عنوان الموضوع : ترددت بقبول خطيبي مع حبي له -لصحتك
مقدم من طرف منتديات نساء الجزائر

ترددت بقبول خطيبي مع حبي له



السلام عليكم ورحمة الله وبركاته

انا تقدم لي شخص كنت على معرفة سابقة معه عرفت من خلالها الكثير عن حياته وعن شخصيته اللي اعجبتني كثير وكان يعيني على طاعة الله ووالله فترة تعارفنا قصيرة ولا تطرقنا فيها لمواضيع غير جيدة وكانت مواضيعنا بحدود الدين المهم الولد ماعليه طموح وعصامي وكون نفسه بنفس وله منصب بشركته وراتبه كبداية حياته وصغر سنه مناسب ما شاءالله لكن اللي خلاني اتردد وضع اهله المادي سيء جدا واقل من وضعنا اننا مرتاحين مادين الحمدلله متخيلين ان شاب بعمره هو اللي بيتكفل بكل شي مهر وزواج وشقه !! وهو توه موظف من سنتين بس وهذا الشي اللي ضايقني انه ماخذ قرض الحين وبيخلص بعد سنتين وقرضه ماخذ شي مو قليل من راتبه ، عمره مناسب لعمري وتعليمه وتفكيره مناسب لي لكن وضعه البيئي ووضع اهله المادي ما يناسبني خذيت راي خواتي اللي ماتزوجوا فيه وراي صديقاتي اللي ما تزوجوا قالوا ما يناسبك ولا يريح شكله عشانه مو حلو ولا اهله حلوين وقصار ولاهم راقين ! وخذيت راي صديقة لي متزوجة وراي قريبة لي نفس وضعي تزوجوا من اشخاص اقل منهم ولا عليهم مبسوطات وكان رايهم اوافق الرجال شاريني وطيب ولد حلال .. وهو بصراحه صبور علي وطيب بشكل يصدمني ويقول انه يحاول يعيشني نفس عيشة اهلي ان شاء الله ولاهو مقصر علي وانه اهم شي راحتي .. والصراحه يراعي ظروفي كثير وباله طويل علي ما ادري هالشي لين يتزوجني بس والا بيستمر بعد الزواج

خواتي بدون تجريح انا نفسيتي جدا تعبانه ابي اخذ قراري .. احد منكم تزوج شخص اقل منه ماديا واجتماعيا وكيف كان زواجه ؟ او تزوج بغير قناعه تامة يعني نص ونص مقتنع وكيف صار حالها بعد العرس ؟

>>>>> ردود الأعضـــــــــــــــــــاء على الموضوع <<<<<
==================================


ان شاءالله متزوجات يفيدوج
بس لا تنسين الله يرزقك
انا لو كنت مكانك رضيت فيه
لكن إذ انتي كنتي ما تقدرين تعيشين مع شخص
أقل من مستواك
فهذا شيء ثاني


__________________________________________________ __________

استخيري وحددي موقفج
والقناعة شي مهم في الزواج
والرسول عليه الصلاة و السلام قال ( اذا اتاكم من ترضون دينه وخلقه فزوجوه ... ))
ما قال عليه الصلاة والسلام المستوى والبيئة والشكليات اللي مالها داعي
واذا كنتي من الحين بتشوفينه بنظرة فوقية وانكم اعلى مستوى منه ومن اهله فكيف بتكون نظرتج له بعد الزواج ؟!!!
الله يكتب لج اللي فيه الخير
موفقة

استغفر الله العظيم الذي لا إله إلا هو الحي القيوم و أتوب إليه


__________________________________________________ __________

والله مدري
انتي ادرى بوضعك وتحملك


__________________________________________________ __________

هل كل من يملك المال سعيد
فكثيا من الناس تجد انهم رغم الفقر اسعد
من شخص يملك اموال الدنيا
جاء في حديث الرسول عليه الصلاة و السلام اذا أتاكم من ترضون دينه و خلقه و زوجوه
و لم يقل ماله


__________________________________________________ __________

انا لو مكانك اوافق عليه عادي مافي مشكلة وترا المال يجي ويروح بغمضة عين ماتعرفين متى تفتقرين وتصيرين انتي واهلك اقل من مستواهم

اعتقد لو كنتي انتي مكانه هل راح ترضين انه يقول هاذي اقل من مستوانا

المهم يا ام مستوى روحي دوري مستواكي

والرجال اسال الله ان يرزقه زوجة صالحة صابرة محتسبة تعينه على دينه وامور اخرته وان يسعدهم ربي ويرزقهم الذرية الصالحة ويفتح لهم ابواب الخير من حيث لا يحتسبون اللهم امين