عنوان الموضوع : امي هنديه ! الطبيب يجيب
مقدم من طرف منتديات نساء الجزائر

امي هنديه !



السلام عليكم بنات اخباركم

مشكلتي يا بنات جدا تافهه لكن امي اللي تعاني منها مو انا

امي هنديه و هي جميله جدا يعني سمرا لكن شعرها طويل وحرير ومهتمه بنفسها
فعلا جميله امي ومايبين عليها انها هنديه
انا ما قاعده اتبرأ من نسبي لكن فعلا امي ما يبين لها عرق هندي بملامحها

مشكلتها انها دائما لما تروح بقاله او خباز او مكتبه تتكلم مع البياع الهندي بلغتهم
واللي هناك بس يقعدوا يضحكوا عليها و هي تتضايق وترجع تبكي
و اقول لها لا تتكلمين بلغتكم قدام احد تعصب وتقول اني اتبرأ من نسبي لكن غرضي مو كذا انا مابي احد يضايقها وانا اصلا عادي قدام الكل اقول ان امي هنديه
وحتى ساعات اللبس مثل لبسهم رغم ان امي ماتلبس ملابس تقليديه

تعبت وانا اشوفها كل مره تبكي وتتضايق وهي امي معانده اساسا
يعني مره رحت معاها المول وقامت تهدر مع وحده هنديه و صوبنا ثنتين سعوديات وماكانو متغطيات عدل يعني مو ساترات و قامو يضحكون ووحده تقول هذي شكلها متعلمه لغه الهنود و الثانيه تقول لا باين انها مشتطه ومايدرون اني بنتها و ماقدرت اتحمل لما شفتها متضايقه عصبت عليهم ووبختهم على لبسهم بعدها سكروا العبايه ومشوا

امي مشكلتها تخاف تتكلم لاحد لكن حساسه وبسرعه تتضايق
قلت لها يا ماما انتي تعرفي تتكلمي زينا خلاص عرفتي طبعهم لا تتكلم قدامهم
قالت وش فيها لغتنا ووش فينا الهنود ومدري ايش
قلت لها ماما مو انتي ولا لغتكم لكن انتي تعرفي انهم ناس مو متحظره و بس يضحكون و يتمسخرون

>>>>> ردود الأعضـــــــــــــــــــاء على الموضوع <<<<<
==================================


عادي خليها تاخذ راحتها لا تضغطي عليها

والله يعنكم على ما ابتلاكم به


يعني لو شفتي احد يضحك عليها فشليه قولي خير مو عاجبك خلقة الله
او قولي خير شايفين قدامكم مهرج
ترا لو رحتو الهندو وتكلمتو بلهكجتكم قداهم كمان راح يضحكون عليكم فهل تحبون احد يضحك عليكم ؟؟

الرسول صل الله عليه وسلم قال لا فرق بين عربي ولا اعجمي الا بتقوى

المهم فشليهم اي احد يضحك على امك فشليه ولا تعطيه وجه ابد عشان مرة ثانية يعرفون ان الله حق

قطيعة اكره الي يستحقرون الناس يا خي كل انسان ربي خلقه على طبيعته
اذا مو عاجبك روح اسال الله قول ليش خلقته كذا

استغفر الله بس ناس تحط نفسها بمواقف بايخة الله يهدي الجميع


__________________________________________________ __________

آآآآوووووووو.... بالعكس والله حلوووو انها هندية وخليها ع راحتها تتكلم وافتخري انتي كمان فيها واذا شفتيها تتكلم مع احد بالسوق والناس تناظر خلك عادية مو تعصبي .. وليه التعصيب يبين انك موو حابة لغة امك بالعكس حبيها وبوسي راس امك وامسكي فيها حتى لو النااس تناظرر .... هااااذي امك لاتجرحي قلبها كل شي تحبه انتي حبيه لاتدخلي فيها بشي لانها الحياااة الي حبت تكون فيها ....


__________________________________________________ __________

عادي ما فيها شي والله
إذا ع الناس اووو الناس ما عاجبها شي
بس خلك معاها علشان تكون معاها قابليه للتطنيش
كل ما سمعت كلام جارح او ردات فعل بذيئه
و لا تنحرجون هذا من الله حبيبتي..


__________________________________________________ __________

تجآهلـي كلآم ألنآس لأنه مآبيخلص أبداً أبداً أبداً !
بآلعكس إفرحي وإفتخري بوآلدتكِ ، وإللي يضحكِ هآذي دلآلة على رقي أخلآقه وتحظره !
قولي لهآ يَ مآمآ تجآهلي كلآمهم ومآعليكِ منهم ، سوآء تحدثت بأي لغـه لهآ كآمل ألحريـه ")
وصدقيني لو كآنت كآملة وألكآمل وحده تعآلى سيبحثون عن عيب ليضحكوآ ويتحدثوآ عنه ..
وفقكِ ألله ووآلدتكِ ورزقكِ برهآ "


__________________________________________________ __________






صراحه ماله داعي لا ردت فعل امك ولا ردت فعلك مع اني ردت فعلك ناتج عن ردت فعل امك
و هذا اكييد من حقققكك بالعككس ما عليها من الناس خليهم يضحكو و يقولو اللي يبو
فيه رب يحاسبهم و ربي مو غافل عنهم بالعكس خليها تفتخر بكلامها و جنسيتها خليها تعتز بنفسها و بدل ما تبكي تضحك و ترفع راسها ايوا انا هنديه و اتكلم هندي و بعدين !


انا اعششق الهنننوود احبهم حب جنوني كل شي فيهم احببه مع ان فيه ناس يقللون من هالشي بس بالعكس انا اقول ايه احبهم و اعشقهم وش زينهم

حتى نفسي اتعرف و اتكلم لغتهم و اكتب كتابتهم بس احسها صعبه لكن مافي شي صعب ان الواحد يتعلم الشي اللي يحبه

انتي ساعديها انها تفتخر بكلامها و جنسيتها و شجعيها و خلو العالم و الناس اخر همكم مافي احد ما يفتخر بجنسيته و كلامه يعني احنا مو احسن الناس ولا ملائكه ممكن فيه ناس تتريق على لغتنا و جنسيتنا و مع ذلك نفتخر بلغتنا و جنسيتنا
و اذا كان سالوني عن بلدي الام الثانيه لجاوبتهم الهند

i love my india
i love my india
i love my india
i love my india