عنوان الموضوع : تحسفت اني تزوجت على قد شعر راسي
مقدم من طرف منتديات نساء الجزائر

تحسفت اني تزوجت على قد شعر راسي



السﻻم عليكم

انا عمري 18 سنه ولي 3 شهور من تزوجت ومتحسفه اني تزوجت تخيلو زوجي قبل العرس كان كل يوم يعطيني كﻻم حلو ورومنسي ويسوي لي كل الي ابييه ومو مقصر عني في شي ويوم تزوجنا قال لي الدلع شهر واحد وانا علبالي يقولها عن مزح طلع صح الكﻻم الي يقوله وياليت دلعني في شهر ياالييت كلها 4 ايام وبعدها قام يروح عند ربعه بالساعات ويرجع ياخذ حقوقه وينام وﻻ اشوفه وكل يوم يزيد عن اليوم الثاني والله والله اني ما اشوفه يانايم ياطالع واذا صار قاعد مايقعد معاي الا علشان نفسه وانا في منطقه واهلي في منطقه ثانيه ومن تزوجت كل اسبوعين مره المشكله ان المنطقه تبعد بس ساعه ونص واذا طلبته اللحين انني ابي اطلع يقول لي مافي من تزوجت رحت 3 مرات مطاعم وليومكم مب راضي يطلعني والله كل يوم اصيح واتحسف اني تزوجت من هالانسان كترهته وكارهه عيشتي معاه المشكله حتى الكﻻم ماينفع معاه تعبت وانا اكلمه بس مانفع حتى فيييه طبع كريه كله يكذب ويكذبني وانا والله ماعمري قصيت عليه في شي وﻻ قصرت حتى عليه في شي مادري ليش معيشني هالعيشه ساعات اقول حق امي ما ابيه تقوم تضحك علي والله انا من اول قبل ﻻنتزوج كنت ما ابيه احس اني مب مرتاحه معاه وامي تقول لي كﻻم جهال تكبرين وتشوفين ان الزواج حلو وانا كارهه نفسي من يوم تزوجت شتلحل علموني والله تعبت من البكي الي كل يوم ومن التعب النفسي الي عايشته ومن هالعيشه الي تجيب الهم .. والمشكله حتى لو تعطوني حلول مابينفع والله جربت معاه كل شي بس انا جايه افضفض والله انا اتكلم ودموعي على خدي متحسره على عمري وعلى العيشه الي كنت عايشتها مع اهلي والله ودي ترجع عيشتي مثل قبل

>>>>> ردود الأعضـــــــــــــــــــاء على الموضوع <<<<<
==================================


اختي الحبيبه فيه رياجيل بتتعب في البدايه لكن بمرور الوقت يصبحون احسن .. اقول لك شي اصلحي علاقتك بربك ..يصلح الله لك زوجك.. احفظي هالقاعده خاصه انك في بدايه زواجك .. ودوم اكثري من الاستغفار كثيييييرا واقري سورة الانشراح 3 مرات يوميا .. خصصي صندوق صدقه في البيت حطي فيه ماتقدرين عليه فالصدقه تجلب البركة .. ثم اهتمي بنفسك وبجمالك ونوعيه الاطعمة التي تتناوليها اما زوجك فاصبري عليه كلميه واتدلعي عليه لا اقول انه سيتغير بين يوم وليله انما خطوة بخطوة ستكسبيه ان شاء الله ...وموفقة ان شاء الله


__________________________________________________ __________

الله يعينك حبيبتي


__________________________________________________ __________

خسارة تزوجتي هذاﻻاﻻنسان هذا كﻻم لكن اتعودي على اطباعه شوي شوي

زين حبيبتي واصبري واحتسبي اﻻجر صدكيني يمكن بمرور اﻻيام يتغير ترى

ممكن ليش ﻻ يا ما ناس انصلحوا واتغيرو نحو اﻻحسنوقوي عﻻقتج بربج مثل

ما قالو البنات واهتمي بروحج ورشاقتج عادي كانه مدلعج كل الدلع واصيري احلى

عن اليوم السابق راح اتكولين نفسيتي تعبانه راح اكلج ستب باي ستب يعني

خطوة خطوة توصلين لمرادج ترى الطﻻق واﻻنفصال واناي زغيرو ما اعتقد يفيدج

راح يزيد من نفسيتج تعب والناس راح تسئل ليش تطلقتي ويا حرام بعدح زغيرة

اصبري ترى بعدكم 3 اشهر يمكن بعدة متعلم على حياة العزوبية انطي للرجال

فرصة وشوفي والله يصلح حالكم وجميع المسلمين

تحياتي


__________________________________________________ __________

المشاركة الأصلية كتبت بواسطة ديدوكيو
اختي الحبيبه فيه رياجيل بتتعب في البدايه لكن بمرور الوقت يصبحون احسن .. اقول لك شي اصلحي علاقتك بربك ..يصلح الله لك زوجك.. احفظي هالقاعده خاصه انك في بدايه زواجك .. ودوم اكثري من الاستغفار كثيييييرا واقري سورة الانشراح 3 مرات يوميا .. خصصي صندوق صدقه في البيت حطي فيه ماتقدرين عليه فالصدقه تجلب البركة .. ثم اهتمي بنفسك وبجمالك ونوعيه الاطعمة التي تتناوليها اما زوجك فاصبري عليه كلميه واتدلعي عليه لا اقول انه سيتغير بين يوم وليله انما خطوة بخطوة ستكسبيه ان شاء الله ...وموفقة ان شاء الله



__________________________________________________ __________

كلام البنات عين العقل الرجال مو زينا يقدرو يتعودو ع التغيير بسرعه
محتاجين وقت وصبر عشان يتعودو ع الحياه الجديده
وبماانكم متزوجين من 3 شهور جدا بدري
وع قولت الرومنسيه والكلام الحلو قبل الزواج هذا لانه كان وده يتطمن لين تكوني له
وبماانك الحين زوجنه فاكيد مرتاح من هالناحيه ويتصرف بطبيعته
وانتي كمان لاتصري ع الطلعات والرومنسيه انشغلي ببيتك وبنفسك والحمدلله الحين
ياكثر الطرق اللي تتواصلين فيه مع اهلك واخواتك
كلميهم فيديو واستانسي وانسي سالفة الرومنسيه والطلعات
وحاولي تهتمي فيه بس بذكاء سويله الاكلات اللي يحبها
واهم شيء خليكي صديقته قبل ماتكوني زوجته صدقيني
اذا سويتي كذا ماحيتركك ولا يتاخر عليكي وبيشتاق لقعدته معاكي
لانك ببساطه تحسسيه انو صديقك تمزحي معاه تعانديه بدلع تضحكي وتنبسطي من قلبك
فهذا الشيء ينعكس عليه وتصيرين دنيته
اسفه ع الاطاله نصيحه اتمنى تتقبليها بصدر رحب

وع قولت البنات زيني علاقتك بربك تزين لك حياتك