عنوان الموضوع : ابغى اهج من البيت!!
مقدم من طرف منتديات نساء الجزائر

ابغى اهج من البيت!!



السلام عليكم
جد اتكلم انا مو عارفه اسأل مين بس كيف اهج؟
طفشت من اهلي ومجتمعنا الخايس
اول شي انا مو صغيرة عمري 19 اهلي مو محافظين مره يعتبرون عاديين ابوي فري شوي حالتنا المادية حلوة ابوي له مركزه بس طفشت عائلتنا مشتتة لاخر درجة امي تنتظرني اسوي اي شي عشان تهاوشني ومنفسه 24 ساعه طول حياتي احاول ارضيها بس خلاص انا الى هنا ويأست ابي اهج من البيت اخواني مبتعثين حاولت فيهم ابتعث لكن التفكير المريض عيوا طبعا!!
التفريق بين المعاملة اولا بين الاولاد والبنات ابسط شي ابوي يعطي اخواني زي المصروف الشهري خمس الاف والبنات طيب ليش مسحوب عليهم.؟ اوكي خواتي صغار بس انا ؟ هو مو مقصر بس ابي يعدل ومن ناحية ثانية بيني وبين اختي بالثانوي طفشت من التفريق هي اسلوبها زفت معهم ومع كذا يعاملونها تقل حاجه فيهم وهي طوالة لسان وعناد وانا اللي اتمنى رضاهم من يسمعون اسمي يتأففون ويهاوشون بدون سبب ليش طيب ؟
تعبت وطفشت ابغى تصير لي الحرية زي الاولاد حنا كلنا انسان ليش لما اطلع لصديقتي من تجي 12 تدق امي يلا وينك واخواني الساعه خمس الفجر لسا ما جوا؟ ابغى اسافر مع صديقاتي ابغى اصير مسؤولة عن نفسي مابغى النظرة ذي للبنات في مجتمعي طفشت من هالحياة ابغى اسافر واحرب اشياء جديدة لحالي حطوا عليها عشرين خط الحمدالله سافرت برا كم مره بس مع اهلي ابي لحالي كل شي بحياتنا مو عاجبني ما انكر الحمدالله احسن من غيرنا لكن معاملة امي وابوي لي انا شخصيا ويبررونها اني الاخت الكبيرة لا طبعا ماله دخل العمر الهواش وكل شي يجيني انا وهم يسوون اللي يبون ومحد يقولهم شي غير نظام حياتنا هنا كلنا ممل ابي اهاجر ابي اكمل دراستي برا انا ادرس طب ابي برا مو هنا وطبعا عيوا عشان كذا ابي اتركهم واهاجر اوكي احبهم بس خلاص ماقدر اعيش معهم اكثر من كذا احنا مو متفقين تفريقهم بالمعاملة ونظام الحياة هنا ككل ممل.. وش اسوي ؟

>>>>> ردود الأعضـــــــــــــــــــاء على الموضوع <<<<<
==================================


ياا حظظك تسهرين مع صديقتك ل١٢
انا اذا تاخرت عن الساعه٦ المغرب انطق طق الله لا يوريك
مذهبكم وسيع


__________________________________________________ __________

كنت افكر مثلك لدرجة ابكي بس ابي اهج عن البيت جلست اقرأ قران واصلي وادعي ربي وبعد م هديت استوعبت الي كنت بسويه


الله يريح بالك


__________________________________________________ __________

إنتي تتكلمين عن اهلك والمجتمع كأننا احنا الي فارضين هالشي
وين قاعده تسافرين لحالك ؟ وش شايفه نفسك إنتي ؟
ماوراك دين وحساب ؟ ماوراك أهل وسمعه ؟ وش هالكلام الي تقولينه رحتي وسافرتي معهم ومع هذا متضايقه لا تبين تسافرين لحالك !
قلتي بتروحين لصديقاتك وخلوك تروحين بس انتي زعلانه انهم ماخلوك لبعد 12 !
أصلاً حتى لو اهلك وافقوا تقعدين انتي من جدك بتقعدين ببيت البنت لين 5 !
من باب الأدب والذوق اصلاً انك ماتطولين عند أحد خلاص البنت ضيفتك وقعدتي عندها وسولفتي ليش بتقعدين لين الفجر !! ومو يعني ان صديقتك فرحانه فيك يعني ماعندها مشكله صدقيني لو كانت هي مو متضايقه من وجودك كان أهلها تضايقوا وقالوا وش هالبنت كيف اهلها يخلونها عندنا لهالوقت !
لا تقارنين نفسك بالولد
الولد مسؤول عن نفسه ويقدر يدافع عن نفسه واذا تأخر ل 5 تلقينه مع اخوياه بس مو بالبيت بالشارع يفرون ولا بإستراحه
حتى الأجانب الي هم اجانب ولا عندهم عيب ولا حرام ترجع البنت بدري والولد عادي
لإن البنت ممكن يصير لها أي شي وتخاف اما الولد شايل نفسه
إنتي تفكيرك ومع إحترامي لك ناقص .. أجل عشان كذا بتهجين !
انا من قريت العنوان قلت اهلها معنفينها ماعندها احد وتوقعت مشكله كبيره بقراها
إنصدمت وانا اقرا .. تحبين اهلك انتي ! مو مبين والله ولا هم مسوين لك كل شي بس مو باين بعيونك ماألومهم لو عاملوك غير


__________________________________________________ __________

سجلت دخول عشان ارد عليك

احنا بعايلتنا البنت اصلا ماعندها صديقات وعيب يكون عندها صديقات!!

مالي مصروف شهري ولاحتى ربع ريال!!

وغيره وغييييييييييره انتي وضعك احسن من اوضاع بنات كثييييير في هالمجتمع الذكوري


__________________________________________________ __________

المشاركة الأصلية كتبت بواسطة قلبي قلبك
إنتي تتكلمين عن اهلك والمجتمع كأننا احنا الي فارضين هالشي
وين قاعده تسافرين لحالك ؟ وش شايفه نفسك إنتي ؟
ماوراك دين وحساب ؟ ماوراك أهل وسمعه ؟ وش هالكلام الي تقولينه رحتي وسافرتي معهم ومع هذا متضايقه لا تبين تسافرين لحالك !
قلتي بتروحين لصديقاتك وخلوك تروحين بس انتي زعلانه انهم ماخلوك لبعد 12 !
أصلاً حتى لو اهلك وافقوا تقعدين انتي من جدك بتقعدين ببيت البنت لين 5 !
من باب الأدب والذوق اصلاً انك ماتطولين عند أحد خلاص البنت ضيفتك وقعدتي عندها وسولفتي ليش بتقعدين لين الفجر !! ومو يعني ان صديقتك فرحانه فيك يعني ماعندها مشكله صدقيني لو كانت هي مو متضايقه من وجودك كان أهلها تضايقوا وقالوا وش هالبنت كيف اهلها يخلونها عندنا لهالوقت !
لا تقارنين نفسك بالولد
الولد مسؤول عن نفسه ويقدر يدافع عن نفسه واذا تأخر ل 5 تلقينه مع اخوياه بس مو بالبيت بالشارع يفرون ولا بإستراحه
حتى الأجانب الي هم اجانب ولا عندهم عيب ولا حرام ترجع البنت بدري والولد عادي
لإن البنت ممكن يصير لها أي شي وتخاف اما الولد شايل نفسه
إنتي تفكيرك ومع إحترامي لك ناقص .. أجل عشان كذا بتهجين !
انا من قريت العنوان قلت اهلها معنفينها ماعندها احد وتوقعت مشكله كبيره بقراها
إنصدمت وانا اقرا .. تحبين اهلك انتي ! مو مبين والله ولا هم مسوين لك كل شي بس مو باين بعيونك ماألومهم لو عاملوك غير