السلام عليكم ورحمة الله وبركاته اليوم حبيت اطرح لكم مشكلتي بهذ المنتدى الرائع
انا بنت حساسه بزياده على اي كلمه او اي مزحه ازعل واشيلها بقلبي واصدق الكلام بسرعه
واثق بالناس بسرعه وبعض الناس تخوني واحيانا اطول لساني على اقرب الناس لي
واجرحهم واندم ودائما اتحسس من اتفه الأشياء والله العظيم ويمكن ابكي بعد على اسخف شي
مره صديقتي قالت لي وش دخلك كمزحه بغيت ابكي انا مو صغيره بس ماادري ليش أبكي الحساسية هذي
من يوم كنت صغيره وانا كذا اتذكر اهلي يقولو لي اني كنت طول الوقت ابكي ومع امي
طول الوقت وفي البيت هاديه شوي طبعا الكلام هذا يوم عمري سنه او سنتين تقريبا
انا بنت جايه بعد 3 اولاد واهلي دلعوني شوي عموما اهلي مرا طيبين ومافي احد يصرخ
علي كثير لو احد من اخواني هاوشني ابوي الله يرحمه يدافع عني + انا عندي نقطه
ضعف ثانيه دائما اهتم بكلام الناس فيني وايش بيقولون عني احب اكون رأس المجلس بس محد يعطيني وجه
يعني تقدرون تقولون ضعف شخصيه اكلم اهلي وامي محد ينصحني الكل يطنش واحيانا
اكذب عشان الناس تتفاعل معي بس مايفيد انا احب اني اكون محط انظار الجميع يعني الكل
يمدحني وكذا احس فيني نقص في الشخصيه ماادري ليش احس الناس افضل مني
أبغى اسمع اراءكم وحلولكم
+ انا نزلت الموضوع قبل كم يوم بس مالقيته ونزلته مره ثانيه بس بتفاصيل اكثر
ودي لكم
حساسيتي الزايده مجابة
رد مع اقتباس
