صار عندي غباء قوي بسبب ابوي -لصحتك
عنوان الموضوع : صار عندي غباء قوي بسبب ابوي -لصحتك
مقدم من طرف منتديات نساء الجزائر
صار عندي غباء قوي بسبب ابوي
السلام عليكم
ابوي رجل متقاعد عمره في الستين
انا اعاني منه ثرثاااار بقوه يتحكم في كل صغيره وكبيره عندي
اتعب ونا اتناقش معه احس يرفع ضغطي احس بضيقه احس قلبي يعورني
مره ثرثار مو قادره استحمل
وانا عندي راتبي يعلق على كل شي اشتريه
ذابحني كانه من عنده
هو ياخذني للدوام ويردني للبيت وطول الطريق يقرق على راسي
وانا اذا جيت اتكلم مع الناس
اقول كلام مخربط مو قادة اتكلم بكل ثقه من زود البهدله اللي يبهدلني اياها
والناس تضحك علي احسهم يعتبروني وحده غبيه بسبب طريقة كلامي
خلاص مو قادرة كثير يحن ابوي
ساعات يضربني
مالي عذر عنده ابد
وانا مطلقه وكل مرة يسمني بكلام
دايما يعايرني
يحب عياله اكثر مني انا كأني مو بنته واصغرهم
سبب لي قولون عصبي ومعده ويمكن القلب او الغده الدرقيه
وهبوط بالضغط كثيييييييييير اشياء
خلاص تعبت وماقدر اسوي شي
ابي ارجع اتكلم بثقه مع الناس بس
مابي اموت قهر بسبب ابوي والناس بعد
>>>>> ردود الأعضـــــــــــــــــــاء على الموضوع <<<<<
==================================
حبيبيتي هذا ابوج رميتي كل السنين اللي رباج فيها وعلمج وتعب عليج وبعده يتعب في توصليج للدوام
ومسكتي عليه انه يتكلم واااايد وهو بهالعمر اذا انتي بنته مب قادرة تتحملينه
منو بيتحمله الناس اللي مالهم علاقة فيه ؟!!!
بعدين ما ادري ليش كل شي يصيبنا نرميه على غيرنا
الله كاتب انج تمرضي بالقولون والمعدة ؟!!! ابوج شو دخله في هالموضوع
الله يهديج
استغفر الله العظيم الذي لا إله إلا هو الحي القيوم و أتوب إليه
__________________________________________________ __________
السلام عليكم ورحمه الله وبركاته ...
غاليتي ~
جميعنا نعاني من مشاكل مع الاهل وهذا لا يعني
ان نكرههم او ان نتخذ الامور بسلبيه والدك سيظل والدك
الذي رباك وعلمك وانفق ماله عليك سيظل الوالد الذي
اوصى الله بطاعته لا بكوز قول كلام كهذا على والدك
وإن كان صحيحا فعليك التعامل مع الأمور بعقل رشيد
وقلب قوي لا تجادليه كثيرا فقط اجيبي بنعم او كما يريد
عززي ثقتك بنفسك تقربي الى الله واكثري من الاستغفار
حاولي ايجاد الاخطاء في حياتك ومن نقطة الصفر حاولي من جديد
صنع شخصيه مختلفه واثقه بنفسها تذكري ان بر
الوالدين طريق للجنة وتذكري ان دعوة الوالد على ولده مستجابة
اجعلي غايتك الآخره فالدنيا دار زوال ...
وفقك الله وهداك وفرج عنك عاجلا غير آجل ~~
__________________________________________________ __________
ابني العزيز
عندما يحل اليوم الذي ستراني فيه عجوزاً .. أرجو أن تتحلى بالصبر
وتحاول فهمي
إذا تحدثت إليك وكررت نفس الكلمات و نفس الحديث آلاف المرات .....
لا تضجر منى لا تقاطعني .... وأنصت إلى وتحمل تكرار اسألتي
عندما كنت صغيراً يا بني , كنت دائماً تكرر وتسأل وانا اجيبك بصدر رحب
إلى أن فهمت كل شئ
هذه رساله من اب الى ابنه
احمدي الله على نعمه الأب غيرك محروم منها
__________________________________________________ __________
هذه المشكله مو معناته انك ماتكوني تحبي والدك
انتي اساسا فهمتيه غلط
هو ليش دايما بيتكلم معك بالطريق ؟
علشانه يحبك انتي بنته
هو يحس انه مايتقرب منك كثير
دايما مع اخوانك
علشان كذا هو يحاول يتقرب مع بنته العزيزه
حتى لو كان كلامه يضايك
انتي ابتسمي
تخليه يعرف انك مو زعلانه منه من شيء
ترى الاباء زي كذا
ابوكي اصلا يحبك وهو الي بيوصلك للدوام ويحاول انه يسعدكِ
اتمنى فهمتيني
في آمان الله
__________________________________________________ __________
الله يهديه
رد مع اقتباس
