عنوان الموضوع : أغار من سلفتي وأبغى أدمرها مجابة
مقدم من طرف منتديات نساء الجزائر

أغار من سلفتي وأبغى أدمرها



السلام عليكم يا بنات
من تزوجت وانا وزوجي مشاكل.. بسبب أهله وبسبب اختلاف الخلفيات..
سلفتي زوجة أخ زوجي تكون قريبة زوجها.. حرمه راعية مشاكل.. ودوم تفتعل المشاكل مع حماتي اللي تكون حماتها بعد.. ورغم ذلك.. زوجها يعاملها أفضل معامله.. ويحبها ويدللها .. حتى ان يدللها أمام الجميع ويضع لها الطعام بصحنها بيده وقت الغداء..
أنا أحترق واموت من الغيره.. أنا ربة منزل أفضل منها وبعد طاهيه ماهره ماشاء الله وهي خبله وتقضي أغلب يومها بالنوم..
أقلكم ايش الفرق.. انا اسوي كل شي وما انال رضى زوجي ويهجر غرفة النوم بالأسابيع وهي طوال اليوم ناميه وزوجها يحبها ويموت على الارض اللي تمشي عليها
حنا نفس مستوى الجمال تقريبا ما أقدر أقول انا أجمل منها أو انها هي أجمل مني..
لكنها دوم تروح تسوي بشعرها حركات غريبه وتعمل قصات مثل المغنيات كل شعره طول مختلف وتلون شعرها وتضع مكياج مبهر.. وتصير مثل لعبة الباربيبي الملونه
وانا زوجي ما يطيق هالحركات واذا وضعك مكياج يقول ايش فيك رايحه عرس؟ وقلتله أبغى أغير لون شعري قال ما أريد.. قلتله اروح الكوافير أغير شكل شعري قال ما ودي قصات غريبه مثل ال... والعياذ بالله
ترى احترت فيه.. ودوم يقول لي احتشمي.. تقول اني شكلي مشين ويبي أخبيه
أخوه مرح ودم خفيف وزوجي جدي
وحتى لمن يجامعني ما ينطق بكلمه واحده حلوه مع انه الله شاهد يهتم في بحال الجماع ويكون لطيف بس وش؟ يجيني مره كل اسبوعين ثلاثه شهر.. ومرات يغيب كثير وما يسأل عني.. وكل مره أنا أبادر معه
والله بطق بفقع.. ليه أنا حظي قليل وسلفتي تحصل كل هذا الدلال؟
أتمنى ليل نهار ربي يفرق بينها وبين زوجها وان زوجها يعاملها أسوء معامله
والله اني احترق من الغيره

>>>>> ردود الأعضـــــــــــــــــــاء على الموضوع <<<<<
==================================


اعووذ بالله
مااقول الا حلال فيك زوجك يعاملك كذا
شفتي ربي كيف سوا فيك
لانك حسووووده ماتتمنين الخير لغيرك كيف ربي يوفقك في حياتك وانتي حسسسسسسوده ؟!

للاسف انتي شيطانه في هيئة انسانه
اعووذ بالله دنيا تخوف


__________________________________________________ __________

اعوذ بالله منك يَ الحقووده


بالله ايش دخلك بحياة البنت ليه تدعين عليها الحين عرفتي ليه حياتك كذا من الدعاوي الي ترجع لك خااافي الله وخلي الناس بحالها يسوون الي يسوونها ليه تحشرين نفسسك

افف طلعتيني من طوري الله يعينك على نفسك



__________________________________________________ __________

السلام عليكم ورحمة الله وبركاته اول شئ أنا ماراح ادعي عليك مثل الأخت بس بقول يا حياتي صفي نيتك وخليها خالصه لله عزوجل عشان الله يبارك لك في عملك و يسخر لك زوجك وثاني شئ كل الي قلتيه قسمه ونصيب هذا نصيبها و هذا نصيبك وشغلي نفسك لزوجك لا تجلسي تقارني ماراح تحسي بالسعادة و الراحه بحياتك حاولي تدوري في زوجك أشياء يحبها و سويها وركزي عليها عشان تسعدي وأدعي الله واستغفري بان الله يحنن قلب زوجك عليك والله راح ترتاح نفسك كثير وهمسه لك تمني الخير لغيرك زي ماتتمنيه لنفسك.


__________________________________________________ __________

بنات ليه تشتمون؟
أنا بغيت النصيحه
الله يسامحكم


__________________________________________________ __________

بسيط الموضوع يااختي ربي ذكرها بأية صريحه
"الْخَبِيثَاتُ لِلْخَبِيثِينَ وَالْخَبِيثُونَ لِلْخَبِيثَاتِ وَالطَّيِّبَاتُ لِلطَّيِّبِينَ وَالطَّيِّبُونَ لِلطَّيِّبَاتِ"سلفتك حتى لو كسلانه بس من جوه نظيفه وانتي نشيطه بس مو جوه قلبك مو نظيف
اذآ تبي توصلي لربع الي هيا فيه لآزم تصيري من جوه مثل برآ
لما تتمني شي عند وحده ثانيه محد بيقولك غلط بس اتمني الخير لك واتمنيلها ان النعمه تدوم لها كمان
كيف تبي ربي يسعدك بحياتك وانتي تتمني الشر لها لمجرد انو هيا بحياتها احسن منك مع انه ماصدر منها شي ناحيتك اذتك فيه !!
قال الله تعالى‏:‏ ‏{‏أم يحسدون الناس على ما آتاهم الله من فضله‏}
الله اعطاهآ بأي حق تتمني زوال النعمه منها ..؟!
هل انتي الي اعطيتيها هالنعمه ..؟!
سبحان الله ، الحمدلله ان النعم بيد الله مو بيد البشر !
كيف نبغى ينصلح حال المسلمين وكيف نبغى نصير يد وحده إذآ هذا حالنا !!
نكره الخير لأخت مسلمه وتتمني انو ينقلب حالها والله لو كوارث الدنيا نزلت علينا ماتكفي
اذا انتي وكثير مثلك كذا تفكيرهم ، لاحول ولاقوة إلا بالله
انصحك لوجه لله يااختي لأنك بالأخير مسلمه واتمنالك الخير
واتمنى انو انتي وغيرك الي يفكروا بهالتفكير قبل ما الغيره تتملك قلوبكم
نظفي قلبك من جوه وادعي الله ربي يصلح حال زوجك
هيا مثلها مثلك مو غلطتها انو الأخوآن غير عن بعض الله يديم عليها النعمه يآرب
ويصلح حالك