عنوان الموضوع : الله ياخذه ويفكني منه
مقدم من طرف منتديات نساء الجزائر

الله ياخذه ويفكني منه



السلام عليكم
مارح اطول في الكلام بدخل بالمشكلة على طول
انا بنت عمري بالطعش ، امي انسانه محطمة تقريباً كل يوم اشوف نظرة الالم بعيونها مع انها تحاول تخفيها بس ماتخفى على بنتها
سبب تحطيم امي جنتي ودنياي هو ابوي -حسبي الله ونعم الوكيل عليه-

امي صارلها متزوجة ابوي 30 سنة تقريباً ، تزوجته بزررر ، وبقلبها اماني كثيره ، كبرت امي وكبرت امالها معاها مع ابوي ، طبعا امي كانت تتمنى حاجات كثير بحكم انها شباب ببدايت زواجها وكانت لما تفصح لابوي عن امنياتها يوعدها ويعطيها امل ولما يجي الميعاد بكل بساطه يقول -ماعندي فلوس اجيبه-
امي قلبها طيب تمّت تسامحه وتعذره ، ثلاثين سنة وامي تقول له -ياقلبي يابو فلان معذور-
وكانت تقوله اذا ماتقدر على الشي انا عاذرتك لاتوعدني عشان ما اتحطم ، المشكلة انه ماكان يتوب ، وامي ماعندها الشهادة عشان تتوظف وتجيب من فلوسها اللي تبيه .. والله لين قبل كم سنة وابوي يوعد بامي ويخلف لي ما امي تحولت لانسانه محطممممة الى اخر درجة ، امنيات امي جداً بسيطة ، لكن ابوي مشكلة ، مع ان راتبه عااالي ويقدر لكن بخيل ويمسك الريال ، ومايعطينا انا وامي الا بطلعة الروح كل شهر وبعد تذلل وقرف ، انا -حامت كبدي- ممممن جد ، كل صباح لما تقومني امي اروح اداوم واشوف الامل اللي باقي بعيونها ، طبعاً امل بربي ثم فيني لما اكبر واتوظف احقق لها اللي تبي ، والله اداوم واشد حيلي عشان اشوف الفرحة بعيونها لما اجيب الدرجة العالية اللي تفرح قلبها ، اما الامل بابوي انقطع من زمان ، ماتتخيلون شلون يتقطع قلبي لما اشوفها عند خالاتي وهي تشوف الشي البسيط اللي نفسها فيه موجود عندهم ومحروم منها وتكابر وتوضح انها مبسوطه لهم وماتبي هالشي وتوضح انه مو قاصرها شي
حاولت اكلم ابوي بهالسالفة ، بس يقول ان ظروفه تتعبه ومن هالكلام وان الراتب الجاي لكم اللي تبون ، بس يجي الراتب تنعاد حركة التذلل عشان اخذ فلوس ، انا مابي فلوس عشاني ابيهم عشان امي تشتري اللي تبي ، ولما اكلمه ويشتد النقاش يزعل ويطنقر ، الاشياء اللي تعجبه ويبيها حتى لو كانت تافهه ، يجيبها لنفسه ويونسها ، بس الاشياء اللي تعجبنا انا وامي يرفض لانها بنظرة -مش مهمة وانتم حريم تافهات كل شي تبونه-
الخدامة لما تبي شي يجيبه لها بسرعه ويعلي راتبها ، ولاتقولون لي ساحرته لان حنا عايله محافظة على الاذكار والقران الحمدلله ، ولما كنا نبي نأجرها عشان نستفيد ونغني انفسنا عنه رفض بغير حجة ، ويحب المظاهر بشكل ، لدرجة لما ابي منه شي احاول اطلبه قدام عماني او خوالي لانه يعطيني وبكل سرور والضحكة ممليه وجهه ويبتسم ويقول -من عيوني كم عندي بنيّات انا ، خوذي واشتري اللي تبينه- بس لما نصير لحالنا واتطلبه يرفض يخرب بيت المظاهر يارجُل
هذا غير الكسل ، لما ابي منه مكان يوديني له يرفض لانه متكاااسل ، حتى مره كنت ابي المستشفى ولا وداني لانه متكاسل
ببساطه انا مُبتليه بـ أب اناني ، بخيل ، اقل شي يزعله ، ويكره الانتقاد ، وكسول ، ومع كذا مجبوره اشوف وجهه كل يوم
انا ماهمتني نفسي قد ماهمتني امي والالام اللي اشوفها فيها

تقدرون تعتبرونها فضفضه اكثر من كونها بحث عن المساعده ، ان كان عندكم شي ممكن يساعدني عطوني ، وان كان ماعندكم -دعوة باخر الليل مايردها ربي ان شاء الله- تكفيني
وبس ، اتمنى ينزل موضوعي

>>>>> ردود الأعضـــــــــــــــــــاء على الموضوع <<<<<
==================================


ربي يفرج همك ويحنن قلب ابوك عليكم ويخلي لك امك ويحقق امنياتها والامل فيك اذا كبرتي وتوظفتي ..شوفي لك شغله تكسبين منها ..وتساعدين امك ..
ربي يصبركم ويفرجها عليكم ..وادعي دايماً في سجودك ان يحنن قلب ابوك عليكم ..والزمي الاستغفار ..دمتي بود


__________________________________________________ __________

إحمـدي ربـكِ أولآ وأخيـراً يَ ألغآليـه ..
أبوكِ تحبيه مهمآ كآن جلمود وأنآني ومآيحب إلآ نفسه !
فقدآن ألأب ضيآع حبيبتي ، إدعي بدل ذآلك أن ألله يهديه ويسخره لأمكِ ويحنن قلبه عليكم ..
تفآهمي معآه بهدوء وبإسلوب حسن ، بإذن ألله يرق قلبه ...
إجعلي وآلدتكِ وأنتِ ملتزمآت بألأستغفآر فله نتآئج عجيبة ، ألله يعينكم ..


__________________________________________________ __________

ادعي له بلهدية لنك جالسة وعايشة تحت سقف بيته
وان شاء الله ما ننساكي من صالح دعاء


__________________________________________________ __________

الله يفرج همك


__________________________________________________ __________

مالك الا الاستغفاااااااااااااار ياشيخة افتحي النت واقرأي قصص تفريج الهم بالاستغفار وربي راح تقولي ويني من زمان عن هالشي

اتصدقي عشان الله يحنن قلب ابوكم عليكم وصلي بقيام الليل ادعي واستغفري كثير انتي وامك

اسال الله يهديه ويصلحه