عنوان الموضوع : غيرتي اتعبتني -لصحتك
مقدم من طرف منتديات نساء الجزائر

غيرتي اتعبتني



غيرتي اتعبتني
مساء الخير اخواتي
انا متزوجه من ثمان سنوات وعندي ولدين وبنت وزوجي يحبني كثيررررر وشايلني من الارض شيل بس مشكلتي انه قبل ثلاث سنوات فتحت تلفونه ولقيت رسايل بينه وبين بنت انا زعلت وبكيت وواجهته ماتوقعتها منه ابد كنت اثق فيه ثقه عمياء بس صدمني وخذلني واعتذر مني مراراً وتكرارا وسامحته بعدين حلف علي بالطلاق اذا فتحت تلفونه وماعاد فتحته بس كان عندي شك انه مادام مايخليني ألمسه أكيد فيه شي غلط وكنت ادعي ربي انه يكشفه لي اذا كان يكلم غيري مرت ثلاث سنوات واجا يوم وفتحت سيارته بالصدفة لقيت فيها هديه من نفس البنت اللي كلمها وحاطه صورتها وهيه صغيره داخل الهديه عرفت انها نفس البنت لأنه اسمها ورقم تلفونها في فاتوره فوق الهديه لأنها اهي ساكنه بمنطقه بعيدة عنا ورسلتها عبر شركة نقل انا جن جناني ورحت واجهته بكل قوة فهو استخدم سلاح الهجوم للدفاع عن نفسه هاجمني واتهمني اني انا ادور للمشاكل وان غيرتي زايده وان هذي البنت قصة وانتهت يعني طول هذي المدة كان مستغفلني كبرت المشكله وزعلت منه كثير وضليت ايام ابكي رق قلبه ع حالي ولأني كنت حامل خاف ع ابنه ورجع اعتذر مني وطلب السماح انا وافقت اسامحه حفاظا ع بيتي واولادي بس ظل في قلبي بركان من الغضب والغيره ومر شهر ولقيت بين اغراضه فاتورة هديه منه لها وكان تاريخ الهديه قبل تاريخ هديتها يعني هو ارسل بعدين هيا،عندها ضاقت الدنيا في عيني حزنت وتألمت كثيرا وفقدت كل ذرة ثقه في قلبي له هو يحبني بجنووووون فالماذا الخيانه ؟؟؟؟
انا لست مقصرة معه ابدا وهو يشهد بذلك والان صار للموضوع سنه وجرحي مازال ينزف ثلاث سنوات كانوا متواصلين وانا ولا ع بالي نفسي اعرف ايش كان بينهم هل كان يحبها او كانت مجرد تسلية الان ساعدوني كيف اداوي جرحي كيف اشيل البنت هذي من راسي كيف اعيد ثقتي بزوجي .

>>>>> ردود الأعضـــــــــــــــــــاء على الموضوع <<<<<
==================================


والله ما عرف بشو انصحج
ربي يعينج ويصبرج ويسخر لج ريلج ويبعد عنه بنات الحرام
موفقة

استغفر الله العظيم الذي لا إله إلا هو الحي القيوم و أتوب إليه


__________________________________________________ __________

على الفرص اللي عطيتيه مره و مرتين
و الثالثه غصه بقلبك
انا اقول تجينه بالهداوه اول سؤال تسأليه
قصرت معاك؟ في حاجه بحياتنا ماهي عاجبتنك؟؟
و ابدي تخبريه عن الفاتوره قولي وعد الحر دين
ووعدتني و انا ما نسيت الوعد انك ما ترجع للماضي
قولي ان كنت تحبها وتباها و ما رايم تتركها خبرني
عشان اتخذ قرار بهذا الموضوع ...
بس مسألة اني اعذرك و للمره الثالثه فأنا ما عندي
طاقه ابدا ، استنزفت كل الفرص..
ووضحي انك عشانه بديتي صفحه جديده بس الخيانه
موجوده بداخلي جرحها و ما قادره اداويه ..
ارحمني و ارحم نفسك و عيالك
و قولي ما ناويه على مشاكل و انفصال ودي الملم
عايلتي و احطكم بعيوني بس بعد راعيني و لا ترمي
على ظهري حمل انا مب قده


__________________________________________________ __________

صدقيني اختي لاتشغلين بالك بالسالفه كثير مجرد تسليه لا اكثر اغلبية الرجال كذا وهذي البنت شيليها من تفكيرك لاتعطيها اكبر من حجمها مدام زوجك يحبك ريحي راااااسك ومع الوقت بتنسين .


__________________________________________________ __________

الله يفرج همك ويشرح صدرك وصدر كل مهموم


__________________________________________________ __________

حبيبتي ولايهك انا اكتشفت انو كل الرجال عندن هالمرض قلبن كبير وبيسع اكتر من وحدة طنشي