عنوان الموضوع : شغالتنا طفرتبي -تم الاجابة
مقدم من طرف منتديات نساء الجزائر

شغالتنا طفرتبي



السلام عليكم و رحمة الله و بركاته

انا صاحبة هالموضوع ايش الأسباب التي تخلي الخدامة تبصق عَلى الطعام؟؟

المهم اني طفرت من الخدامة كثير اربع و عشرين ساعة ع النت في المطبخ و كانت مرات تتكلم مع واحد اثيوبي بالفيديو و كانت اذا انا دخلت المطبخ تقول حسبي الله و نعم الوكيل بتافف و بطريقة مادري كيف كأن مطبخها و انا تغاضيت عن هالشي المهم ان دايما اعاملها معاملة حسنة بس هي تكلمني بطريقة خايسة و مرة قلت لها ليش تتكلمين كذا قالت لان انا يوم اختي الصغيرة طلعت برع البيت انا سألتها وينها و بعدين انا سألت اخوي الصغير و قلتله وين و تقول الخدامة انا سألت اخوي الصغير لاني ما استئمنها و اكذبها الخ و قلتلها لا انا سالته لان قلتلك جبيها و ما جبتيها المهم ان الخدامة كسرت اغراض كثير في البيت و حتى بلاط المطبخ كله خدوش من دفاشتها و مع ذلك قلت يله اهم شي تنظف و ما تسوي مشاكل و ما تسرق ابدا و هي من المكان اللي جت منه 1300 راتب الي تنظف بس و 1500 راتب اللي تنظف و تطبخ و هي تنظيف بس لكن يوم جت عندنا صارت تطبخ لان طبعا تبا تاكل و احنا نعطيها 1500 و مرة و هي تطبخ قلتلها لا تحطين ملح كثير مو زين قالت انا اطبخ كذا و اصلا هذا مو شغلي و تبين ملح شوي تعالي اطبخي بدالي! و بعدين قالت ان انا دايما اشك في انها تحط سم في الاكل و ان انا ما خليتها تعطي اختي رز عشان كذا قلتلها أنا قلتلك إن أنا باكلها و أكلتها بعد ما رحتي و تقول ان دايما اغسل اي شي هي تلمسه (و انا اصلا عادتي دايما اغسل الصحن اكثر من مرة )و قعدت تقول ان تشكين في اكل في سم و تحسسيني اني زبالة او وسخة (و قعدت تكرر كلامها اكثر من مرة )قلتلها انا ما ما قلت كذا و لا فكرت كذا قالت سبحان الله يبين من التصرفات و الله يعرف و في بيت ثاني يعاملوني مثل اختي و يبوني ارجع و اذا انتي زين انا زين (و اصلا اسلوبها و كلامه طول الوقت خايس) المهم ان من البداية تحملتها و تحملت تاففاتها كل ما دخلت المطبخ بس مرة انا سكرت النت قعدت حضرتها طول الوقت تقول اعوذ بالله من الشيطان الرجيم و حسبي الله و نعم الوكيل بطريقة تهديد كان البيت بيتها و انا صدق تنرفزت ، و هي تحافظ على صلاتها و اول ما جت كانت تشوف فيديوهات اسلامية في اليوتيوب عشان كذا في البداية قلت يمكنها زينه و تحملتها
و انا كرهت المطبخ (من قبل السالفة اللي فوق و من اول ما جات الخدامة) و صرت ما اكل كثير و انام اكثر الوقت من الهم و الجوع لانها تجلس فيه من الصبح للعشا تسوي في النت مع ان المفروض تشتغل في ذا الوقت و هي ما تنظف البيت غير مرة وحدة في اليوم و اذا توسخ انا ارتبه مرات

و غير ذلك انا اخاف من الخدامات و ما اكلمهم كثير و اتعب نفسي عشان ما يكرهوني مع اني ما اصرخ عليهم و دايما احاول اتجاهلهم لان امي تقول تجاهليهم مرات اسكت بس احس بهم و احنا محتاجين حد ينظف البيت بشدددة
و بخصوص سالفة السم اختي قالت انها على الاغلب كانت تستعبط و تبا تطفرني
و عفكرة ما اكل اكل الخدامات كثير اكثر المرات اسوي لنفسي
و ما احب يوم الخدامات يحسسوني ان الله معاهم هم و ان انا ظالمة لاني ما اريد اظلم حد و هم يتعدون حدودهم دايما و ما يعتبرون نفسهم غلطانين
و في وحدة بيتهم جمب بيتنا كل ما جت عندنا خدامة تتعرف عليها و تحرشها علينا< بس ما اعرف اذا كلمت هاذي

اللهم انت ربي لا إله الا انت خلقتني و انا عبدك و انا على عهدك و وعدك ما استطعت اعوذ بك من شر ما صنعت و ابوء لك بنعمتك علي و ابوء بذنبي فاغفرلي فانه لا يغفر الذنوب الا انت

>>>>> ردود الأعضـــــــــــــــــــاء على الموضوع <<<<<
==================================


ليبييييبيييش محد رد (


__________________________________________________ __________

الْسَّلامُ عَلَيْكُمْ وَرَحْمَةُ الْلَّهِ وَبَرَكَاتُه
الْكَلِمَةُ الْطَّيِّبَةُ صَدَقَةٌ


[color="rgb(160, 82, 45)"]ماتأكلي من اكلها وتنضفي البيت بنفسك
تتأفأف وصبرتي عليها كثير يااختي خلاص عطيها راتبها ورجعيها من حيث ماجبتيها
[/COLOR]


__________________________________________________ __________



كلامي من كلام الاخت خلاص وش تبين فيها
و بعدين اذا انتي تجلسين تنظفين و تسوين و تفعلين ماله داعي تجيبين شغاله و ريحي راسك

اسال الله الحي القيوم باسمه الاعظم و باسمائه الحسنى و صفاته العلى الذي اذا سال به اعطى و اذا دعي به اجاب ان يفرج كربك و يزيل همك و يسخرلك ما تتمنينه و يجعله خير لك و يرزقك من حيث لا تحتسبين


__________________________________________________ __________

باب يجيك منه الريح سده واستريح اعطيها حقها ومع السلامة لو تمشين على ركبك ﻻ تجيبين هالأشكال لبيتك هذا الناقص تتهربين بالنوم كن البيت بيتها اذلفيها والشغل لو ما خلص اليوم بكرة يخلص الله يغنينا عنهم يا سميع من بكرة طلعيها ألزم ما عليك زوجك ونفسك وعيالك الله يفرج همك .....


__________________________________________________ __________

رجعيها مالك شغل فيها شكلها مشكلجية وتحب المشاكل

بس اسمعي لا تقولين لها انك بترجعينها بدون ما تدري جهزي راتبها وجهزي لها كم هدية ملابس وهيك شغلات وعطر واي شي جهزي لها شنطة ولما يجي موعد الطيارة خذيها المطار بدون جتى ما تدري عشان ما تاخذ من اثركم شي وتسحر لكم هناك في بلدها وعشان كمان ما تحاول تاذيكم قبل ما تخرج المهم جهزي لها شنطة ولا تخلينها هي تجهز شنطتها عشان ما تغدر فيكم او تهرب من البيت

الصراحة ما احب قطع الرزق بس المشكلة ان نفسيها شينة واضح انها مشكلجية

المهم قبل كل شي استخيري اكثر من مرة انك تخلينها او ترجعينها ونتي اعزمي قبل الاستخارة على ترجيعها واستخيري اذا فيها خير ربي راح يخليها عندك ويصلحها واذا فيها شر راح يخليكي تسفرينها

المهم اطلعي من خطاها اعطيها كل حقوقها وفوقها زيادة حبة عشان تكوني ارتحتي قدام رب العالمين ولا ظلمتيها واعطيها هداية بسيطة شوي ملابس اي شي جهزي لها شنطة شغيرة اذا عندها بنات او عيال ارسلي لهم كل واحد قطعة ملابس على قده ولما تاخذيها المطار لا تخبرينها نزليها المطار ودخليها جوة وخليها تسافر لا تروح ترجع وتقعد بالديرة وهي على اسمك ويمكن تسوي جرايم او كذا

المهم استخيري الله وربي يكتب بلك الخير