عنوان الموضوع : الموضوع مو هين تكفون عطوني صرفه ( أذكر التفاصيل ) -تم الاجابة
مقدم من طرف منتديات نساء الجزائر

الموضوع مو هين تكفون عطوني صرفه ( أذكر التفاصيل )



السلام عليكم
انا شاركت مشكلتي و كثير طلبو التفاصيل و قالو ﻻزم توضيح و كثير فهمو خطأ عشان كذا ارجو كل الرجاء من اﻻداره ينزلو مشكلتي هذي ﻻنها بتهلكني و مالي غيركم اشكيله تكفون ساعدوني
بنات حريم تكفون رجيتكم ابدخل صلب الموضوع اغلبكم متزوجات و مقبلات عالزواج**
و كلكم ما ترضون على ازواجكم و تغارون كثير و توسوسون و هالموضوع مجنني كثير انا عمري 17 و زوجي عمره 27 و ما يقرب لي أنا وافقت هالونج ﻻنه نصيبي و ما شفت شي يمنعني من الزواج شفت أن انا قد كل حاجه و اقدر أتحمل المسؤولية ﻻني لو بعطي نفسي عمر بقول 25 حتى اللي يشوفني يعطيني 20 وربي و بدون مبالغة ناس كثير قالت هنا عين زوجك فيك كثيييرر و انا ماني مقصره في حق زوجي بأي حاجه وربي اني أتحمل حتى التعب المؤلم عشان ارضيه اسوي كل حاجه عشان ما يقول قصرتي في حقي والله اني اسويله كل كل كل كل شي عشان ما أعطيه فرصه يطالع أو يفكر في وحده ثانيه اسوي أكثر من طاقتي و يعلم الله اني جميله و رزينه و أخلاق وربي الشاهد حتى أن يوم زوجي قالي بديتي تسمنين جوعت نفسي وﻻ أكلت شي و أقرت إعجابه فعلا بالموضوع كل شي وﻻ انه يطالع وحده غيري و انا متزوجته من ست شهور زوجي تفكيره شوي قديم و محافظ على صلاته ممممره هو قد سافر امريكا قبل يعرفني بعثه و جلس سنه و نص و من يسلم اذا راح امريكا و رجع و عادي و خطبتني أمه و شافني و شفته وو سألنا ووافقنا و الحمدلله الرجال ما شفت عليه أي شي يثير الفضول زوجي اذا قلت له بضيفك في اﻻنستقرام _ تويتر _ فيسبوك ....إلخ يقول انا ما أضيف أحد أعرفه شخصيا و مره لقيت حسابه في اﻻنستقرام و شفت المضافين عنده مو كثير 11 بس و شفتهم كلهم رجال ما عدا وحده امريكيه منزله صورتها بس و هو الوحيد اللي معطي الصوره ﻻيك و معلق ( U look so pretty sweetheart ) انتي طالعه حلوه مره ي حبيبتي أو عزيزتي انا انصدمت ﻻ جمال وﻻ رزه وﻻ شي لكن ما ردت عليه طبعا انا مسكن نفسي يومين و في هاليومين حسيت نفسي بموت عشان أهله كان فيه بس م قدرت أمسك نفسي و مره كان بغرفتنا و سالته انت تحبني عاجبك شكلي انا مقصره عليك بشي انا ضايقتك بشي و يرد بأجوبه شوي و تبكيني ممممره حلوه بس حسيت وقتها ماني مصدقته بالمره و كنت اضحك في نفسي و سألته اذا شفت علي شي كبير الحين بتكلمني فيه وﻻ ﻻ قال الحين بقولك وقفي و بعدين اتفاهم معك و قلت طيب و قام يسألني وشفيك و قولي قولي و أصر علي لين وريته اللي شفته الصوره و التعليق خبص معرف وش يقول و بعدين قام يقول هذي من زمان عندي و ما بيني و بينها شي و هذي كانت مع البوي فرند حقها و انا مالي شغل فيها و هي اللي ضايفتني من الفيس بوك و أن التعليق و اللايك كان مجاملة ﻻ أكثر و أنه نساها تهاوشنا شوي قلت له يعني هي عندك في الفيس بوك و كيف تجاملها و حبيبتي و طالعه مره حلوه انا مو مصدره أن الشخص اللي يقول انتي حلوه و حبيبتي يقولها لوحده ثانيه بعدين هديت و نسيت السالفة وﻻ كأن شي صار و بعد وقت شفت حسابه اﻻنستقرامي حذف إضافتها طبعا انا من هالموقف ماعاد وثقت فيه نفس اول صرت أشك به و أنا غيرتي تدمر بلد لكن قدامه ماني موضحه هالشي دايما اذا تفرجنا فلم أو مسلسل يقول شوفي كيف ﻻبسه شوفي اضافرها كيف راسمتها حلوه و هذيك أحلى و مدري ايش و شوفي صدرها انا ابكي من داخلي كثير ليه يدقق في هالامور طيب دقق فيني مافيني شي ينفر كل شي الحمدلله رب العالمين الله ﻻ يحرمني من هالنعمه بس والله اغااااار مره فتحت لي حساب في الفيسبوك و قلت له عطني حسابك قام يتهرب و فتحت في التويتر و قام يتهرب هو يقول انا ما أضيف أحد أعرفه مره كنت جالس جنبه و كان هو داخل لتويتر واللي ضايفهم حسابات عالميه بس كوره و اخبار و11 حساب بس من ضمنهم بنت وحيده انا انجنيت ليه يسوي كذا حرام عليه وربي انا مره مره موسوسه وش هالرجال اللي كذا حتى ما يقدر تعبي عشانه تحملت كل حاجه الرجال طيب معي و محافظ ع صلاته و يحب أهله مره بس ليه عالمنا طيب دامهم من الماضي خليها من الماضي و احذفهم الحين انت تزوجت احترم عالاقل الشراكة الزوجيه اللي بيننا خاف ربك و صونني زي ما انا صاينتك وش سويت لك عشان تسوي كذا و انا كل ما ناقشته بشي يحطني انا الغلطانه والله كارهه حياتي و كل حاجه حتى اني مو عارفه أفكر لبس اكلمه بس بعد ما اتأكد و مدري كيف اتأكد هو اذا راح يصلي يخلي جواله و بشوفه أو اني أكون معه و أقول له عطني جوالك و اشوفه كله قدامه مو عارفه وش اسوي والله حالتي حالهدايم اقول في نفسي ما علي منه دامي انا صاينه زوجي و حافظه نفسي هو بكيفه بينه و بين ربه بس ما اقدر اسكت والله ما اقدر اسكت خايفه من كل حاجه مدري إش اسوي كثير قالو ادرسي شخصيته و حلليه دلليه عامليه بحنيه أفهميه جيبي راسه غضي عينه باللي عندك طيب ورب للبيت انا مسويه كذا و رب اﻻيمان مسويه كذا والله العظيم اني كذا بي عجزت عجززززززززت ساعدوني تكفون وربي اني خلطت و عصرت لكم كل مشاعري و اكتب و دموعي بعيني تكفون اتقذوني

>>>>> ردود الأعضـــــــــــــــــــاء على الموضوع <<<<<
==================================


اختي الغالية
غيرتك يدمر بلد !!!!!!!!!!!!!!!
قلتيها بنفسك
يعني حاولي تغييرين من نفسك قبل لا تغيرينه من طبعه
صدقيني الرجال لي محافظ على صلاته مرة
ويحب ويخاف الله في اهله
مستحيل يضر زوجته ابدا
واياكي والشك والغيرة
لأني قلت سابقاً دمار علاقة زوجية ولا تنسين فترة زواجك قليل
يعين شئ طبيعي تغارين وتوسوين
وبالتوفيق


__________________________________________________ __________

الله يهديكي....لازم تصبري وتكتمي غيظك شوي...لازم تعودي نفسك وتروّضي نفسك عالهدوء وتحاولي تتخلصي من الغيره الزايده لان الغيره اذا زادت تصير شك وهالشي بيخرب حياتك


بالتوفيق اختي


__________________________________________________ __________

الله يعينك
هذا ما تفعله مواقع التواصل الاجتماعي
لكن انت قوليلي كيف تسمحي لزوجك يشوف أفلام و نساء و شوفي صدرها و بعدين تقولي تغارين الله يهديك
لا تخليه يشوف نساء لا تفتحي عينيه على أشياء ما عندك


__________________________________________________ __________

انصحك بالاستغفار وقيام الليل والتذلل بين يدي الله سبحانه ان يصلح زوجك ويهديه ويرفع عنك ما انتي فيه وانصحك تكثري من الصلاة على سيدنا محمد عليه افضل الصلاة واتم التسليم

واقرأي قصص الاستغفار بالنت والله راح تتعجبي

الله يفرج همك


__________________________________________________ __________

يا حبيبتي مكبره الموضووع عالآخر..
ليش حارقه اعصابك يا بنت الحلال؟
والله من اسلوبك احسك شوي و تموتين بسم الله عليك..

هذا انتي لحالك تقولين تفتشين حسابه و ما تلاقين شي ما يسرك
عاد إلا إضافه وحده و سويتي عليها حكايه و وسواس غيره!!
بذمتك لو ان مخبي شي عطاك التلفون؟
يتركه لك مفتوح لما يروح يصلي؟
يعني ليش تهدمي يومك و سعادتك و سعادته بشكووك و أوهام ؟

انصحك نصييييحه : اتركي موضوع الغيره عنك و دوري لك اي شي تهتمي فيه
بدل التفكير و تعطين ابليس فرصه يوسولك و يوهمك و ادعي له بالهدايه و يهدي سركم