عنوان الموضوع : ولد عمي دخل غرفتي وطقني وبعدها ! مجابة
مقدم من طرف منتديات نساء الجزائر

ولد عمي دخل غرفتي وطقني وبعدها !



مرحبااا اشلوونكم موضوعي مومشكله لا انا متفشله ومنقهره من تصرف ولد عمي حيل حيل صج انا غلطت بس ماله اي حق يسوو جذي بقولكم الي صار انا من اسبوعين صورت بنت عمي صغيره عمرها 3 تصير اخت هذا الولد ولد عمي كنا وقتها بلبر صورتها مع اخوي الصغير عمره 4 وكان يبوسها مع شفايفها وطبعا خواته موجودات وشافو الي صار عادي ماقالو شي وخواتي بعد ويوم رديت البيت انا عندي حساب بليوتيب كله مقاطع ضحك اطفال انا ماكان علبالي والله انشر الفيديو بس اختي الصغيره عمرها 12 تقريبا ركبت علفيديو اغنيه رومانسيه وعجبنا حييل وكان مضحك وامي بعد شافته اقترحو علي انشره من باب الضحك وجذي انا نزلت الغيديو وانتشر الفيديو بس مووايد يعني المهم اني دزيت لبنت عمي وورت امها مرت عمي وبعدها شافه اخوهم هم بنات عمي ابوهم واخوهم هذا بس معقدين حيييل ومخنقين على بنات عمي عيشتهم لدرجة مرات اجيبلهم ملابس حلوه وكروت انترنت كله بلخش لان اهلهم مايرضون غير عن اهلي تماما احنا لنا حريتنا وراينا ونطلع والحمدالله المهم المصيبه عقب مادرا ولد عمتي وشاف الفيديو انجن وقام يصرخ وطق خواته وقال انا الحين رايحلها والله لذبحها دقت علي وحده منهم وقالتلي انا ماهتميت وقلت يولي شنو بيسوي يعني ؟مادريت الا بلي يصرخ تحت بيتنا واه وقتها ماكان ولا ريال بلبيت انا واخواتي حتى امي موموجوده المهم دخل ومسك اختي من شعرها الهمجي وقالها وين غرفة فلانه الي هي انا وبعدها صعدلي وكسر الباب ودخل علي وانا بلبجاامه الي مايستحي وكنت وقتها علاب ونزع عقاله وقام يطقني اخ بس اول مرا انطق بحياتي لا ومن منو من ولد عمي ياريت ابوي ولا امي لا ولد عمي بس ماسكتله دزيت وجو خواتي كلنا مسكناه وطقينا بس مهما كان يظل ريال مانقدر عليه وبعدها دخل ابوي حياتي هو يا مخترع ومسك ولد عمي وحذفاه برا البيت وقالنا شنو السالفه قتله جذي وجذي بعدها شاف الفيديو ابوي دق عولد عمي وقاله سالفه تافه ماتسوا متهجم على بناتي بسبتها ياكل* مر اسبوع عسالفه قمت اروح الجامعه وارد مع ابوي لان متحلف فيني اذا مامسحت الفيديو بيمسكني ويذبحني بس انا قلت موعلى كيفه امشي بمزاجه والله لاقهرها واخلي التعليقات عشان ينقهر زياده الحين بعدها بيومين مسحت الفيديو لان ماقدرت اتحمل ابي اطلع مع رفيجاتي نفس قبل استانس ارتاح موقادره بسبته كلما اطلع لازم ابوي وياي او امي فقالت امي مسحي وخلاص مسحته وانتهى الموضوع لكن المصيبه الي طاحت على راسي ان ابوي قاله مثل ماكشفت على بنتي وهي بلبجامه تي اتقدملها والحقير وافق احس بينتقم مني اليوم دزلي مسج واعتذر وقال اسف علي صار وانا عجبتيني ذاك اليوم ودام ابوج الي اقترح الزواج بتقدملج رديت دزيتله لو كنت اخر ريال بلعالم ماتزوجك لان فوق الي سواه اصلا هو انسان معقد ومريض لايمكن افكر فيه كزوج بس مارد علي وامه كلمت امي قالتلها متى تبون الملجه لان قالت مانبي مشاكل بين العائله وبيتقدملها ان شاءلله شنو اسوي بنات اكلم ابوي وارفضه ولا اخلي الرفض يجي منهم واخاف اذا رفضت ابوي مايرد علي لان مصر على رايه والله ابوي طول عمرنا كان يقولنا ماعاش الي بيغصبكم على شي ماتبونه مادري الحين شفيه مصر قالتلي بنت عمه ان اخوي قال لبوج شي قوي خلاه يوافق عليه موبس ان كشف عليج بس مادري شنو سووري طووولت عليكم شووري علي حبيباتي وبلييز نزلو موضوعي

>>>>> ردود الأعضـــــــــــــــــــاء على الموضوع <<<<<
==================================


يووووه متهجم عليكم ومد ايده عليكم..
و من كلامك انسان صعب المعشر كيف بتتحملين تعيشين معاه!
و دام ابوج ما يغصبكم ع حاجه روحي
و كلميه و قولي انا ما ابيه ، و انت ما عودتنا ان ننجبر
على شي ما نحبه ..


__________________________________________________ __________

اولا انتي غلطتي بتصوريك الاطفال وهم كذا
مهما كان هذا الشي عيب وحرااام ورح يكبرو

وهم متعودين ع هل الشي بيظنو انه شي عادي
لازم تفهمي اخوكي انه عيييب والعلم في الصغر
كل النقش في الحجر
كان ممكن يبوسها ع خدها او راسه مو شفايفها

استغفر الله هذا راي
والمشكله الثانيه انه ضربك صح غلط بس انتو
كمان اخذتو حقكم منه اجتمعتو عليه وضربتوه
وبالنسبه انه بيتقدم لك ارفضيه قولي لبوك ما مابدي ياه


__________________________________________________ __________

لآحول ولآ قوة إلآ بآلله ..
بآلحقيقة أخطأتِ يَ قلبي ، وهو مآقصر حسبي ألله على إبليسـه !
ألمُهـم ..
حآولي تتفآهمي مع وآلدكِ لأن ولد عمكِ من تصرفآته ألهَمجيه وأسفـه على هآلكلمة ..
مآيتعآشر أبداً فكيف بتعيشي معآهآ ألعمر كلو !
إدعي ربكِ يبعده عنكِ ، كذآلك تأكدي إن إللي بيصير رزقكِ وخير وحكمة مخبأة لآيعلمهآ
إلآ ألله سبحآنه ، إن صآر وأخذتيه تأقلمي صحيح صعب بس أحسني ألظن بآلله
وإن كآن ليس نصيبكِ لن تأخذيه لو إجتمعت ألأنس وألجـن !
موفقه يآرب ، ألله يقدم لكِ إللي فِيـه ألخيـر ")


__________________________________________________ __________

معليش بس اللي انتي سويتيه كبير

صحيح انه هو غلط وتهجم على حرمة البيت لكن انتي بعد سويتي شئ كبير


شوفي انا اشوف انه بيصير بينكم قصة حب

سمعتي المثل اللي يقول

مافي محبه الا بعد العداوه

ههههههههههههه

حطي في بالك انه انسان يغااار


__________________________________________________ __________




ربي هو الوحيد اللي يقدر يطلعك من هالمحنه

قومي الليل ساعه قبل الفجر افضل وقت و الجئيله بالدعاء و الاستغفار و اشتكيله حالك ووضعك و قوليله اي شي يخطر فبالك مع انه عارف كل شي
بس يحب العبد اللي يلجاله و يلح في طلبه

لعل الله يحدث بعد ذلك امرا ان مع العسر يسرا

كل امورنا بين يدين الله يغير بس ما يتغير

الدعاء سلاح
الاستغفار سلاح
لا حول و لا قوة الا بالله سلاح
احب الكلام الى الله سبحان الله و الحمدلله ولا اله الا الله و الله اكبر سلاح

كررييههمم و استمري فيهم لا تياسي ولا تتحطمي ولا تخافي

توكلي على الله و كفى و من توكل على الله فهو حسبه

و صدقيني هالخوف و القلق راح يروح و يتلاشى اهم شي الثقه و الامل و التفاؤل و حسن الظن بالله

اضافه لهذي المواضيع اسال الله لك الفائده و الاستفاده

الاستغفار ...وقصصنا هنا نتشارك قصص الاستغفار
فضل الصلاة على النبي صلى الله عليه و سلم
فن إتقان الدعاء سر كوني سيغير حياتك
توكل وستحقق حلمك
قانون الظن
قيام الليل



و اسال الله الحي القيوم باسمه الاعظم و باسمائه الحسنى و صفاته العلى الذي اذا سال به اعطى و اذا دعي به اجاب ان يفرج كربك و يزيل همك و يستر عليك بالدنيا و الاخره و يبعد عنك كل شر و من فيه شر و يرزقك من حيث لا تحتسبين