عنوان الموضوع : تعبت حيل من زوجة ابوي بليز ساعدوني -لصحتك
مقدم من طرف منتديات نساء الجزائر

تعبت حيل من زوجة ابوي بليز ساعدوني



السلام عليكم
انا البنت الوحيده بين اخواني وتوفت امي قبل يمكن اربع سنوات كان عمري 15 وكنت حيل متعلقه فيها لدرجه ما تتوقعونها بما ان ما عندي خوات كنت دايم اشكيلها واسولف لها ومره مره تعلقت فيها
الله يرحمها
يوم توفت انا جاتني صدمه لدرجه ما قدرت انطق بالمره ويوم رحت المستشفى اكتشفت فعلا ان نتيجه الصدمه اني صرت بكماء
استمرت حياني رغم الصعوبات اللي كنت اعانيها
وابوي كان مدللني دلال مو صاحي من حبه لي ودايم يقولي غلاتك من غلاة امك اللي تحت التراب ودايم يسميني ''ذهيبه'' من غلاتي عنده
بس ابوي بعد سنه من وفاة امي تزوج
انا عذرته لان ما يكمل البيت الا بوجود حرمه بالبيت تهتم فيه وتداريه وتنتبه لنا
بس مرة ابوي حيل غيرته علينا
صاير ما يسال عني ولا يحاكيني كثير ونادر اشوفه بالبيت
كله يطلع معها برا يتمشون ويتفسحون وسفرات ومدري وش
وبعد تعايرني اني ما اتكلم وتضحك علي!

وبعدين هي دايم تظلمني وتكذب على ابوي تقول اني سويت لها واذيتها واني استقصد المشاكل
مع اني والله مو مسويه شي!
مستغله فرصه اني ما اقدر اتكلم كل غلطه تسويها تحطها فيني وانا احاول افهم ابوي بس ما يفهم علي ولا يبي اصلا يفهم
يطردني دايم غرفتي بسببها واقعد محبوسه فيها
مع اني والله ما اذيت احد بس هي مدري ليه تسوي فيني كذا
من تزوجها ابوي وحياتي مقلوبه معد اتحمل
صرت محبوسه بغرفتي ودايم ابكي قهر
وفوق كل هذا تضربني ضرب
جسمي كله تحول كدمات والله مره تعورني
واذا ابوي سال عن هالكدمات والجروح تقول طاحت من الدرج او اي شي
احاول افهم ابوي بس ياخي ما يفهم علي
وهي تصعب الموضوع علي زود
يوم احاول افهمه تجي تقول لابوي ما عليك منها وتفتح سالفه ثانيه
قمت احس بنقص واني غير الناس
ابوي اللي هو ابوي معد يهتم لي
تعبت انا والله
حتى بالبيت مو قادرة ارتاح ولا اعيش زي باقي البنات بعمري
مو ذنبي اني بكماء
عانيت من الظلم والقسوة كثير
امانه قولو لي وش اسوي؟
تعبت حيل ونفذ صبري
صار لي 3 سنوات وانا اعاني منها
لين متى؟
بلييز لو دعوة تجبر خاطري 😔
الله يسعد كل وحده ترد ولو بدعوة بسيطه تفرج همي وتشفيني

>>>>> ردود الأعضـــــــــــــــــــاء على الموضوع <<<<<
==================================


ياقلبي والله حزنت لا اجلك الله يشفيك يارب
انتي كوني اكتبي كل شي تبي توصليه لأبوك في
ورقه واعطيه وقت مايكون لحاله خليه يفهم شو بيصير
ورددي دائمآ حسبي الله ونعم الوكيل على من ظلمك


__________________________________________________ __________

حبيبتي واخوانج وين ما يشوفو افتراها عليج ؟! و ما يدافعو عنج ؟!
طرشي لابوج مسج واشرحي فيه كل شي وخبريه انه الكدمات من ضربها لج
واذا عندج خوان متزوجين وساكنين ببيت منفصل روحي عندهم فترة
وبالنسبة انها تعايرج انج ما تتكلمين ... الله قادر انه يبتليها بشي اكبر
ربي يشفيج ويعافيج يااااااااا رب
موفقة

استغفر الله العظيم الذي لا إله إلا هو الحي القيوم و أتوب إليه


__________________________________________________ __________

وعلييكم السسلـآم ورحمة الله وبركاتةة

,*


حسسبي الله ونعم الوكيل على زوجة اب مثل هذي الاشكال الي تفشل

من جد ذوول متى ينقرضون ؟!ّ

الله يشفيك ياقلبي ويخلصكم من الجنية زوجة ابوكك .. ورددي حسبي الله ونعم الوكيل

وبخصوص انك مو قادرهه تكلمي ابوك طرشي لة مسج ف واتساب او غيرهه او رسالة
بكل شيء يضايقك او اكتبيها في ورقة وهو يقراها ..

وان مافاد لمده شهر
اتصلي على الرقم 1919 لبلاغات العنف الاسري وخلي صديقتك تكلمهم وهم يجون ويشوفون الحقيقة بعينهم
ضرب وكلام وغيييره



&
لا إِلَهَ إِلَّا أَنْتَ سُبْحَانَكَ. إِنِّي كُنتُ مِنَ الظَّالِمِينَ ..()


__________________________________________________ __________

تقولين كان عمرك 15 سنه واللحين 18
المفروض تكوني قويه
ليش تخلينها تضربك
اضربيها انتي
اذا لسانك ماتكلم يدك تتكلم
دافعي عن نفسك ليش خايفه
واللي يصير يصير
صوريها فيديو وهي تهزئك
سجلي صوتها
فكري بأي شي
وخلي ابوك يشوف
ان قدرتي تجهزين الجوال وخلينه في مكان ماتشوفه بحيث تصورينها وهي ماتدري
او اخوانك يصورونها
عندك حلول كثييره
بس شغلي مخك


__________________________________________________ __________

حسسبي الله ونعم الوكيل على زوجة اب مثل هذي الاشكال