ولدي المسكين مجابة

[aksachli]

عنوان الموضوع : ولدي المسكين مجابة
مقدم من طرف منتديات نساء الجزائر

ولدي المسكين





متقطع قلب على فلذه كبدي ولدي اللي عمره 23 سنه

ولدي يحب بنت اختي من زمان وماصارحها بالموضوع و بس كان يقول لي و ماكان يبي شي بالحرام بينه وبينها
و لما شاف نفسه ناضج وقد مسؤؤليه الزواج كلمني وطلبت ايدها للزواج
لكن قالو لنا انها صغيره على الزواج وهي تبي تكمل دراستها
و الكلام ده صار قبل شهرين و الحين قبل اسبوع ملكتها على واحد من برا ديرتنا و لما سمع بالخبر انهارت نفسيته و صاير عصبي ويا اخوانه و قبل ما كان يعلق على اكلي الحين صار ياكل ويعلق و يقوم وهو معصب و كلمته و ابونه كلمه وقاله انساها و هو حاس بالالم يقول يمه مو زمان خطبتها ليش رفضضتني و اخذت الغريب
قلت له يا يمه كل بنت و تختار اللي تبيه و اللي ترتاح له
قالي و قطع قلبي يمه انت ماتشوفيني جميل ؟

صدقوني ولدي جميل ومو لانه ولدي لكن هو جميل وملتزم ومتشدد بعد لكن القسمه والنصيب

خايفه على ولدي لا يروح مني بسببها
خايفه على دراسته لا ينزل مستواه و خايفه على نفسيته لا ينحرف باشياء ثانيه

>>>>> ردود الأعضـــــــــــــــــــاء على الموضوع <<<<<
==================================

الصراحة الله يكون في عونك

ليش اختك رفضت ولدك كان المفروض انها تخلي البنت تعمل استخارة

الحين الامر خلاص انتهى البنت انكتب كتابها على رجل اخر

لا تقطعي اختك وبنفس الوقت لا تجيبي لها سيرة عن هذا الموضوع عشان ما تصير مشاكل بينكم توصل الى قطيعة الرحم


وبالنسبة لابنك يعلق على اكلك ترا هو لانه مقهور يحاول ينتقم لان اختك رفضته فيحس انه لازم ينتقم

انصحك عاااااااااااااادي خذي موضوع انتقاده بهدوء وقولي له ابشر يمة المرة الجاية بسويه لك مثل مابدك واحسن
وحاولي تتقربي من ابنك ترا ماله بهالدنيا من بعد الله غيرك اياك تعصبين عليه عشان ما تتعقد نفسيته

والله اني انقهر عليه ضاق صدري

المهم ما اعرف حاولي انك تقولين له بالعكس يمكن مافيها خير لك والله سبحانه يبي لك وحدة احسن منها مليون مرة وقولي له الاية (وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ)

حتى لو كانت بنت اختك انتقديها قدامه بيني عيوبها عشان يصير يحس انها عادية مو انها شي مهم وفقده في حياته حاولي تقولي له بكرا بخطب لك بنت احسن منها وفي بنات كثير يتمنون اشارة مننا عشان نخطبلك منهم

حاولي انك تهدينه وتشعرينه انك صديقة له مو ام بس عشان يفضفضلك ولا ينتقم منك لان هذيك بنت اختك

الصراحة حاولت اساعدك بس ما اعرف ايش اقولك

بس انتي ماقلتيلنا كم عمر ابنك يعني احتمالي يكون صغير قولي له لسى على موضوع الزواج ربي بيرزقك اجمل منها ووبنت مؤدبة ومحترمة وطيوبة

لااااااااااا تمدحي بنت اختك قدامه

الله يعينك الصراحة موقف محرج جداً الله المستعان

__________________________________________________ __________

خايفه على ولدي لا يروح مني بسببها

البنت مالها علاقة و المشكلة من ناحية ابنك و كمان مشاعره مو بكيفه ما يقدر يتحكم فيها فردة فعله طبيعيه ..

و رفض البنت ما يلزم أنه في عيب ابنك شكليا أو دينيا بالعكس هذه قسمة و نصيب ..


أنا أشوف أنك تجلسين مع ابنك كثير و خليه يطلع اللي في نفسه و ذكريه بالقسمة و النصيب كتبه الله

و ذكريه إن الحياة اللي رسمها في راسه مع بنت خالته مستحيل تكون على ارض الواقع

حتى لو تزوجها ..

ذكريه بمستقبله قولي له هى تزوجت و مبسوطة و هو قاعد على الاطلال ؟؟؟؟

و إن شاء الله فترة و تعدي ..

__________________________________________________ __________

السلام عليكم حبيبة قلبى لساته مجروح مع الوقت بيرضا وهيك قضاء الله وقدره اتركيه شوى يريح اعصابه ومع الوقت راح يكتشف لحاله ويرضا ويقتنع ان الزواج قسمة ونصيب ربى ييسر له كل امر عسير ويقر عينه بزوجة صالحة وذرية صالحة عاجلا وليس اجلا ربى يسعده ويسعدكم سعادة الدارين ربى يجعل مثواكى ومثواه ومن ذكرتى الفردوس الاعلى تقبلى مرورى اختى الفاضلة محبتك فى الله ام حفصة ان شاء الله

__________________________________________________ __________

يالله!!

ليش ما قالوا انها ما تباه و لا هم ما يبوه من البدايه
الصراحه هالحركه تقتل ، و توجع من الداخل حتى لو ما كان
يحبها فما بالك يكن لها مشاعر؟؟

ما عليه هي فتره و تعدي و اكيد الايام بتنسيه
بس انتي حاولي تظلي معاه و فهميه ان كل شي قسمه و نصيب
و اعطيه جرعات من هالكلام ، و اكيد راح يقتنع
و بالنهايه هو شاب و راح يكون قادر على النسيان
وسط الاصدقاء ، و شغله ، وروحاته و جياته..
و إن شاااءالله مضيع منك هو ناضج و اكبر من كذا من خلال كلامك عنه
وربي يعينه و يساعده

__________________________________________________ __________

حبيبتي الحل انج تزوجينه من وحده
علشان يتعلق فيها وينسى بنت خالته
وحاولي توضحين له ان في بنات اخلاق وجمال والدنيا ماتنتهي بس لمجرد زواجها
ولو كان فيه خير هالزواج لهم
كان الله كتبها من نصيبه
عسى ان تكرهوا شيئا وهو خيرا لكم