عنوان الموضوع : مخنوقه وحبيت افضفضلكم مجابة
مقدم من طرف منتديات نساء الجزائر

مخنوقه وحبيت افضفضلكم



السلام عليكم ورحمة الله وبركاته
كيفكم بنات
انا حأدخل في الموضوع على طول
انا دحين عمري 23 سنة ولدحين ما اتزوجت مع انو احس ما ناقصني شي بس مدري ليش ما جا نصيبي لدحين
وغير كدا انا كنت احب قريبي وجلست احبو 10 سنين تقريبا وهو كمان كان يحبني وبعدين سارت شويه مشاكل بيننا ووقتها تركني مع انو المشاكل الي سارت عاديه وما تستاهل بس هو بيقول انو انتي محتقدري تعيشي معايا ومافي نصيب بيننا
المهم انا حاولت اتعرف على غيرو واحبو بس ما قدرت<< ما قدرت مو عشان احبو بس مدري مو عارفه كيف البنات يتعرفو على شباب وفجأه يحبوهم احس الحب يجي من عند ربنا ومو على كيفي احب الي ابغى وكمان انا متاكده مليون في الميه اني لو اتعرفت على واحد وحبيتو مستحييييييل يتزوجني وحتى لو اتزوجنا محنعيش مع بعض مبسوطين عشان ما بني على باطل فهو باطل واحس الي ما خلاني اخد الانسان الي حبيتو وحبني اني كنت اكلم ودا الشي حرام طبعا فعشان كدا ما سار بيننا نصيب مع اننا نحب بعض وهو كمان كلم امو وكانت موافقه على زواجنا
وغير كدا سرت احس انو كل الشباب يكلمو حتى لو كان يحب او متزوج لاززززم يكلم بنات وبصراحه مره خايفه اتزوج واحد يكون يحب وحده تانيه وقتها من جد مدري ايس حيسير فيا

المهم انا دحين نفسي اتزوج وباي طريقه ابغى شي بالحلال ما ابغى ارجع للحرام تاني والله تجيني اوقات كتير افكر اضيف أي ولد عندي في البي بي واكلمو بس ارجع في كلامي في اخر لحظة لا تقولولي حاولي تشغلي نفسك باي شي انا عندي ميه شي ممكن اشغل نفسي في بس انا طول عمري متعوده اني اكلم الي احبو من وقت ما اصحى لين ما انام وفجأه بين يوم وليله ما سار عندي احد اكلمو
دحين باحاول استغفر كتير واقرأ سورة البقره مقسمتها على 3 ايام واسمعها يوميا و بادعي ربنا في كل وقت بس لحين ما سار شي ومو عارفه ايش اسوي مررررررررررررررة تعبت
وغير كدا بنات خوالي واعمامي كلهم متزوجين وعندهم اطفال حتى الي اصغر مني اتزوجو ما شاء الله وكمان صحباتي متزوجين او مخطوبين وسارت اغلب جلساتنا يكون الكلام فيها عن اطفالهم و ازواجهم وانا ما الاقي شي اقولهم هوا ودا الشي مرة متعبني
و قبل كم شهر سافرنا برا وفرحت قولت دحين اروح اغير جو وانسى بس احس نفسيتي تعبت اكتر كل الي مسافرين عرسان و رايحين شهر العسل وربي حتى السفر كرهتو
والله مدري ايش اقولكم بس مررره مخنوقه ومضايقه ومو عارفه ايش اسوي وفين اروح ادري انو كلامي ملخبط وعلى بعضو بس ان شاء الله تفهموني دخلت المنتدى على اساس بس اتصفحو ولقيت نفسي فتحت موضوع وباكتبلكم

الي عندها الحل ياليت تديني هو وكمان اتمنى من كل وحده دخلت هنا تدعيلي كل ما تفتكرني ما ابغى تكتبي الدعوه هنا بس ابغاها من قلبك وفي ظهر الغيب

ومره اسفه طولت عليكم

>>>>> ردود الأعضـــــــــــــــــــاء على الموضوع <<<<<
==================================


يل اختي ما ادري شقول لك
لأنك واعية
وتعرفين مهاتفة شخص لا يقرب لك حرام
فاصبري نفسك بالصبر والصلاة
وبالتوفيق


__________________________________________________ __________

ماشيه حلو للحين و روتين اجمل اذا بين ثناياه
سورة البقره تدوي في حناياك ..
بس في شي يا اختي ضروري توعين عليه
العلاقه اللي طلعتي منها ، هي صدقيني تعود اكثر من حب
انتي تعاني من فراغ من بعده و هذا انتي من كلامك معاك
مليون حاجه تشغلك عن هالامور..
قضي هالفتره على اساس انك تتخلصي من بقايا الشخص
اللي حبيتيه و تأكدي من خلو عقلك و قلبك منه..
قبل لا يجي ولد الحلال و انتي فيك حب للي راح..
و هذا انتي لسه ورده صغيره
و العمر قدامك و لاحقه على مسؤؤليات و غيره و غيره..
بكرا تجي تقولي تزوجت و طفشت من زوجي و من حياتي


عسى الله يهنيك بحياتك و لا يجيب التعب و الطفش لدنياك..


__________________________________________________ __________

الشخص لو يبغاك كان تخطى كل العواقب واخذك مو تفاهة مشاكل وتركك
لاتقعدي تفكري فيه وهو ماضحى من اجلك،..انسيه وانسي طاريه
والله يرزقك ولد الحلال في القريب العاجل .


__________________________________________________ __________

المشاركة الأصلية كتبت بواسطة فرح.
الشخص لو يبغاك كان تخطى كل العواقب واخذك مو تفاهة مشاكل وتركك
لاتقعدي تفكري فيه وهو ماضحى من اجلك،..انسيه وانسي طاريه
والله يرزقك ولد الحلال في القريب العاجل .



__________________________________________________ __________

انا ان شاء الله كلما رق قلبي للدعاء بدعيلك ان شاء الله وما راح اقلك اشغلي نفسك بس بقولك ان الزواج موهو الجنه انا كنت زيك تمام وتزوجت وجبت عيال وعرفت ان السعاده تكون في راحة البال وانشغال العبد طبعا بعبادة ربه اولا وبعد ذلك بما عنده من نعم واستمتاعه بوقته قدر المستطاع لان النعمه بمجرد ما تكون عندك ما راح تحسي فيها وتتطلعي لحاجات اخرى فالاولى لانسان يستمتع بما عنده من نعم ويذكر نفسه ان مخلوق لعبادة ربي وانه في اي لحظه ممكن يروح لدار الح....حتى الي متزوجه ممكن تكون مخنوقه من وضعها واولادها ومسؤوليتهم وتخوفها عليهم ويمكن يجي عليها يوم تقول انا ايش خلاني اورط نفسي...المهم في هاذ الدنيا اهم الشي الصبر على كل وضع لانه حتى النعم نفسها ملياااااانه سلبيات والراحه الكامله تكون في الجنه ان شاااااء ربي يرزقني واياك النظر الى وجهه الكريم