عنوان الموضوع : ابو زوجي تصرفاته لا تحتمل الطبيب يجيب
مقدم من طرف منتديات نساء الجزائر

ابو زوجي تصرفاته لا تحتمل



مشكلتي مع اهل زوجي او بمعنى اصح مع ابو زوجي انا ساكنه معاهم بنفس البيت شقه زوجي بناها بداية زواجنا كان زوجي على قد حاله ومع ذلك ابو زوجي ماساعد زوجي بريال قال له اعتمد على نفسك وانا الحقيقه مادري ليش ماساعده بشي هل لانه ماعنده امكانيه عشان يساعده الله اعلم بس النتيجه ان تزوجنا والشقه فااااضيه مافيها الا غرفة نوم وحمام الله يكرمكم شوي شوي بدا وضع زوجي يتحسن بالعمل وبدينا نكملها حبه حبه وفي هذا الوقت ابو زوجي دائما كان يسأل زوجي عن وضعه بالعمل وكم راتبه وصل وزوجي مايخبي عن ابوه شي ووقتها ابو زوجي قرر يعمل تجديد بالبيت و قال له لازم تساهم زوجي مضغوط لانه باقي اشياء كثيييير مانعملت بالشقه ومن الاساسيات زي المطبخ وابوه يضغط عليه بالمساعده ولانه زوجي يحس بالواجب تجاه ابوه ويبي يرد له الجميل يعطيه حتى لو على حساب راحته بس ابو زوجي ظل يطلب ويطلب مبالغ منه مع ان احنا عندنا نواقص اساسيه وهو يطلب عشان تجديد يعني شي ثانوي انا بديت اعصب واتهاوش مع زوجي وقلت له انت تظلمني وتقصر معي كذا زوجي حس انه بهدلني كثير وتعاطف معي لاني جد مخنوقه تفاهم مع ابوه ان يبي يكمل الشقه واذا خلص منها ابشر بالخير ابو زوجي ماتفهم وزعل من ولده بس بعدين زوجي اخذ بخاطره و قال له انا اوعدك اعطيك بس اصبر علي شوي مع الايام ابوه تفهم وكملت شقتنا كلها وساعد ابوه وانتهينا من المشاكل و زوجي جت له ترقيات كثيييييييره و صار راااتبه كثير ضعف راتبه السابق بمراااحل و انا توظفت براتب ممتاز و صرنا متبحبحين كثير بس ظل ابو زوجي يسأل كم راتبك وصل ومازال زوجي يخبره و زوجي يساهم بكل شي و يعطي امه مصروف ويزيدها بين فتره وفتره وانا اشجعه وحتى لم يطلب ابوه شي ماله داعي ماتدخل بين الاب و ابنه اذا ماكان يسبب لي ضرر المهم مرت الايام و قررنا نشتري ارض ابو زوجي عنده ارضين قال له انا راح ابيعك وحده بسعر زهيد مره بس بشرط ماتبيعها تبنيها زوجي وافق و كان باقي له شهرين ويسلمه المبلغ واحنا خططنا على هالاساس و زوجي يبي يوفر له المبلغ بأسرع وقت المهم قبل اسبوع بس قال شوف انا ببيعك صح بس حط في بالك اذا جيت تبنيها تعطيني الطابق الاول انا و امك زوجي تضايق من هالقرار وانا بعد .. زوجي حريص على امه و ابوه وناوي من غير ماابوه يوصيه بيعمل لهم جناح خاص فيهم .. بس عاد مو طابق كامل و اخسر مساحه كبيره بيصير كأني طلعت من شقه وسكنت شقه ثانيه .. المهم زوجي ماعجبه وقال له انت مكانك محفوظ في بيتي بس انا ابي اصمم بيتي بكيفي عشان كذا انا مابي الارض خلاص .. قال اجل سلفني انا ببنيها لي طابق .. زوجي وافق** يسلف ابوه مبلغ مرررره كبير .. قلت له اخاف ابوك مايردهم .. مره عصب علي وقال هذا ابوي ولو ماردهم عادي قلت له المبلغ مو قليل واحنا ماعندنا حتى قطعة ارض .. ظلينا اسبوع في خلاف وصراع على هالموضوع وقلت له كيفك اللي تشوفه صح سويه وان شالله ماتندم على قراراتك .. قال لي شوفي يابنت الناس الا امي و ابوي تراهم بيكونوا عندي في بيتي سواء ابوي ساعدني او لا وحطي في بالك بيسكن بيتك في المستقبل وغصبا عنك تتحملين اهاناته وتصرفاته انا مره زعلت على نفسي وكل ليله ابكي على حالي و قلت ابوك على عيني وراسي وانت تتحملهم لانهم والديك بس انا بحاول اضغط على نفسي واتحمل عشانك وانت المفروض تقدر هالشي .. وللحين وضعنا مخربط ومتوتر .. يمكن مشكلتي مالها حل بس جد انا اول مره اشوف ابو يعامل ابنه كذا مايتعاون ولا يضحي عشانه انا ابوي مو كذا ولا اعرف احد مثله.. زوجي اهاني وقال كلام بما معناته ابيعك عشانه انا ماقول يبيع ابوه عشان بس انا لي حق عليه بعد صحيح زوجي اخذ بخاطري وراضاني بس انا لسه مجروحع منه ساعات اقول يمكن رب العالمين يبي يختبره في ابوه وانا لازم اتحمل بس بعد اني لي طاقه مااتحمل .. واصلا طاب خاطري مابي من ابوه مساعده خير شر وحتى سلامي له مجرد مجامله قلبي شايل عليه بس والله لو اقول هالكلام لزوجي ماستبعد يطلقني ولا عندي خوات افضفض لهم و امي مابيها تشيل همي .. بالاخير الحمدلله الله رزقني وظيفه وراتب ممتاز مايخليني احاتي نفسي او اضطر اطلب حاجه منه .. والحين زوجي مايعطيني ولا ريال ومافكر اقول له يعطيني لانه اللي فيه مكفيه من مسئوليه .. انا مابي احد يدعي علي لو على ابو زوجي بس اعطوني حل و ادعو لي ربي يفرج همي ويرزقني الذريه

>>>>> ردود الأعضـــــــــــــــــــاء على الموضوع <<<<<
==================================


لا تكونين مثل قاطعة رحم
انا مع زوجك لو وش ما صار ما راح اقول له شئ لأن مثل ما أحب اهلي راح
أحب اهله
واصبري يمكن أبو زوجك يغير رأيه وما يسكن معاكم


__________________________________________________ __________

تقولي انه ابو ريلج ما ساعد ولا تعاون ويا ولده !!! من اللي كبره وتعب عليه وهو صغير ؟!!!
المفروض ريلج يقوم بكل اموره بدون مساعدة من حد حتى لو محتاج
وصح انه المال زينة الحياة الدنيا ... لكن مب لدرجة انه كل مشاكلكم تتعلق بالفلوس
وكان لازم سالفة انكم تبون تشترون ارض ما يعرفون فيها اهل ريلج الا اذا اشتريتو
عشان ما يتدخلون ولا يغيرو قراراتكم مثل ما صار وابو ريلج سووى
و افضل شي انج ما تدخلين في اللي يصير بين ابو ريلج وريلج
موفقة

استغفر الله العظيم الذي لا إله إلا هو الحي القيوم و أتوب إليه


__________________________________________________ __________

الحين يا حبيبتي الرسول صلى الله عليه وسلم قال انت ومالك ل ابيك هذا ابوووه انتِ قاعده بشقتك والحمدلله معززه مكرمه ولك راتبك عيشي حياتك لا تفكرين ابوه اخذ الفلوس ابوه راح ياخذ طابق كامل ابوه ما ساعده بشي عادي هذا ابوه وامه ترى رضا الوالدين من رضا الله ولا يدخل الجنه عاق الله سبحانه بعظمته اذا الوالدين امروا ولدهم يشرك بالله وهذا اعظم ذنب ما يطيعهم بس يعاملهم بالحسنى وهذا شرك ف ما بالك ب امور دنيا فانيه ما يدري الواحد متى يموت ومايسوى عليه مأذي نفسه وغاثها ف نصيحتي لك عشان ترتاحين انك تعيشين حياتك ولا تتدخلين ابد ابد و و كلي امرك لربك وكوني لزوجك معاونه مدامه على الحق و الله يوفقكم و يسهل اموركم


__________________________________________________ __________

السلام عليكم لو تشوفى ابى يعطى امه واخوانه ماله الى ان كبرنا امى طاق كبدها واقول لها امى عيب عليكى هى بضلها امه واخوانه صحيح مو على حساب امى واخوانى لكن بيضله اهله والاساس خلى زوجك على راحته وان اعطاهم الراتب كله احمدى الله على ما اعطاكى وحافظى على رجلك وخلى علاقتك مع اهل زوجك طيبة ربى يسخركم لبعض ويحنن قلوبكم على بعض ربى يجعل مثواكى وزوجك واهله الفردوس الاعلى تقبلى مرورى اختى الفاضلة


__________________________________________________ __________

الله يفرج همك ..