عنوان الموضوع : مابي اصير ذكيه اوف. -لصحتك
مقدم من طرف منتديات نساء الجزائر

مابي اصير ذكيه اوف.



مشكلتي اني ذكيه جدا وكلمه ذكيه قليله بحقي ، بنات من جد والله ماكذب ذكائي معقدني ، انا عمري 11 سنه توني داخله 12 ، بعد كم شهور راح اكمل 12 سنه ، بس بتستغربون في احد مايبي الذكاء ، الفرق ان في بنات اكبر مني غبايات ، انا بقريه قريبه من حايل والي حواليني اغبياء ، اختي اكبر مني ودلخه وماتتصرف بعقلاني ، وكل الحولي وامي تقول انك خبله ماتعرفين تتصرفين .. الخ ، بنات انا اعرف"لغة العيون،لغه الجسد"ماحد يقدر يلعب بذيله علي ، ولا يكذب علي اكشف الكذاب بسرعه ، واعرف اشياء اكبر مني مستحيل في شىء ماعرفه ، عندي قدرات واشياء ماتتصدق ، والله اني اشكر ربي على النعمه ، بس ماحد يعطيني وجهه يقولون بزره ، اطفش صاحبتي بزره ماتعرف شىء ، في النت انا اعلم منها ، عندنا معلمه تعرف للكمبيوتر بس كل يوم تناديني عشان اعلمها بكذا حاجه ، معلماتي نفس النتيجه ، انا سريعه وبسرعه توصل المعلومه ، ذاكرتي ماتنسى ، وهذا رافع ضغطي ، يا عالم انا ذكيه طالعو فيني ، انا حلوه واكشخ كثير ، وش الفرق بيني وبين البنات الثانيات"للمعلومه،المعلمات يحبون شله البنت لانهم مصلحجيات معاهم".. اوفف لاتقولو غيره ، صح غيره بس امانا مو يرفع الضغط ، ذكيه واتعب واخر شىء هذي تاخذ مركز غلط ، والله حرام ببكي من القهر ، ماحد فاهمني ، عشاني بزره ؟ والله مو بزره انا بنت كبيره بالغه ، بس للاسف عقولهم صغار ، الحين انا اعرف اشياء ابي اقولها لاحد ماحد معطيني وجهه ، سويت كتاب جميل ومتاكده 100% بيقرونه ، قلت لابوي ابي اطبعه ، قال يوو يا ورعه توك صغيره الحين كله اغلاط وكلام خرابيط ، انا ماعندي اغلاط ، انا اعرف اكتب بدون اغلاط املائيه ، والله ماكذب بس شسوي ؟ المهم من بعد كلام ابوي انحرقت كنت حاطه املي كلو ، بالكتاب ؟ واخر شىء يروح شىء يرفع الضغط ، تمنيت اكون بزره حقت مسلسلات وخرابيط ، بس عقلي مايوازن هالاشياء ، وفيني صفه شينه اني"عصبيه"بس ماتبان عصبيتي عند الناس ابين اني بارده او اقعد استفزها ، اكتم واكتم كثير في اشياء مضايقتني بس اكتم ، لدرجه كلمه"كليزق،انتي غبيه"تاثر فيني بس مايبان واحس فيني الصيحه بس مابين ، ماحد قادر يفهمني ت ع ب ت ، خلاص نفسي اصير طفله وتفكيري بالممثلين والمغنين والمسلسلات ، الذكاء توقعته حلو ؟ بس طلع يرفع ضغط ، والله حاولت اتغير بس ماقدر تصرفات الناس لي ، تاثر فيني جدا جدا ، مشكلتي ممكن تقولون سخيفه ؟ بس لي شىء ك ب ي ر.

>>>>> ردود الأعضـــــــــــــــــــاء على الموضوع <<<<<
==================================


طيب حبيبتي انت ممكن زي ماتقولي ربي وهبك الذكاء
وهذه نعمة من الله .. لكن بتصرفاتك هذه تجعليه نقمة !!
كونك ذكية فهذا مايعني ان بقية الناس ' اغبياء ' وان كنت تعرفي لأمور ف الحاسب وغيره فالعلم كله لم يعط لشخص !!
' وما أوتيتم من العلم إلا ( قليلاً ) '
ومن تواضع لله رفعه ..
ذكائك حلو .. استفيدي منه في مساعدة غيرك
اشرحي لزميلاتك مثلاً .. اعينيهم مثل ما تساعدي المعلمة ف الكمبيوتر
الناس راح تحبك وتعترف بوجودك لما تمدي لهم يد المساعدة
مو لما تقولي لهم ' انا ذكية ' !
وانت بنيتك عمل الخير وطلب الاجر من الله
وتخلصي تماما من شعور " الكبر " اللي بنفسك .. وان ' انت ِ غير '
ف الله خص كل انسان بميزة .. ولافرق بيننا ..
واللي اشوفه بك خير كبير ماشاء الله وحب للتعااون

بالنسبة لموضوع الكتاب ..
ممكن تفتحي موضوعه مع معلماتك .. و وحده تنقحه لك وان كان خالي من الاخطاء تتاكد منه
ثم تكلموا وزارة الاعلام .. وتاخدي اذن بطباعته وتنشريه ..< ان كنت بالسعودية
وابحثي عن طريقة النشر بنفسك بالنت وابذلي جهدك ..
توكلي ع الله واسأليه المعونة ^_^
ثم خذي بالاسباب من بحث واستشارة اللي اكبر منك والمتخصصين في نشر الكتب

اما العصبية
فطبقي الخطوات اللي تعلمناهاا من رسولنا صلى الله عليه وسلم
اذا غضبتِ تعوذي من الشيطان
غيري وضعيتك اذا واقفة اجلسي و .. الخ
وسامحيني لو كتبت شي ماعجبك . بس حبيت افيدك ^^


__________________________________________________ __________

لأنك ذكية تقولين عن ناس اغبياء ؟؟؟؟؟؟؟؟؟


__________________________________________________ __________

القطة السمراء √


الا ماراح تكتشفي شيء ماتعرفيه بيوم !
اتواضعي وساعدي باللي تقدري عليه !
الكتاب كمان اعطي خبر لامك او اخوك انك تفكرين بنشره عشان يوقف معك ويساعدك !
بالنسبة للعبارات البذيئة الكتاب الشطار مايستخدمونها في كتابهم او كتاباتهم العادية !
عشان تنتبهي .. تحسي بقيمة نفسك لما تحققي لنفسك نجاح راح تحسي بقيمتك حتى لوغيرك ماحس !
لا تخليهم ياثرون عليك وكوني من يتصرف بعقله وذكائه !


__________________________________________________ __________


__________________________________________________ __________