عنوان الموضوع : انا غبية وربي غبيه -تم الاجابة
مقدم من طرف منتديات نساء الجزائر

انا غبية وربي غبيه



مرحبا...
يا بنات انا مررررا خايفه ولا انام الليل من الخوف دايما افكر بهالموضوع.،يا بنات انا تعرفت على شخص من الانستجرام فالبدايه ارتحت له وعطيتهه معلومات غلط عني..مع الايام حسيت ان يحبني وقال يبي يجي يخطبني وانا صدقته ..وكان كل يوم يفاتحني بالموضوع لحد ما صدقت ان يبيني وهو منطقته غير عننا وقال راح اجي منطقتكم عندي صديق من نفس منطقتكم..وفعلا جا وطلب مني ان يشوفني انا قلتله بما انك تريد تخطبني بوصفلك بيتنا(فعلا غبيه ومنحطه وما افتهم)ومع اني ما وصفتله بيتنا وصف دقيق الا انه عرف بيتنا وارسل لي صورة بيتنا وسألني هذا بيتكم وانا خفت قلت له ما راح اقولك وانا خايفه .،قال لا تخافي انا مو مجنون اسويلك شي وقلتله روح لاحد يشوفك وبعدها راح..المهم اعتقد صور رقم سيارة ابوي وهو يشتغل فالشرطه وطلع كل معلوماتي وارسل صورتي اللي فالبطاقه الشخصيه وقال هذي انتي وكذبتي علي وعطيتيني معلومات كلها غلط..وانا حلفت له زور اني مو انا عشان لا يورطني وهو قال انتي تكذبي انا متأكد من معلوماتي..وهذي انتي وحتى رقمك عندي وكنت مسجله فالبيانات تبع بطاقتي الشخصيه رقم خالي..وقال ترا اقدر ارسلك ع رقمك بس انا ما اريد..وانا لو كنت اريد اسبب لك مشاكل بسيويلك من الاول..بصراحه انا خففففت ع نفسي لان صار يعرف كل صغيرة وكبيرة عني وبعدها حذفته وقلتله ما ابي اتواصل معك ليش تجيب لي معلومات وصور بنات الناس وربي اني ندمانه وخايفه من اللي صار خايفه لا يروح يرسل ع رقم خالي وخايفه لا يفضحني وينشر صورتي حتى ولو كانت تبع البطاقه الشخصيه الحين مر11 شهر ع هالسالفه وربي خايف ومانسيت..اخاف لا يرجع مرة ثانيه ولا يتصل على ابوي او اي احد لان يعرف معلومات العيله..بنات الله يخليكم شوروا علي انا خايفه واريد انسا اللي صار..وانا ع طول قطعت علاقتي فيه نهائيا من 11 شهر..تتوقون اذا بيضرني ممكن يضرني بعد كل هالوقت؟! وربي خايفه ساعدووني

>>>>> ردود الأعضـــــــــــــــــــاء على الموضوع <<<<<
==================================


حبيبتي دام مر 11 شهر وما سووى شي
معناته ما راح يسوي لا تخافي ولا تكرري هالغلطة
وكرري (( اللهم استرني فوق الارض وتحت الارض ويوم العرض ))
الله يستر عليج وعلى جميع بنات المسلمين
موفقة

استغفر الله العظيم الذي لا إله إلا هو الحي القيوم و أتوب إليه


__________________________________________________ __________

لو عمل لك شئ كان عمله قبل 11 شهر
مو بعد مرور 11 شهر
كرري دائما اللهم اجعل كيده في نحره
والله يستر عليج


__________________________________________________ __________

لاتخافين وخذي هذا الشي درس لك ..
ولو بيسوي شي كان سوى قبل 11شهر ..
انتي ادعي دايماً ان الله يشغله بنفسه


__________________________________________________ __________

الله يهديك ليش تدلينه ع بيتكم اكيد صديقه اللي جابه..وبما ان صورتج الشخصيه يعني بحجاب تقدري تقولي هو مطلع معلومات عنك وما تعرفينه منو..وما اعتقد راح يرسل لانه يخاف لا يتمشكل وهو شرطي بعد


__________________________________________________ __________

ادعي ان الله يسترك .. تقريباً مرت سنة مااقولك الاولاد ينسون بس مااعتقد راح يضرك دامه شرطي لانه بينكب معك !

لمتى والبنات كذا لمتى بالله .. كم مره شفتي بنات بحالتك واخس ما تعلمتي منهم ورميتي نفسك نفس الرمية ليش هاه !

لـــــــــيــــــــــش ..!

هالخوف اللي تحسين فيه وتانيب الضمير والقلق وشعور الذنب ،، كله عشان عملك الغلط اللي سويتيه !

استغفري الله وتوبي وواضبي على صلاتك صليها بوقتها لانها رادعها عن الفواحش ..!

بعدها تعم في داخلك الراحة والهدوء ..!

وتذكري ان الله يحبك لانه يحبك حسسيتي بالضيق والقلق والخوف والضمير النادم والمؤنب !
يبغاك تردين له .. حسسك بظلمة ووحشة المعصية عشان ترجعين له وتكونين من الصالحين !

ارجعي له واسمعي لنداء اللي يصرخ فيك كل يوم !

الروح راحتها بالله
خليها ترتاح وتأنس بوجوده !

اعانك الله واعنانا جميعاً على انفسنا !

سبحانك اللهم اني كنت من الظالمين ،،

اهتمي بنفسك !