عنوان الموضوع : زوجي يذلني ويحتقرني
مقدم من طرف منتديات نساء الجزائر

زوجي يذلني ويحتقرني



¤¤¤بسم الله الرحمن الرحيم ¤¤¤
,,,,,,اللهم صل وسلم علي سيد الخلق محمد عليه افضل الصلاه واتم التسليم,,,,,,,,,
اطلب منكم يابنات تدعون لي في ظهر الغيب , انا انسانه صبوره بأذن الله ,لاكن حاليا احس ماعاد فيني صبر , الله المستعان, والحمد لله على كل حال, اشوف نفسي احسن من غيري لو الصحه والعافيه كانك تملكين الدنيا وما فيها ,,,,,,,المهم يبنات انا مشكلتي في زوجي عيت افهمه انسان طيب لاكن عصبي ولا يحترمني والله يابنات محترمته ومحترمة امه ويجيني في يوم يقول انتي منافقه حسيت بالقهر الحين الانسان الطيب يصير منافق اهم شي الله يعلم بنياتي ومرات يقول لي انتي غبيه انتي ماتفهمين ويستحقرني ازعل عليه بعدين يجي يراضيني وسامحه ويرجع يعيدها وهو اذا احتاج شي على طول علي اساعده وافهمه رضيت بكلامه الجارح وانه ينقص من كرامتي حتى ساعات اذا كان يتكلم مع اخوياه يقول (الحرمه الله يكرمك,) قلت مايصير الحرمه امك واختك وبنتك يقول ماقصدي والله مررتها له .
نجي عند بيتي ابغى احط لمساتي فيه اختار اثاث اجيب كنب اي شي يمنعني ,حتى لوحات اعلقها يرفض يقول لا مكانها ما يصلح حطيها هناك يعني مسيطر على حياتي زي الكابوس ,متى يرضى علي اذا صرت له زي الشغاله ماطلب شي البي طلباته غير كذا استلم اتهزيى والذل حتى اذا زعل يسحب الجوال مني ويخبيه ويقطع شبكه النت يذلني والله ذلني وعندي منه بنت مما رضي يدخلها الروضه كل الي في سنها دخلو وهي بنته الوحيده مقصر معاها يا بنات انا بس افضفض لكم لاني احس نفسي مخنوقه والشكوى لله
الحين قلت ابي ازين غرفه الحريم على اساس اظيف الحريم فيها من فلوسي والله ابي اجيب كنب وعدلها رفض قال لا ماحب العفوش يبنات ابي منكم نصيحه صادقه انا شخصيتي مو ضعيفه بس عارفه نفسيته واسلوبه لاني لو شديت معه ممكن انطق يتخلى عني بسرعه لاني احس انه مو راضي فيني او يصير شي ما يحمد عقباه يبنات عيت افهمه انا مره حساسه والله يبنات انا اصغر خواتي بس لما يشوفوني الناس يقولون كانك اكبر من خواتك شعري شاب انا شايله هم بنتي مابيها تحس باليتم مابيها تحس بالي حسيته وانا صغيره
انا ابي منكم نصيحه ان شاء الله تنفعني في حياتي الله يجزاكم خير ويجعل لكم من كل ضيق فرج اختكم في الله,,,,,,,,,,,, للمعلوميه هو مو مقصر في بيته من ناحيه الاكل بس مقصر من ناحيه الاسلوب والتعامل وتثيث البيت والطلعات بس حاكرنا في البيت انا ابعد عن اهلي 7 ساعات
اللله يجزاكم خير

>>>>> ردود الأعضـــــــــــــــــــاء على الموضوع <<<<<
==================================


لاحول ولاقوة الا بالله الله يكون بعونك
ليش هوكذا ؟؟؟ يعني ماهو حابك من البدايه ولاوش القصه ؟!!
شوفي يالغاليه انا بس قريت الكلام عجزت اتحمل انا مابي اقول تطلقو بس يبغاله قرصة اذن زوجك خير وين عايشين ليش يسوي ببنت الناس كذا انتي ماجيتي من بيت اهلك عشان يهينك عندك ابوك واخوانك ذخر لك من دونه ماوقفت الدنيا عليه لازم يفهم هالكلام هو ماهو شايفك شي من اسلوبك وكلامك عنه مو شايفك شي غير انك تقضين حوايجه بهالدنيا ......وبنتك الحمدلله ماراح تضيع
أزعلي عليه كلمي اهلك خليهم يشوفون حل معاه اذا شافك ساكته راح يتمادى
......
يارب الله يهديه ويحنن قلبه ويجمع بينكم بخير ويرزقك الفرحه والسعاده


__________________________________________________ __________

اعووذ بالله من هالازواج
انتي وش مصبرك عليه للحين ؟ كلمميه خليك اقوى من كذا
قولي انا عشت معك و تحملتك و خدمتك بيديني و رجليني ما ابغى منك غير الاحترام
ابغى اعيش زي اي بنت عندها استقلالية في بيتها

خليك قوية و افرضي رأيك عليه بالقوة
و اذا حط من كرامتك لو ربع ، بلغي اخوك ولا عمك عشان يعرف زوجك ان وراك اهل ما يرضون يشوفونك مهانة


الله يعينك اختي


__________________________________________________ __________

حبيبتي الرجال مايبغى له طيب وخلاص وترضين عليه بعد كلامه يبغى له العين الحمراء خخير مايقدر شعورك اذا مايحبك ولا حاس فيك خلاص يرجعك بيت اهلك مكرمه معززه مو ياخذك عشان يجلس يهينك صدقيني لو لقي منك قرصه مراح يحاول يعيد اساليبه بس انتي محسسته انه مهما سوى بترضين عليه شدي الحمل معه شوي وصدقيني بينسى يعيد هالاساليب
تقبلي وردي قبل ردي


__________________________________________________ __________

شوفي حبيبتي انا صح مابي اتدخل واقولك شئ ممكن بغير قصد يخرب حياتكم الزوجيه بس عندي كلام وياريت تفهميه
الرجال دام انه يسوي كذا الا انه عنده شئ م الثنتين اما انه عنده عقده م زمان م الحريم وربعه مامقصرين بالكلام انه مثلا لازم يصير رجال ويصارخ ع زوجته يعني ع اساس انه رجال -
او انه يحب وحده سوري يعني مابي اشعل فتنه او شئ بس ايمكن بزمانه كان يحب احد بس انتي بصبرك وتقربك م ربك ان شاء الله بتنحل هالمشكله وبتخليه يموت عليك ومايرضى يزعلك بحرف حتى
يعني مثلا حاولي تكوني هادئه وماتبيني انك متضايقه
تفاجيئه بشئ يوم زواجكم او اي مناسبه حلوه
دايم تبتسمي له رغم الالم اللي بقلبش كذا ربك ان شاء الله بيعوض صبرك خير
وانا بدعي لك م كل قلبي ان الله يوفقكم ويسعدكم ان شاء الله _


__________________________________________________ __________

الله يوفقكم ويهدي النفوس ان شاء الله ,,,