العمل الصالح فيها احب الي الله عز وجل من هذه الايام , قالوا : يا رسول الله ولا الجهاد في سبيل الله عز وجل , قال : ولا الجهاد في سبيل الله عز وجل الا رجلا خرج بنفسه وماله ثم لم يرجع من ذلك بشيء "رواه البخارى
متفق عليه
وكمان لأن فيها يوم النحر: قال صلى الله عليه وسلم (أعظم الأيام عند الله يوم النحر، ثم يوم القر)
(رواه أبو داود والنسائي وصححه الألباني)
" ويوم القر: هو اليوم الذي يلي يوم النحر؛ يقرون فيه بمنى بعد أن فرغوا من الطواف والنحر واستراحوا"
وفيها اجتماع أمهات العبادة فيها: قال الحافظ ابن حجر في الفتح: "والذي يظهر أن السبب في امتياز عشر ذي الحجة لمكان اجتماع أمهات العبادة فيه، وهي الصلاة والصيام والصدقة والحج، ولا يتأتى ذلك في غيره".
عامر : يا الله قد كدا الأيام دي فضلها عظيم فعلا دي فرصة ما تتعوضش إن الواحد يعوض اللي فاته في رمضان والله يا جماعة انتم شوقتووووني لهذه الأيام ونفسي أقدر أعمل فيها حاجة تعوضني عن اللي فات .
«®°•.¸.•°°•.¸.•°™ فيالها من أيام غالية ™°•.¸.•°°•.¸.•°®»
يتبع
__________________________________________________ __________
عامر : اللهم آمين , بس عاوزين نتفق بقي يا رجالة هنعمل فيها ايه ؟
عبد الله : أول حاجة لابد منها في هذه الأيام وفي غيرها
هي التوبه الي الله تعالي
سعيد : نسال الله أن يتوب علينا جميعا , وبعد كدا إن شاء الله
عبد الله : تانى حاجه نعملها إن إحنا نصلى الخمس صلوات فى وقتها
عبد الله : اكيد بقي تالت حاجة هي "الصيام" .
سعيد : وأكيد لازم هنصوم اليوم اللي هو أفضل أيام السنة علي الاطلاق وهو يوم عرفة عن النبي
عامر : وأكيد إن شاء الله هنقرأ القرآن الكريم ,
عبد الله : طبعا يا عامر هنحاول نختم ولو ختمة واحدة في هذه الأيام من بعد رمضان ونحن لم نختم بعد نسأل الله أن يغفر لنا التقصير والأجر مضاعف في هذه الأيام المباركة فلابد من تعويض ما فات من الاجر.
سعيد : وعاوزين إن شاء الله نكثر من الذكر في هذه الأيام وخاصة التكبير والتهليل والتحميد , لما رواه احمد في مسنده ان النبي
،رواه الطبرانى فى المعجم الكبير
ويجوز اننا نجهر بالذكر كما كان عمر وابن عمر وأبو هريرة وغيرهم من الصحابة رضي الله عنهم يفعلون .
وصفة التكبير:الله أكبر،الله أكبر ،لا اله الا الله،والله أكبر الله أكبر ولله الحمد:
عامر : كلام جميل يا إخواني بس نفسي أحس إني عوضت شيء من رمضان بكل ما فيه يعني مثلا القيام .
عبد الله : أكيد يا عامر لابد من قيام الليل خاصة في هذه الأيام لكن هيكون بشكل فردي كل واحد لحاله مع الله لأنه لم يثبت أن النبي صلي الله عليه وسلم أو أحد من الصحابة صلي القيام جماعة في هذه الايام .
وكان السلف رضي الله عنهم يجتهدون في قيام هذه الأيام كماكان سعيد بن جبير إذا دخل العشر اجتهد اجتهادا حتى ما كاد يقدر عليه وروى عنه أن قال:
"لا تطفئوا سرجكم ليالى العشر "
فكانوا يجتهدون اجتهادا كبيرا
بعدين عاوز تحل مشاكلك قولها لربك فى التلت الأخير وهو القادر على حلها
سبحانه
كان عامر وعيناه تدمعاااان وهو ينظر إلي عبد الله وسعيد .......... فيقولا له ما بك يا عامر ماذا حدث ؟؟؟؟؟؟
" فيجيب بصوت خافت " : لا عليكما يا إخواني ولكني تذكرت منظر الحجيج فتمنيت ان اكون معهم هذه السنة
سعيد :يا عامر أنت ما شاء الله لا قوة الا بالله عندك مال وحالتك مرتاحة وتستطيع الحج فلم لم تنتهز هذه الفرصة وتقيم ركن هو فرض عليك وقد قرأت حديثا عن قول النبى صلى الله عليه وسلم
"الحج المبرور ليس له جزاء إلا الجنه"رواه مسلم
عامر : والله كان نفسي أضع عني هذا الفرض وأحج حجة الإسلام وأري الكعبة بعيني وأصلي في الحرم
عبد الله : وما منعك من ذلك وأنت قادر ومستطيع .
عامر : للأسف يا أحبابي الحكومة منعت الحج هذا العام لمن سنه اقل خمسة وعشرون عاما , بسبب انفلونزا الخنازير ..... منهم لله والله بس أنا أروح أحج وأموت هناك حد يطول يموت بارض الحرمين .
سعيد :لا حول ولا قوة الا بالله حسبنا الله ونعم الوكيل .
عبد الله : نسال الله أن يولي علينا خيارنا وأن يرنا في الظالمين والطواغيت أية وأن يمكن لنا في الارض .
سعيد وعامر : آآآآآآآآآآآآآآمين .
__________________________________________________ __________
عامر: أه والله عندك حق
بس الأفضل الذبح ولا أتصدق بتمنها وخلاص
عبد الله:لا يا عامر الرسول عليه الصلاة والسلام ذبح وده معناه أن الذبح أفضل
عامر :ان شاء الله ربنا ييسر الأمر ونقدر نعمل اللى اتفقن عليه
عبد الله : خلاص يا شباب لازم نتفق ونصلي سويا في مسجد واحد لنشجع بعضنا البعض ووالله ان الله قد يسر لنا امور الطاعة فلابد ان نستمسك بها
عامر وسعيد : ان شاء الله يسر الله لنا وجمعنا علي طاعته . ,
عبد الله : آآآآآآمين
ده كان حوار بين ثلاث شباب بيتكلموا عن العشر الأوائل من ذى الحجة
على فكرة يا جماعه
الرساله دى إن شاء الله مش موجه لكل الناس لكن موجه فقط للتالي وصفهم :
اللي عاوز فرصة يرجع لربنا فيها و يتوب من كل ذنوبه
ا
اللي وصفهم كدة أو شبيه بيهم يكمل معانا
أيوة عاوزين نتوب من كل ذنوبنا و نرجع لربنا و نبدأ حياة جديدة في طاعة الله
و علشان كدة جاء الوقت المناسب
وقت ربنا بيحبه و أقسم بيه في كتابه
قال الله تعالى : " وَالْفَجْرِ (1) وَلَيَالٍ عَشْرٍ (2) "
يقول ابن عباس رضي الله عنه أنها عشر ذي الحجة
ربنا أقسم بها و دة يدل على عظم قدرها
و كمان الرسول صلى الله عليه و سلم اسمع بيقول ايه :
__________________________________________________ __________
لأ
دي أحب الأيام إلى الله و أفضل أيام الدنيا
و فيها يوم عرفة و يوم النحر
يوم عرفة صيامه يغفر ذنوب سنتين سنة ماضية و سنة قادمة
و يوم النحر " يوم عيد الأضحى أحب الأيام إلى الله على الإطلاق "
حتى الجهاد ؟؟؟؟
يعني دي فرصة إننا نتوب من كل ذنوبنا و نبدأ بالأعمال الصالحة
فرصة لا تعوض
و يمكن تكون آخر فرصة
و مينفعش نضيعها زي ما ضيعنا فرص كتير قبل كدة و آخرها كان رمضان
لو عاوزين نطلع منها بجبال حسنات و عاوزين تكون بدايتنا مع الإلتزام
لو عاوز تضرب ضربة البداية و تبدأ صح
خليك معانا
كيف تستغل هذه الأيام ؟
عاوزين نتفق على أشياء مبدئية :
عشر ذي الحجة المرة دي ممكن تكون آخر فرصة للعودة إلى الله و الإستكثار من الحسنات
ممكن منلحقش موسم تاني من مواسم الطاعات
فمن البداية مش عاوزين نفوت الفرصة دي و عاوزين نستغلها بكل قوة
و نكتر من الاعمال الصالحة فيها
علشان ربنا يقبلنا
و معانا جدول فيه تقسيم للأعمال الصالحة و ورد لكل منها و تستغلها إزاي بكل بساطة
و أول حاجة عاوزينها
التوبة النصوح من كل الذنوب اللي فاتت
1- التوبة النصوح من كل الذنوب :
ولها شروط :
دلوقتي انت بدأت حياة جديدة و بقت صفحة ذنوبك خالية إن شاء الله لو تبت بالشروط دي
و كل ما تذنب تاني استغفر ربنا و أعلن توبتك دائما و جدد توبتك يوميا و كل ساعة
قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ :
{ كُلُّ ابْنِ آدَمَ خَطَّاءٌ ، وَخَيْرُ الْخَطَّائِينَ التَّوَّابُونَ }
النبي صلى الله عليه و سلم نفسه بيتوب
عن أبي هريرة : أن رسول الله صلى الله عليه و سلم جمع الناس فقال يا أيها الناس توبوا إلى الله
فإني أتوب إلى الله في اليوم مائة مرة
متتأخرش عن التوبة لأنها مفتح باب حياتك الجديدة في طاعة الله
يا ترى هنتوب من ايه ؟
هنتوب من الصلاة اللي فرطنا فيها و ضيعناها
هنتوب من الأغاني اللي بنسمعها و هي حرام و ناخد عليه ذنوب
هتتوبي من الهدوم اللي مينطبقش عليها اسم الحجاب
هنتوب من كل ذنب عملناه
2 – اعمل حسابك إنك لا يمكن تعصي ربنا تاني و لو على رقبتك و جاهد نفسك في الطاعة و إنسى أيام المعصية و إنسي ملابس التبرج اللي بتفتن الشباب و إرتدي زي العفاف و اللي ينطبق عليه شروط الحجاب ال8 لا بد لكي أن تتخلي عن الحجاب الملون و الضيق و الملفت للأنظار و لتقرأي شروط الحجاب الثمانية و تحققيها كاملة و اجعلي حجابك طاعة لربك و لا تجعليه فتنة لغيرك و ابدأي الحياة في الحجاب الشرعي من الآن و ابدأوا حياة جديدة .
و بعد النقطتين دول و بعد ما تبنا من كل ذنوبنا و
دلوقتي ممكن نبدأ الجدول اللي هنعمله في العشر من ذي الحجة
دلوقتي ممكن نبدأ الجدول اللي هنعمله في العشر من ذي الحجة
1-الصلاة:
احرص على أداء الصلوات الخمس في جماعة و أن تدرك تكبيرة الإحرام و الصف الأول و دة علشان الثواب العظيم اللي فيهم
لأن الله و ملائكته يصلون على الصف الأول كما في الحديث
و قَالَ رَسُول اللهِ - صلى الله عليه وسلم - : (( لَوْ يَعْلَمُ النَّاسُ مَا فِي النِّدَاءِ وَالصَّفِّ الأَوَّلِ ، ثُمَّ لَمْ يَجِدُوا إلاَّ أنْ يَسْتَهِمُوا عَلَيْهِ لاسْتَهَمُوا )) متفقٌ عَلَيهِ ،
عارف معناها إيه : يعني من كثرة التسابق هيعملوا سحب على مين يصلي في الصف الأول فهل إحنا وصلنا للدرجة دي ؟
و كذلك احرص على أداء النوافل و خاصة السنن الرواتب و هي : ركعتان قبل الفجر و أربع ركعات قبل الظهر و ركعتان بعده و ركعتان قبل المغرب و ركعتان قبل العشاء . و الإثنى عشر ركعة دول هما الي قال رسول الله صلى الله عليه وسلم عنهم :
( ما من عبد مسلم يصلي لله كل يوم ثنتي عشرة ركعة تطوعًا غير الفريضة ، إلا بنى الله له بيتًا في الجنة ))
رواه مسلم:
و خاصة الرجال لأن صلاة الجماعة فرض عليهم
و مع الوضوء تتساقط ذنوبك
و مع ترديد الأذان تأخد نفس ثواب المؤذن
و كمان لما تتوضأ في البيت و تروح تصلي في المسجد ترفع بكل خطوة درجة و يغفر لك بكل خطوة سيئة
و ثواب صلاة الجماعة يعادل صلاة الفرد 27 مرة
و طالما انت في المسجد منتظر الصلاة يبقى كأنك في صلاة
فعن أبي هريرة - رضي الله عنه - : أنَّ رَسُول اللهِ - صلى الله عليه وسلم - ، قَالَ :
(( لا يَزَالُ أحَدُكُمْ في صَلاَةٍ مَا دَامَتِ الصَّلاَةُ تَحْبِسُهُ ، لا يَمنَعُهُ أنْ يَنقَلِبَ إلى أهلِهِ إلاَّ الصَّلاةُ )) متفقٌ عَلَيْهِ
ازي نضيع كل دة ؟؟؟
2-الصيام :
قَالَ رسول الله - صلى الله عليه وسلم -
« مَنْ صَامَ يَوْمًا فِى سَبِيلِ اللَّهِ بَعَّدَ اللَّهُ وَجْهَهُ عَنِ النَّارِ سَبْعِينَ خَرِيفًا » رواه البخاري
إيه الفضل العظيم دة كله ؟ ودة في أي يوم فما بالك هيكون ثواب الصيام في أحب الأعمال إلى الله إيه ؟؟؟
متضيعش الفرصة
للصائم عند فطره دعوة مستجابة فادعو الله بما تشاء ادعو الله بالهداية و المغفرة و كل ما تريد
و كمان في الحديث : " من فطر صائما كان له مثل أجره " هتفطر كام صائم و تاخد زي أجورهم ؟؟؟؟؟
3-الصدقة :
تصدق و لو بأقل القليل و الله يضاعف لك هذه الصدقة
تصدق لو بجنيه أو ربع جنيه حتى كل يوم و تخيل ربنا هيضاعف لك الصدقة دي يوم القيامة لغاية ما تكون ايه ؟؟؟
والله ذو الفضل العظيم
4.توزيع المطويات و الكتيبات و الشرائط و نشر المواضيع الدعوية على النت :
و كل دة ممكن يكون سبب في هداية ناس كتير
قال رسول الله صلى الله عليه و سلم:
" فَوَاللَّهِ لأَنْ يَهْدِىَ اللَّهُ بِكَ رَجُلاً خَيْرٌ لَكَ مِنْ أَنْ يَكُونَ لَكَ حُمْرُ النَّعَمِ"جزء من حديث أخرجه البخاري ومسلم
و الدال على الخير كفاعله
5-القرآن :
عامل ايه مع القرآن ؟؟؟ أنا حاسس انه سؤال محرج
لأن كتير مننا مفتحش المصحف من بعد ما رمضان خالص لحد دلوقتي
جت الفرصة و تقدر تختم ختمة كاملة في العشر
كل ما عليك بس ان انت تقرأ ثلاث أجزاء يوميا و دي مش صعبة
كل ما فيها أنك تروح المسجد قبل الأذان بربع ساعة مثلا اقرأ ست صفحات قبل كل صلاة فريضة و ست صفحات بعدها .
و تختم ختمة كاملة
6-التدبر :
حاول كل يوم تتدبر جزء معين من القرآن و تشوف معانيه و تفسيره و تعيش معاه صفحة أو اتنين أو ربع أو حزب أو حتى آية المهم إنك تقوي إيمانك بالتدبر .
7.صلة الأرحام :
حتى لو خمس دقايق بس و لو بعيد عنك ممكن تتصل بالتليفون تبقى خدت ثواب كبير من صلة الرحم .
8-قيام الليل :
الموضوع مش صعب نهائيا بما أنك هتصوم قوم للسحور قبل الفجر بساعة وبعدما تنتهي قم لصلاة الليل و قبل الأذان اجلس للاستغفار كي تكون ممن مدحهم الله في كتابه العزيز و هم المستغفرين بالأسحار
قال رسول الله صلى الله عليه وسلم:
«من قام بعشر آيات لم يكتب من الغافلين، ومن قام بمائة آية كتب من القانتين ومن قام بألف آية كتب من المقنطرين» .
9-الذكر :
لو مشغول جدا و واقف في محل عملك أيا كان ممكن تحرك لسانك بالذكر و من غير أي مجهود و تاخد أجر عظيم و متخليش لسانك يقف أبدا قل الله أكبر و الحمد لله و سبحان الله و لا حول و لا قوة إلا بالله و من السنة في هذه الأيام رفع الصوت بالتكبير حتى يسمعك الناس و يكبرون فتأخذ ثوابهم و قل : الله أكبر الله أكبر الله أكبر لا إله إلا الله الله أكبر الله أكبر و لله الحمد . قال رسول الله صلى الله عليه وسلم:
«ما من أيّام أعظم عند الله، ولا أحب إلى الله العمل فيهن من أيّام العشر، فأكثروا فيهن من التسبيح والتحميد والتهليل والتكبير»..رواه الطبرانى
و الإستغفار قل : استغفر الله
و قل سبحان الله و بحمده سبحان الله العظيم الكلمتين اللي ربنا بيحبهم
قَالَ النَّبِىُّ - صلى الله عليه وسلم -
« كَلِمَتَانِ حَبِيبَتَانِ إِلَى الرَّحْمَنِ ، خَفِيفَتَانِ عَلَى اللِّسَانِ ، ثَقِيلَتَانِ فِى الْمِيزَانِ سُبْحَانَ اللَّهِ وَبِحَمْدِهِ ، سُبْحَانَ اللَّهِ الْعَظِيمِ » رواه البخاري
و من قال سبحان الله العظيم و بحمده غرست له نخلة في الجنة
و غيره كتير من الأذكار السهلة
10-يوم عرفة :
َسُئِلَ رسول الله - صلى الله عليه وسلم - عَنْ صَوْمِ يَوْمِ عَرَفَةَ فَقَالَ « يُكَفِّرُ السَّنَةَ الْمَاضِيَةَ وَالْبَاقِيَةَ »
رواه مسلم
صيام يوم واحد" 12 ساعة " = مغفرة ذنوب سنتين كاملين
بمعني أن الدقيقة الواحدة من الصيام في يوم عرفة = مغفرة ذنوب يوم
مستعد تضيع دقيقة من يوم عرفة ؟؟؟؟؟
11.يسن لمن أراد أن يضحي عند بداية عشر ذي الحجة أن لا يقص شعره و لا أظافره .
12.يوم النحر : يوم عيد الأضحى
قال رَسُول اللَّهِ -صلى الله عليه وسلم- قَالَ
(إنّ أَعْظَمَ اْلأيّامِ عِنْدَ الله يَوْمُ النّحْرِ ثُمّ يَوْمُ الْقَرّ ) .
[ رواه الإمام أحمد وأبو داود وصححه الألباني].
و هذا يوم العيد لا يأتي العيد إلا بعد الطاعة فعيد الفطر جاء بعد رمضان و الأضحى يأتي بعد موسم الطاعة الذي نحن فيه و في هذا اليوم يسن أن تذهب لصلاة العيد من طريق و تعود من طريق آخر و بعد صلاة العيد ذبح الأضحية " و هيكون لنا وقفة إن شاء الله بخصوصه قريبا
كل دي مشاريع سهلة تخليك تبدأ حياتك الجديدة في طاعة الله
فياترى ناوي على إيه و هتزرع كم نخلة و هتختم كام ختمة
هتعمل ايه؟؟؟؟؟؟؟؟؟؟؟
__________________________________________________ __________
خطبة الشيخ محمد حسان عن ايام العشر
فضل العشر الأوائل
من ذى الحجة
فيديو بجودة عالية ممتازة
https://www.archive.org/download/hassan-21-11-2008/fadl-al3ashara-hi.avi
فيديو بجودة أعلى من متوسطة
https://www.archive.org/download/hassan-21-11-2008/fadl-al3ashara-med.avi
رابط صوت mp3 بجودة عالية
https://ia310814.us.archive.org/1/items/hassan-21-11-2008/fadl-al3ashara_64kb.mp3
درس رائع شبابي عن عشر ذي الحجة للشيخ صلاح عبد المعبود &; حصري &;
https://www.way2allah.com/modules.php...les&khid=33858
سلسلة فرسان العشر د.حازم شومان حفظه الله
https://www.way2allah.com/modules.php...=Series&id=751
العشر الأول - لفضيلة الشيخ /سيد العفاني- حفظه الله - .
https://www.way2allah.com/modules.php...iles&khid=8960
الزاد للعشر - لفضيلة الشيخ / محمد المنجد - حفظه الله - .
https://www.way2allah.com/modules.php...iles&khid=8959
العبادة في العشر - لفضيلة الشيخ / محمد المنجد - حفظه الله - .
https://www.way2allah.com/modules.php...iles&khid=8953
فضائل وأعمال العشر - لفضيلة الشيخ / محمد المنجد - حفظه الله - .
https://www.way2allah.com/modules.php...iles&khid=8948
فضل العشر - لفضيلة الدكتور / محمد إسماعيل المقدم - حفظه الله - .
https://www.way2allah.com/modules.php...iles&khid=8957
أفضل أيام الدنيا - لفضيلة الدكتور / محمد إسماعيل المقدم - حفظه الله - .
https://www.way2allah.com/modules.php...iles&khid=8950
أعمال العشر - لفضيلة الشيخ / مصطفى العدوي - حفظه الله - .
https://www.way2allah.com/modules.php...iles&khid=8958
فضل العشر- لفضيلة الشيخ / مصطفى العدوي - حفظه الله - .
https://www.way2allah.com/modules.php...iles&khid=8947
فضل العشر- لفضيلة الشيخ / عبدالبديع أبوهاشم - حفظه الله - .
https://www.way2allah.com/modules.php...iles&khid=8949
برنامج المسلم في العشر - للشيخ / وحيد بالي - حفظه الله - .
https://www.way2allah.com/modules.php...iles&khid=8961
لمن فاته الحج - للشيخ / مسعد أنور - حفظه الله - .
https://www.way2allah.com/modules.php...iles&khid=8954
فضل العشر - للشيخ / نشأت أحمد - حفظه الله - .
https://www.way2allah.com/modules.php...iles&khid=8951
أيام لا تعوض - للدكتور / حازم شومان - حفظه الله - .
https://www.way2allah.com/modules.php...iles&khid=9073
أيام الله تعالى - للشيخ / أمين الأنصاري - حفظه الله - .
https://www.way2allah.com/modules.php...les&khid=12481
حج بقلبك - للشيخ / هاني حلمي - حفظه الله - .
https://www.way2allah.com/modules.php...iles&khid=8956
أعظم أيام الدهر - للشيخ / هاني حلمي - حفظه الله - .
https://www.way2allah.com/modules.php...iles&khid=8955
مقطع من قبسات ونسمات مميز جداً :
فضل عشر ذى الحجة
https://www.way2allah.com/modules.php...ailes&khid=406
من انتاج موقع الطريق الى الله
استمع الآن لأفضل الأشرطة فى فضل عشر ذي الحجة والأعمال الواردة فيها
https://www.way2allah.com/modules.php...=Series&id=748
رد مع اقتباس
