عنوان الموضوع : يعايرني انتي ريال !!!!!! -لصحتك
مقدم من طرف منتديات نساء الجزائر

يعايرني انتي ريال !!!!!!



السلام عليكم ...
اولا مشكورين على الركن هذا وفي ميزان حسناتكم ..
مشكلتي كل ما تصير مشكله بيني وبين ريلي يقولي انتي ريال يالجونقر يالقو ..
واااايد يعايرني .. بس انا ما اسوي شي .. نرفزني .. انا اداوم بس ما اصرف فلوسي عليه و احاسب ع مبلغ الي عندي واحب اوفر بس هو كلللله يعايرني يالزطيه .. مع اني البس و اتشرى و عندي كل شي واثاث الشقه كلللله انا شارتنا مكلفني 30 الف و غير ان بنتي انا اخذلها للمناسبات لبس تصميم او ماركات غااليه وين الزط ابا اعرف بس جي يبا ينرفزني .. و انا اتنرفز واتم اصيح .. اتخيلوا انا ما يبين علي اني معرسسسه اصلا او انه عندي عيال و محافظه عدل و غير السكربزس و الزيوت و البلازما الي اسويهم و الماسكات و العطور .. ماعرف ليش ..
يعني يطلعني الغلطانه وادافع عن نفسي يقولي اكيد انتي ريال .. تخيلو
مللني .. وانا هالشي حده يكسرني .. انا والله انسانه فرفوشه و متواضعه ويلستي ما تنمل و دمي خفيف بس ويا ما احس هو يحس بكل ها لو اتمصخر يقولي انتي مينونا تخيلو ..
قمت واااايد امثل لما يكون موجود .. ما اقدر اعيش ع طبيعتي .. انا صريحا و عفويه جدا
طلبت يطلقني لان ما اروم صدق اعيش مع ريال جي ..
اليوم صار موقف فجر كل الي فيني .. تخيلوا طالعه من الدوام وانا طالعه لمحت شحفه عل سياره صوب الليت شحفه عووووده .. انا ماعرف منو الي سواها وشرد .. اتصلت فيه وانا طالعه من الدوام .. قتله انا ما شحفت حد ماعرف شو اسوي وكيف بصلح السياره من غير ورقه المرور قالي باجر اتصلي فالشرطه بكل برود قتله ليش مو اليوم ترا توه جفت قالي كيفج قتله برد الدوام بتاكد يمكن انا ضربت سياره الي عدالي بالغلط وسكرت .. وهو بكل برود يكلمني .. ولا قالي ارجعي انا بشوف وبخلص لا تحاتين و لا شي وانا خايفه هاي روحا مخالفه .. رحت الدوام وجافتني مديرتي وماقصرت صورت المكان وطرشته حق ريلها و خبرها ان الموضوع بسيط مو محتاي شرطه .. وهو تصلت فيه اخبره اول ما اتصلت عصب علي اونه انا اصلي وشوها .. وضاربنا .. جوفوا بنات هاي مةب اول مره احتاجه بشي ضروري وانا محتاسه و ما يساعدني .. مره ابوي فاهم موضوع غلط من دشيت بيت بابا عصب علي وقالي ما اباج طبين البيت .. شلت عمري وطلعن وتميت ادور في السياره واصيح اتصلت فيه بكل برود قالي طنشي وردي وانا ميتاااا من الصياح و عقب تميت اكلمه جان يقول انا اجوف مباره يله .. وسكر تخيلوا حسيت انه نذل جد ..
والله مليت من سالفه المعاير ...
ما اقدر امسك روحي يوم يقولي ريال اتم اصيح و اطلب الطلاق واقوله باخذ غيرك يعرف جيمتي ..
مليت قبل كان يقولي ام ريحا مع ان والله دوووم ديوترينت و متسبحه و كل شي و احف الابط دايما .. بس جي يعايرني في اشيا تقتل اي بنيه ..
انا منهاره وعيني منتفخه من الصياح على جمالي الي مو حاسه بهتمامه ..
لا تقولون لبس معاشي كللله ع ومن سيكرت و نعومي .. وغير عن الارواب و الشورتات
وريجيم و رياضه و عشى ما اتعشى عشان احافظ ع جسمي و ماخليت سكربز في السوق و لا في الانستقرام ما اسويه و شنبي دوم محفوف ويهي حاطتله ماسك و جسمي ليزر شو اسوي ...

انا حرمت اتعامل معاه .. احس صعب بس خلاص طفح الكيل حقير ...

>>>>> ردود الأعضـــــــــــــــــــاء على الموضوع <<<<<
==================================


عيشي عشان عيالك وانبسطي وفليها واعتبري انه غير موجود بحياتك...اعتبريه مجرد زوج بالاسم وبس...لاتضايقين صدرك عشان حاجه مافيها امل تتغير...وكمان لاتطلبي الطلاق..دام عندك عيال وعندك وظيفتك ..خلاص عيشي حياتك وانبسطي وكوني لك شخصيه مستقله تماماً



بالتوفيق اختي


__________________________________________________ __________

عليك بالاستغفار الله يفرج همك


__________________________________________________ __________

لا تطلبي طلاق
لكن جلسي مدة طويلةفي بيت اهلك عشان يتادب
انتي كمان عايره واذ قال ليه تعايرني قولي له اقلدك!!


__________________________________________________ __________

المشاركة الأصلية كتبت بواسطة حرق قلبي
لا تطلبي طلاق
لكن جلسي مدة طويلةفي بيت اهلك عشان يتادب
انتي كمان عايره واذ قال ليه تعايرني قولي له اقلدك!!



__________________________________________________ __________

هو اكيد مقهور من شي فبينفس عن روحه استحمليه احسن ما يجراله شي وتتحصري عليه بس ما تردي عليه اكيد لما يهدى بينسى كل شي ولو شيفك هيك اكيد ماكان ارتبط فيكي لا تكبري الموضوع يعايرك وما يخلي حدى يمسك بكلمه انتي خليك جنبه ولو ان الامر صعب واكيد سايبه كثير اشياء وتبقي تسمعي اهانته شوي صعبه
حتى انا بيصير مع حبيبي هيك مرات ولانه بعيد ما بعرف استفسر منه ليه هيك فبحاول اصبر نفسي مع اي احيانا بتفصل عنديالنت وبقوم الدنيا منشان ابقى جنبه ولو انه بيبقى شوي قرصي معي شو اعمل لازم اتحملوا ولاني بخبك بتحملك ربي ما يجيب زعل تصبحوا على خير